Mohammed Ghanam

Mohammed Ghanam مساحتي الخاصة لمشاركة تبسيط مفاهيم البرمجة، كواليس بناء المشاريع، ونصائح عملية لكل مهتم بالـ Software Development.

للتواصل:
+201101023681

24/06/2026

أكبر غلطة مبرمجين في الـ Backend! ❌

الـ Login مش كل حاجة! لو فاكر إن الأكونت طالما مفتوح يبقى السيرفر في أمان، فالفيديو ده ليك. اعرف الفرق في دقيقة بين الـ Authentication والـ Authorization بمثال بسيط من حياتنا اليومية.

استنوا الجزء الثاني 💻🔥

23/06/2026

لو فاكر إن مجرد إنك عملت Login يبقى تقدر تعمل أي حاجة...
فأنت فاهم Authentication غلط.

فيه مفهوم تاني اسمه Authorization، وهو اللي بيحدد أنت تقدر تعمل إيه أصلًا.

بكرة الساعة 8 بالليل هشرح الفرق بينهم بطريقة بسيطة جدًا ومن غير تعقيد.

اعمل Follow واستنى الفيديو.

#برمجة

17/06/2026

كل يوم بنفتح فيسبوك، واتساب، إنستجرام، وغيرهم من التطبيقات.. 📱💬
بس عمرك وقفت ثانية وسألت نفسك:
هي التطبيقات دي بتجيب البيانات والرسائل والصور دي كلها منين وفي ثواني؟ 🤔
في كلمة واحدة هي السر ورا كل اللي بيحصل في الكواليس ده.. ومن غيرها الموبايل مش هيعرف يكلم السيرفر.

استمتع بالفيديو وقولي رأيك ف كومنت ❤️

#برمجة

جاهز لفيديو ال APIs؟ 😉قلتلك اعمل منبه بدل م تنسي🤦فكرتك اهه متنساش تبص النهاردة الساعة ٨ بليل (كمان ربع ساعة من دلوقت) ...
17/06/2026

جاهز لفيديو ال APIs؟ 😉

قلتلك اعمل منبه بدل م تنسي🤦

فكرتك اهه متنساش تبص النهاردة الساعة ٨ بليل (كمان ربع ساعة من دلوقت)

#برمجة

16/06/2026

كل يوم بنفتح فيسبوك، واتساب، إنستجرام، وغيرهم من التطبيقات.. 📱💬

بس عمرك وقفت ثانية وسألت نفسك:
هي التطبيقات دي بتجيب البيانات والرسائل والصور دي كلها منين وفي ثواني؟ 🤔

في كلمة واحدة هي السر ورا كل اللي بيحصل في الكواليس ده.. ومن غيرها الموبايل مش هيعرف يكلم السيرفر.

بإذن الله بكره الساعة 8 بليل، هينزل فيديو قصير بشرح فيه الموضوع ده ببساطة جداً ومن غير أي تعقيد 😉

متنساش تعمل فولو وتفعل الإشعارات علشان يوصلك الفيديو أول ما ينزل.

سلام. 👋

#برمجة

15/06/2026

خطوة جديدة في رحلتي البرمجية.. ومتحمس أشارككم تفاصيلها 🚀

كـ Back-End Developer ومؤسس لشركة InnoSoft، مؤمن جداً إن "التعلم" هو الوقود اللي بيخلينا نكمل في المجال ده.

قررت أبدأ مرحلة جديدة وهي "توثيق رحلتي" برمجياً. مش بس علشان أشارككم الحاجات اللي بتعلمها في Python و Django، لا، أنا حابب أشارككم "الواقع": التحديات الحقيقية اللي بتقابلني، المشاكل اللي بحلها في الكود، والدروس اللي بتعلمها من كل مشروع بشتغل عليه.

هدفي بسيط:

أبسط المفاهيم البرمجية الصعبة.

أنقل تجربة حقيقية بعيداً عن كلام الكتب.

نكبر مع بعض ونبني مجتمع بيتبادل الخبرات.

يسعدني جداً إنكم تتابعوا الرحلة دي، ومستني أسمع آراءكم وتجاربكم في الكومنتات.

#مصر

أكيد كلنا كمبرمجين بندخل في الـ "Zone" واحنا شغالين، الساعات بتعدي وبننسى نفسنا وسط الأكواد والـ Bugs، وممكن ننسى حتى نش...
25/04/2026

أكيد كلنا كمبرمجين بندخل في الـ "Zone" واحنا شغالين، الساعات بتعدي وبننسى نفسنا وسط الأكواد والـ Bugs، وممكن ننسى حتى نشرب ميه، فما بالك بذكر الله!

