Shehab Compu World

Shehab Compu World مهندس متخصص ف مجال التكنولوجيا و الكمبيوتر
هدفي تقديم محتوى متميز ، و مكافحة أخطاء المجال

ننفرد بتقديم محتوى تِقني إحترافي ، بالإضافة للهاردوير و التجميعات ، نعمل ف مجال الكمبيوتر و هو تخصص الدراسة ، إعتبرنا المرجع الرئيسي الخاص بك

🟥 مع شهاب كمبيو بنقدملك اسهل تجربة ممكن تشوفها ف المجال كلهانسى تهنيج الجهاز و الأداء الغير مستقر و أي رسايل خطأ 👌🟦 و مت...
29/05/2026

🟥 مع شهاب كمبيو بنقدملك اسهل تجربة ممكن تشوفها ف المجال كله
انسى تهنيج الجهاز و الأداء الغير مستقر و أي رسايل خطأ 👌

🟦 و متوفر اجدد العاب باستمرار ، عندنا مكتبة 60 تيرا
بنختارهم بـ الواحدة ، و بنظبط التحديثات و الاضافات

🟦 بعيدا عن صداع التسطيب و ضياع وقتك و اي مشاكل ممكن تقابلك
كمان بنعملك حماية من الحذف ، و بنوفرلك برامج تشغيل الالعاب مجاناً
كل دا عشان تدوس كلكتين و تشتغل ع طول بدون اي مجهود 🤩
---

🟦 سواء سوفت وير او جيمز ، اساسي موجود عند عمو شهاب 🧐

🟦 عندنا وندوز شهابي ، عليه كل برامج الهندسة و الجرافكس التقيل
و طبعاً مع افضل حماية ، انسى اي فير.س او مالو.ير ، انت معانا ف امان

🟦 و لو عاوز تغير معجون او بادز ، و زهقت من المضروب اللي ف السوق
عندنا منتجات من الافضل عالمياً ، اصلي و معتمد 🤝
---

🟨 أي حد يقدر يعمل تجميعات و يسطب وندوز و ينقل جيمز
بس إحنا بنعمل نعنشة شهابية ، و الفرق كبير 😉

🟨 متنساش تسال ع عروض النعنشة ، هسيبلك هدية ف اول كومنت 👇
---



سامسونج كسرت حاجز جديد في الشاشات… 4K مع 360Hz لأول مرة 💀🟥 شركة Samsung أعلنت عن أول شاشة QD-OLED في العالم تشتغل بـ4K و...
28/05/2026

سامسونج كسرت حاجز جديد في الشاشات… 4K مع 360Hz لأول مرة 💀

🟥 شركة Samsung أعلنت عن أول شاشة QD-OLED في العالم تشتغل بـ4K و360Hz بشكل حقيقي… وده يعتبر رقم مجنون بالنسبة لشاشات الجيمنج حاليًا

🟦 الفكرة دي كانت تقريبًا مستحيلة من فترة قريبة، لأن أي شاشة عاوزة توصل لـRefresh Rate عالي جدًا كانت بتضطر تنزل لـ720p أو 1080p عشان الهاردوير يقدر يتعامل مع كمية البيانات.

🟦 لكن سامسونج قالت إنها قدرت تحل المشكلة دي عن طريق تطوير دوائر التشغيل وطريقة معالجة البيانات داخل الـPanel نفسها.

🟦 وده اللي خلا الشاشة تقدر توصل لـ360Hz على دقة 4K، ودي أول مرة تحصل بشكل رسمي، وفي نفس الوقت توفر وضع تاني اسمه Dual Mode.

🟦 الـDual Mode ده يخليك تحول الشاشة لـFHD وتوصل لحد 680Hz، وده معمول أساسًا للناس اللي بتلعب ألعاب تنافسية وعاوزة أسرع استجابة ممكنة ( بغض النظر عن مدى قدرة عين الإنسان على رؤية كمية الفريمات دي أو الاستفادة منها… 🥱)

🟦 سامسونج كمان قالت إن الشاشة مش معمولة للجيمنج بس، لأنهم حسّنوا وضوح النصوص والكتابة بشكل كبير عن طريق تصميم جديد للبكسلات اسمه V-Stripe.

