31/07/2019
في الجامعة الجزائرية هنا 7 أنواع من الطلبة
1- تلقاه هاز قيثارة وقاعد مع لبنات يغنيلهم .فالأغلب تلقا شعرو مكشرد وقاوي .ولبنات لي معاك كامل سيفيليزي .هاذا الفئة ديما مكروهة فالجامعة
2- لي يحبو التعراض .تلقا الاولاد يعرضو بطوموبيل تاع باباهم طالع هابط بيها ولبنات تلقاهم يعرضو بالفيزو ولميني
3- تلقاهم ثلاثة ثلاثة حاكمين قرنية ويلعبو فالدادوس ولا الديمينو معلابالهمش بالدنيا .ولبنات تلقاهم يحكيو فقصص حياتهم
4-تلقاه يظل وحدو يوكل وحدو يقرى وحدو يروح وحدو ديما وحدو
5-تلقاهم كوبل يظلو مع بعض صباح نص نهار لعشوة ميخطيوش بعضاهم
6- تلقاهم زوج صحاب يظلو يدورو الحامعة يعرفوها شبر بشبر وعبد بعبد تقولهم بلدية .عندهم ميزة يقدرو يعرفو العباد لي ميقراوش ثم .وين تروح تلقاهم
7-تلقاهم ثلاثة ثلاثة ولا ربعة قاعدين يعسو فاللي رايح وجاي .ساعة يكحلو وساعة يعلقو على الناس
شكون فيهم نتا 😂
🔊
