12/01/2022
Hokorwa iki kugira abamenyereza ntibagume bidogera ishirahamwe ryumupira wamaguru muburundi ?
Imirwi myinshi yo mucicaro cambere mwihiganwa rya Primus Ligue iridoga cane bivanye nuko basanga abakinyi babao bahanywe bivanye namakarata yumuhondo bagiye bararonka munkino ziba zaraheze. Kumusi wambere wigice kigira kabiri mwiryo higanwa (phase Retour) haribonekeje ukudatahura neza uko ubuhinga bwa FIFA bukora kubamenyereza batandukanye, mugihe umukinyi baba baziko azokina maze bagasanga baramuhagaritse murubwo buhinga.
Mbega ubwo buhinga bukora gute canke abamenyereza bomenya gute ko umukinyi runaka yoba yahagaritswe kurukino rukurikira?
Reka twifashishe urubuga rwa FIFA arirwo bita Connect rusanzwe rukoreshwa nimirwi yose yo mucicaro cambere hamwe nicicaro cakabiri.
Urwo rubuga buri murwi urafise umuntu asanzwe arukoresha mugushiramwo urutonde rwabakinyi baza gukina urukino. Muruko kurukoresha ninaho ushobora kumenya ko umukinyi wawe yoba yarahagaritswe.
Urwo rubuga rugafasha imirwi yose kwitunganya kugira ntihagire uwo bitagenda neza, urwo rubuga nyene rutuma ihana hana ryabakinyi rinyaruka kandi rugakingira abakinyi hamwe nimirwi mugihe hoba ububeshi mwihanahana ryabakinyi.
Ukutamenya uko urwo rubuga rukoreshwa rero, hari abamenyereza batari bake bidoze ko bishobora kuba bibera kubajejwe ubuhinga mukigo kijejwe ivyinkino zamaguru ariko munyuma bagiye batahura ko ataribo bivako ahubwo ari ubuhinga bwurwo rubuga rwa FIFA.
Uko urwo rubuga rukora :
1. Mugihe umukinyi yaronse ikarata zumuhondo zibiri munkino zibiri hama agahabwa ikarata itukura atarakwiza ikarata zitatu, arabanza agahanwa kubera iyo karata itukura yaronse.
2. Mugihe igihano akimaze cikarata itukura, akongera akaronka iyindi karata 1 gusa yumuhondo aca yongera agahagarikwa kubera zimwe zibiri yari yararonse imbere yuko aronka ikarata itukura.
Iciza cubu buhinga bwa FIFA
Ivyiza biriho murubu buhinga nacane cane ko twari tumenyereye abantu bashwana ko umukinyi aruwabo bose bikaja mumanza mwishirahamwe ryumupira wamaguru ariko uru rubuga rwaje gukuraho impari canke ukwama mumanza zidahera.
1. Umukinyi iyo yamaze kwandikwa mururwo rubuga ntawushobora kubesha ko umukinyi aruwiwe kubera aba afise aho yiyandikishije bakimushira mururwo rubuga.
2. Ihanahana ryabakinyi riranyaruka rikaba mukiringo gito cane.
Hokorwa iki kugira abamenyereza ntibaze baridoga mugihe hageze urukino ?
Kugira ntihaze harabaho ukwidoga kwabamenyereza bakwiye guhimiriza abasanzwe bakoresha urwo rubuga rwa FIFA arirwo Connect ko boza bararaba kururwo rubuga inyuma yuko abajejwe ivyinkino bamaze gutanga ukwo inkino zagenze niho uca ubona abahagaritswe bose mumurwi wawe maze ukamenya uko uvyitwaramwo.
Aba nibo bakinyi batazokina kundwi ya 17 yihiganwa rya Primus Ligue Burundi.
1. NAHIMANA SHASSIR (BUMAMURU)
2. JAMARI BAZUNZA (BUMAMURU)
3. LAMADHAN SALUM (BUMAMURU)
4. NICOLAS KANYAMUKENGE (AIGLE NOIR CS)
5. AKIMANA TRESOR (BUJA CITY)
6. NDIKUMANA CHRIS (MUSONGATI)
7. MURYANGO MOUSSA (MUSONGATI)
8. IRADUKUNDA PARFAIT (OLYMPIC STAR)
9. NDUWAYO AIZAK HASSAN ( NEW OIL)