🟦 غير كده، الشاشة جاية بمعيار DisplayHDR True Black 600، واللي معناه سطوع أعلى وتباين أقوى وسواد أعمق من أغلب شاشات OLED الحالية.

‏🟦 حاليًا مفيش سعر رسمي، لكن الشركة بدأت فعلًا تتفق مع شركات تصنيع عشان نشوف الشاشة دي تنزل السوق خلال 2027.

🟨 الخلاصة
واضح إن سوق الشاشات بدأ يدخل مرحلة أرقام مجنونة فعلًا
لكن في نفس الوقت… تشغيل 4K على 360FPS أصلًا محتاج PC عامل إزاي !!!
فالسؤال هنا: هل التكنولوجيا دي فعلًا للمستخدم العادي؟ ولا مجرد استعراض قوة حاليًا؟ 🤔
---------------
|
| | | | | |

رسميًا… NVIDIA بدأت تنهي واحد من أشهر البرامج في التاريخ 💀‏🟥 الأداة الأسطورية اللي تقريبًا أي حد استخدم كارت NVIDIA شافه...
27/05/2026

رسميًا… NVIDIA بدأت تنهي واحد من أشهر البرامج في التاريخ 💀

‏🟥 الأداة الأسطورية اللي تقريبًا أي حد استخدم كارت NVIDIA شافها مرة في حياته، خلاص الشركة بدأت تنهي وجودها رسميًا وتستبدلها بالكامل بتطبيق NVIDIA App الجديد.

‏🟦 الـNVIDIA Control Panel كان موجود من أيام ما تغيير الدقة والـRefresh Rate ويعتبر دا كان “تعديل متقدم” ومن وقتها وهو الأداة الأساسية لأي إعدادات خاصة بالكارت أو الشاشة.

‏🟦 سواء تعديل إعدادات الألعاب، الـ3D Settings، التحكم في الألوان، أو إعدادات تعدد الشاشات… كله تقريبًا كان بيتعمل من خلاله.

‏🟦 لكن NVIDIA بقالها فترة بتحاول تنقل الناس للتطبيق الجديد، ودلوقتي أعلنت رسميًا إن عصر الـControl Panel انتهى.

‏🟦 الشركة وضحت إن البرنامج مش هيختفي فجأة من الأجهزة الحالية، لكن لو عملت تثبيت جدبد للتعريفات مستقبلًا، الـControl Panel مش هيتثبت تلقائي.

‏🟦 ومع ذلك، NVIDIA قالت إن الناس لسه تقدر تحمّله يدويًا من Microsoft Store لو حابين يفضلوا يستخدموه.

‏🟦 أما التطبيق الجديد NVIDIA App، فهو هيجمع كل الإعدادات والخصائص القديمة لكن بواجهة أحدث وتنظيم مختلف.

🟨 الخلاصة
بصراحة الموضوع غريب شوية… لأن الـNVIDIA Control Panel كان واحد من الحاجات اللي فضلت ثابتة وسط كل التغييرات اللي حصلت في عالم الجيمنج والـPC
حتى شكله القديم بقى جزء من ذكريات أي حد لعب على كروت NVIDIA عبر السنين.
--------------
|
| | | | | |

جهاز PS5 يعجز عن مواجهة PS3 في تجربة غير متوقعة 😱‏🟥 في تجربة جديدة وغريبة لتشغيل ألعاب PS3 عن طريق محاكي RPCS3 بشكل مباش...
26/05/2026

جهاز PS5 يعجز عن مواجهة PS3 في تجربة غير متوقعة 😱

‏🟥 في تجربة جديدة وغريبة لتشغيل ألعاب PS3 عن طريق محاكي RPCS3 بشكل مباشر على PS5، واللي كان الهدف منها معرفة هل الجهاز فعلًا هيقدر يشغّل ألعاب PS3 بشكل سليم ولا لا… النتائج طلعت غريبة جدًا.