من هنا جات فكرة إضافة Tasbeeh Reminder (ذكر الله) لـ VS Code.

النسخة الجديدة (3.0.0) نزلت وبقت متكاملة بشكل كبير. الهدف من الإضافة مش إنها تطلعلك Pop-ups مزعجة وتفصلك عن تركيزك، بالعكس.. هي مصممة إنها تخلي فيه "بركة" في وقتك من غير ما تقطع حبل أفكارك.

إيه المميزات اللي في الإصدار ده؟

📿 العداد الهادي (Status Bar): أيقونة بسيطة تحت في شريط الحالة فيها عداد تنازلي شغال بهدوء، بيعرفك فاضل قد إيه على الذكر الجاي عشان تبقى عامل حسابك.

📈 الورد اليومي (Daily Goal): الإضافة دلوقتي بتتابع تقدمك (مثلاً 15/100). بمجرد ما تضغط على زر "تم الذكر 🤍" العداد بيزيد، ولما بتوصل للهدف اليومي بتاعك بتطلعلك رسالة تحتفل بيك وتشجعك تستمر.

🤲 أذكار ذكية ومخصصة: مش مفروض عليك حاجة معينة، تقدر تختار نوع الأذكار (عامة، استغفار، صباح ومساء) أو حتى تكتب الأذكار اللي انت متعود عليها بنفسك.

⚡ التحكم السريع (Snooze): لو التنبيه جالك وانت في سطر كود معقد ومش عايز تفصل خالص، بضغطة واحدة تقدر تأجل التنبيه 15 دقيقة. وتقدر كمان تطلب ذكر فوراً في أي وقت.

المشروع ده أنا عامله كصدقة جارية ومفتوح المصدر (Open Source) بالكامل تحت مظلة InnoSoft. أي حد حابب يساهم في الكود ويضيف أفكار جديدة هكون مبسوط جداً.. ده لينك المستودع المباشر على GitHub:
🔗 https://github.com/InnoSoft-Company/TasbeehExtention

عشان تنزلوها وتجربوها:
تقدروا تحملوها وتسطبوها على طول من اللينك المباشر لـ VS Code Marketplace:
🔗 https://marketplace.visualstudio.com/items?itemName=midoghanam.tasbeeh-reminder
(أو لو من جوه البرنامج ابحثوا عن midoghanam.tasbeeh-reminder)

جربوها.. وقولولي رأيكم في التعليقات، ولو عجبتكم ياريت تعملوا شير عشان غيرنا يستفيد وناخد الثواب سوا. دعواتكم! 👇

#برمجة

19/04/2026

بتفكر تنقل شغلك أونلاين بس قلقان من التكلفة؟

معانا بنحول فكرتك لواقع رقمي احترافي بأفضل جودة وأنسب سعر في السوق، عشان تلحق مكانك في المنافسة. سواء كنت بتبدأ وعايز موقع تعريفي شيك، أو عندك سيستم معقد ومحتاج شغل Backend تقيل، إحنا معاك.

إيه اللي بنقدمهولك؟

تصميمات عصرية (UI/UX): واجهات مريحة للعين وسهلة الاستخدام لعملائك.

تطوير متكامل (Full-Stack): مواقع سريعة، آمنة، ومتجاوبة مع كل الشاشات (موبايل ولاب توب).

أنظمة إدارة (Dashboards): لوحات تحكم كاملة تدير منها شغلك بسهولة.

وكمان نحط ميزة حصرية؟
بنقدملك فيديوهات ترويجية لخدماتك بالذكاء الاصطناعي عشان تبدأ تسويق لموقعك من أول يوم!

أسعارنا؟

المشاريع الصغيرة والمتوسطة: باقات تبدأ من 2000 لـ 7000 جنيه (حسب متطلباتك).

المشاريع الكبيرة والأنظمة المخصصة: بنعملها دراسة تقنية كاملة وتسعير خاص بأفضل قيمة مقابل سعر.

ابعتلنا رسالة دلوقتي بتفاصيل فكرتك، وخلينا نبدأ الشغل فوراً!

ازاي تتواصل معانا؟
علي الواستاب: +201101023681 بحيث يبقا في سرعة في الرد

معانا مشروعك هيبقا ف الصدارة ف محركات البحث!

Address

Cairo

Website

,

Alerts

Be the first to know and let us send you an email when Mohammed Ghanam posts news and promotions. Your email address will not be used for any other purpose, and you can unsubscribe at any time.

Shortcuts

Share