Hend Sultan . Motion graphic designer

02/04/2025

من مصر خرج كل شئ 🇪🇬

30/03/2025

30/03/2025

30/03/2025

كذبة الحضارة العربية اللي كل رموزها مش عرب بل كانوا من بلاد الحضارات القديمة والعريقة.. إنما العرب نفسهم (الخليج واليمن) مكنش ليهم ولا أي دور في الحضارة دي.. ولكن للأسف كل إنجازات الشعوب العظيمة دي بيتم نسبها ليهم على إنهم "مفكرين وعلماء عرب"
فتعالوا نشوف أشهر الرموز

المفكرين والفلاسفة والعلماء:
١/ابن سينا - أوزباكستان 🇺🇿
٢/أبو بكر الرازي - إيران 🇮🇷
٣/ابن الهيثم - العراق 🇮🇶
٤/ابن رضوان - مصر 🇪🇬
٥/ابن الراوندي - إيران 🇮🇷
٦/الكندي - العراق 🇮🇶
٧/الفارابي - كازاخستان 🇰🇿
٨/ابن خلدون - تونس 🇹🇳
٩/ابن يونس - مصر 🇪🇬
١٠/حنين بن إسحاق - العراق 🇮🇶
١١/ابن رشد - أمازيغي 🇲🇦
١٢/الزهراوي - أمازيغي 🇲🇦
١٣/ذا النون المصري - مصر 🇪🇬
١٤/الخوارزمي - أوزبكستان 🇺🇿
١٥/أبو العلاء المعري - سوريا 🇸🇾
والقائمة تطول.....

كمان أعظم شعراء اللغة العربية مكانوش عرب أصلا
(باستثناء عصر الجاهلية لإن أصلا مكنش في حد بيتكلم عربي غير العرب نفسهم)
١/المتنبي - العراق 🇮🇶
٢/أبو نواس - إيران 🇮🇷
٣/أحمد شوقي - مصر 🇪🇬
٤/حافظ إبراهيم - مصر 🇪🇬
٥/بدر شاكر السياب - العراق 🇮🇶
٦/الجواهري - العراق 🇮🇶
٧/محمود درويش - فلسطين 🇵🇸
٨/نزار قباني - سوريا 🇸🇾
٩/خليل جبران - لبنان 🇱🇧
١٠/أمل دنقل - مصر 🇪🇬
نفس الكلام على الروائيين والكتاب مش بس الشعراء

كمان الناس اللي حطوا قواعد اللغة العربية نفسهم سواء صرف ونحو وكتابة مكنوش عرب
١/سيبويه - إيران 🇮🇷
٢/الكسائي - العراق 🇮🇶
٣/أبو الأسود الدؤلي - العراق 🇮🇶

ولو هنتكلم كمان عن الناس اللي أسست علوم الإسلام من فقه وشريعة وأصول دين وحديث والأكتر إسهامًا فيها إلخ... مكنوش عرب
١/أبو حنيفة - العراق 🇮🇶
٢/البخاري - أوزباكستان 🇺🇿
٣/مسلم - إيران 🇮🇷
٤/أبو حامد الغزالي - إيران 🇮🇷
٥/ابن تيمية - سوريا 🇸🇾

كمان الدراويش اللي كانوا بيقولوا أشعار في العشق الإلهي والفلسفة الصوفية مكنوش عرب
١/الحلاج - إيران 🇮🇷
٢/ابن الفارض - مصر 🇪🇬
٣/ابن عربي - أمازيغي 🇲🇦
٤/السهروردي - إيران 🇮🇷
٥/شمس التبريزي - إيران 🇮🇷

ده حتى المؤرخين اللي حكولنا كل أحداث ما تسمى ب"الحضارة العربية" مكنوش عرب
١/المقريزي - مصر 🇪🇬
٢/الطبري - إيران 🇮🇷
٣/ابن كثير - سوريا 🇸🇾
٤/ابن بطوطة - المغرب 🇲🇦
٥/السيوطي - مصر 🇪🇬
٦/ابن إياس - مصر 🇪🇬

طبعا مينفعش حد ييجي يقول إن بما إنهم كانوا بيكتبوا بالعربي وبينتجوا أعمالهم بالعربي فهما بكده عرب.. لإن محدش بيقول على أدب أمريكا اللاتينية (اللي بيتكتب بالإسباني) إنه أدب إسباني ولكن بيقولوا إنه أدب أمريكي لاتيني.. كذلك أدب غرب إفريقيا بيتقال عليه أدب إفريقي مش فرنسي..
فالطبيعي إن المنجزات الحضارية تُنسَب للقومية مش للغة المُتحدَث بيها..

نقطة تانية.. لو دورتوا على معظم الشخصيات دي هتلاقوا عندهم نسب عربي وتحديدا قرشي وهاشمي ومعظمهم كمان من نسل الرسول محمد.. وده شئ غير منطقي بالمرة.. إن في شخص يتولد في طنجة أو سمرقند ويبقى من نسل الرسول أو حتى نسله من مكة.. وده شئ متكرر جدا وتفسيره
التاريخي هو ظاهرة كان اسمها

(شراء الأنساب) تقدروا تبحثوا عنها بنفسكم.. سادت في كل البلاد اللي احتلها العرب بحيث كان اهل البلاد دي بيشتروا أنساب عربية عشان يحموا نفسهم من شر العنصر ية ويقدروا يترقوا مجتمعيًا وفية قصيدة مشهورة للعرب عن اسمها القاضي القبط وتحمي عن شراء الانتساب العربي
طب هل معقولة مفيش عرب خالص؟ أكيد في عرب طبعا ساهموا ولكن عددهم قليل جدا ونسبتهم ضئيلة.. وأنا هنا مش بطالب بنسيانهم أو التقليل منهم وإنما بطالب بإعطاء كل ذي حق حقه.. العرب ضحكوا علينا ونسبوا معظم رموزنا الحضارية من سمرقند وفارس وبغداد ودمشق والقاهرة والقيروان وطنجة وغيرهم.. كل الرموز الحضارية دي تم نسبها للبدو العرب في قلب شبه الجزيرة من غير ما هما يقدموا أي منجز حضاري حقيقي

ف آن الأوان.. الحضارات التاريخية دي تستيقظ من سباتها وقطيعتها المعرفية وتبدأ تحس بهويتها القومية وتنسب رموزها ليها وكفاية سرقة وتدليس لحد كده ...
..افتخروا باصلكم.

28/03/2025

25/02/2024