‏🟦 ونتيجة التجربة كانت كألاتي… في ألعاب اشتغلت ممتاز، وفي ألعاب تانية الأداء فيها وقع بشكل عنيف.

‏🟦 الفكرة إزاي جهاز أقوى وأحدث بسنين يبقى مش قادر يشغّل ألعاب جهاز أقدم منه؟

‏🟦 والسبب الحقيقي إن PS3 كان جهاز معقد جدًا من ناحية المعالج، لأن شركة Sony استخدمت وقتها معالج اسمه Cell Broadband Engine مبني على معمارية اسمها Cell Architecture، وبيعتمد على وحدات معالجة مساعدة اسمها SPEs لتوزيع المهام بشكل دقيق جدًا.

‏🟦 والألعاب القديمة كانت اتبرمجت على الطريقة دي تحديدًا، وده مخلي تشغيلها على أجهزة جديدة محتاج محاكاة معقدة جدًا.

‏🟦 وده اللي حصل هنا… لأن ألعاب زي Ridge Racer 7 اشتغلت ممتاز ووصلت حتى لـ4K و60FPS، لأن اللعبة أصلًا ما كانتش معتمدة بقوة على معالج الـPS3 المعقد.

‏🟦 لكن ألعاب زي GTA IV أو Metal Gear Solid 4 بدأ الأداء فيها ينهار، وبعضها وصل لـ17FPS فقط !!

‏🟦 التحليل النهائي كان إن المشكلة مش في قوة الـPS5 نفسه… لكن في طريقة تصميم معالج الـPS3 اللي كانت معقدة وغير تقليدية، وده بيخلي محاكاته على الأجهزة الحديثة صعبة حتى لو أقوى بكتير.

🟨 الخلاصة
واضح إن مش بس عشان الجهاز أحدث وأقوى يبقى تلقائي يقدر يشغّل ألعاب الجيل الأقدم بدون مشاكل.
الموضوع فيه عوامل تانية كتير زي طريقة بناء معالج الجهاز القديم، والمحاكاة، وطريقة تطوير الألعاب نفسها وقتها.
-------------
|
| | | | | | |

🟥 بكرة يوم عرفة ، فيه أجر 1000 يوم ، يوم عظيم و له ثواب كبير🟥 لازم كلنا نعمل حاجات بسيطة مش هتكلفنا خالص ---🟦 أول حاجة /...
25/05/2026

🟥 بكرة يوم عرفة ، فيه أجر 1000 يوم ، يوم عظيم و له ثواب كبير

🟥 لازم كلنا نعمل حاجات بسيطة مش هتكلفنا خالص
---

🟦 أول حاجة / الصيام

🟦 تاني حاجة / كثرة الدعاء
(( لا اله الا الله وحده لا شريك له ))
(( له الملك و له الحمد و هو ع كل شئ قدير ))

🟦 تالت حاجة / كثرة الاستغفار و التسبيح
(( استغفر الله و الحمد لله و سبحان الله ))

🟦 رابع حاجة / كثرة الصلاة ع النبي
(( اللهم صل و سلم ع سيدنا محمد ))

🟦 خامس حاجة / الصدقة
(( طلع صدقة و اعمل خير قد ما تقدر ))
---

🟨 كل سنة و انتوا طيبين ، عيد أضحى مبارك عليكم

🟨 يارب انصر أسيادنا أولياء الله المجاهـ-دين ، و اجبر بخاطر المظلومين

🟨 كل سنة و الصابرين المحتسبين ، طيبين و بخير
---

#عيدالاضحي

24/05/2026

هارد 3 تيرا - بسعر الـ 1 تيرا ، و كمان مليان العاب هدية 😳

عرض العيد ، كل سنة و انتوا طيبين 😍
---



احذروا Forza Horizon 6…💀🟥 على مدار الأيام اللي فاتت، وتحديداً من أول ما اللعبة بدأت تنتشر، في موجة تسويق رهيبة بتقدم الل...
23/05/2026

احذروا Forza Horizon 6…💀

🟥 على مدار الأيام اللي فاتت، وتحديداً من أول ما اللعبة بدأت تنتشر، في موجة تسويق رهيبة بتقدم اللعبة على إنها “أقوى جزء في تاريخ السلسلة” وإنها ”قفزة تاريخية”، وكلام كتير كده خلّى التوقعات توصل للسقف تقريبًا.

🟦 والحقيقة إن المحتوى الأعلامي الـ بيتقدم عن اللعبة دلوقتي من مواقع وصفحات كبيرة هو مبالغ فيه أوي، لأن التجربة على أرض الواقع بأختصار هي أقرب لتكرار من Forza Horizon 5 مع تحسينات تدريجية فقط.

🟦 وبالمناسبة دا مش كلامنا احنا بس، لأن ناس كتير على Reddit وصفوا التجربة كذلك الأمر بشكل صريح وقالوا إن كل حاجة تقريبًا “مكررة” من الأجزاء اللي قبلها، من ناحية أسلوب اللعب والتحكم وحتى إحساس السباق نفسه.

🟦 رغم إن الماب الجديدة في اليابان شكلها مبهر بصريًا، بس عدد كبير من اللاعبين شايفين إن باقي عناصر اللعبة مفيهاش تغيير حقيقي و إن اللعبة ممتعة في أول كام ساعة بس، بعدها بتحس إنك بتعيد نفس تجربة الأجزاء القديمة بدون مفاجآت..

🟦 النقطة اللي زادت الجدل إن بعض الناس كانت مستنية تطور كبير في الفيزياء أو أسلوب القيادة والحركة… لكن الإحساس العام إنه شبه ثابت تقريبًا.

🟦 وفي المقابل، ناس تانية شايفة إن دي طبيعة السلسلة أصلًا، وإن Forza Horizon دايمًا بتشتغل بمنطق “نفس الأساس + خريطة جديدة”.

🟦 لكن مهم نكون واضحين: اللعبة مش سيئة خالص، بالعكس، لسه فيها مميزات… زي الماب الجديدة زي ما قولنا اللي في اليابان واللي بصريًا تعتبر من أقوى عوالم السلسلة لحد دلوقتي.

🟦 وفي النهاية، طبيعي أي لعبة AAA كبيرة يبقى حواليها آراء متناقضة بين الأيجابيات و السلبيات وبين الهايب والتجربة الفعلية، وده اللي حاصل هنا بشكل واضح.

🟨 الخلاصة
مش كل ضجة حوالين لعبة معناها إنها هتكون “ثورية”… وأهم حاجة إن اللاعب يراجع تجارب حقيقية وآراء مختلفة قبل ما يصدق أي Hype، سواء إيجابي أو سلبي. وفي حالة Forza Horizon 6، الصورة أقرب إنها خليط بين تطور بسيط… وتسويق مبالغ فيه شوية 😏
--------------
|
| | | | | | |

22/05/2026

🟥 محدش بيتكلم عن القرف اللي بيحصل جوا المجال !

🟥 كشف الحقيقة .. فضايح المجال .. +18 للكبار فقط 💀

🟦 شركات و وكلاء .. و مسئولين تسويق .. و صناع محتوى 🤮

🟨 كلام مش هتسمعه ف أي مكان تاني .. رسالة للمحترمين 🤝
---



#فضيحة #التسويق #الشركات

رغم إيقافه الرسمي، عودة المعالج الأسطوري من التقاعد 🥷🏻🟥 واحد من أكتر المعالجات اللي عليها إجماع لحد دلوقتي وسط الناس، ظه...
21/05/2026

رغم إيقافه الرسمي، عودة المعالج الأسطوري من التقاعد 🥷🏻

🟥 واحد من أكتر المعالجات اللي عليها إجماع لحد دلوقتي وسط الناس، ظهر من جديد في متجر بالهند بسعر حوالي 310 دولار بعد ما كان متوقف رسميًا.

🟦 المعالج ده هو الـRyzen 7 5800X3D واللى ناس كتير لحد النهارده شايفاه “الملك الحقيقي” لمنصة AM4، لأنه كان أول معالج من AMD ييجي بتقنية 3D V-Cache الشهيرة.

🟦 وقتها المعالج دا قلب الموازين فعلًا، وقدر ينافس معالجات أحدث منه بفرق كبير بسبب كمية الـCache الضخمة اللي فيه.

‏🟦 والأهم إن ملايين الناس لسه شغالة على منصة AM4، خصوصًا بعد ما أسعار DDR5 والمنصات الجديدة بقت مرعبة الفترة الأخيرة.

‏🟦 وده اللي مخلي رجوع المعالج ده مثير جدًا، لأن ناس كتير كانت فاكرة إن عصر AM4 خلاص انتهى.

‏🟦 المعالج كان بييجي بـ8 أنوية و16 Thread، ومعاه 96MB Cache، ولسه لحد دلوقتي قادر يقدم أداء قوي جدًا في الألعاب و باقي الأستخدامات.

🟦 والتقارير بتقول إن النسخة دي ممكن يكون إصدارها من تاني له علاقة بـ احتفال AMD بمرور 10 سنين على منصة AM4، وده ممكن يبقى إشارة إن AMD ناوية ترجع توفر المعالج تاني في دول ومتاجر أكتر خلال الفترة الجاية.

🟨 الخلاصة
رجوع Ryzen 7 5800X3D خطوة ناس كتير هتفرح بيها فعلًا، خصوصًا لمحبي منصة AM4… لكن كل حاجة هتقف على السعر.
لأن لو المعالج رجع بسعر مبالغ فيه، ساعتها الفكرة نفسها هتفقد قيمتها، خصوصًا إن الناس أصلًا بتدور على Upgrade محترم بسعر معقول مش تجميعة جديدة بأسعار خرافية 💀
----------
|
| | | | | | |

لما الزمالك بيكسب بطولة - اي حد زملكاوي بجد مش بيفرح كـ مكسب بطولة و بسالموضوع مختلف معانا تماماًاي حد من الوايت نايتس ...
20/05/2026

لما الزمالك بيكسب بطولة - اي حد زملكاوي بجد مش بيفرح كـ مكسب بطولة و بس
الموضوع مختلف معانا تماماً

اي حد من الوايت نايتس - الكورفا سود - قاعد ف التالتة يمين
وضعه مختلف ف الاحتفال بالمكسب

الزمالك عندنا هو احساس المستضعف ! اللي كل الدنيا عاملة عليه مؤامرة
مش من مصلحة حد انه يكسب

و لو كل الناس دي مقدروش يوقفوه و القدر ساعده
هو بيعمل مؤامرة ع نفسه و مبيقبلش بالحل السهل ، و بيوقع قلوبنا لاخر لحظة

مبروك للملوك ، مبروك للفرسان ، الدوري ف ميت عقبة

مبروك للبطل الاكثر وفائاً ، الجمهور العظيم ، إحنا مؤسسين مدرسة الفن و الهندسة

كسبنا غصب عن التحكيم و المأجورين و غصب عن النظام كله .. و بحبك يا زمالك 😍
---



#الزمالك

20/05/2026

سمعت عن الكيبورد الكريمي - يعني بتدوس ع سفنج مش زرار !

معانا EPOMAKER RT82 كيبورد احترافي و فيه تليفزيون صغير

انبهارات للصبح ، متنساش تكتبلي تعليق حلو زيك كدا 🤩
----


Address

Parallel Universe
Cairo
11511

Telephone

+201154465115

Website

Alerts

Be the first to know and let us send you an email when Shehab Compu World posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Shehab Compu World:

Shortcuts

Share

Category