Society problems

03/11/2023

٥ دولار انك تحمل البرنامج ده من البلاي ستور، وهنفضل تعمل فلوس طول ما انت بتتمشى! اول ما تنزله كلمني اسحبك بالدولار لما يبقى معاك يكمل

Join our 120M+ users to become part of the movement economy. Sweatcoin app converts your steps into sweatcoins — virtual currency that you can spend on products and services. It Pays to Walk.

10/03/2023

دي مشكلة اختي ..
هي متجوزة من سنه و معاها ولد كام شهر نزلت مرة شافت جوزها ف وضع مش حلو مع مرات اخوه الكبير اول ما شافوها عملوا انهم بيهزروا عادي لما طلعوا قالتله أنا شوفتك لامــ ـ ــس جسمها
و بتبوسـ ـ ـــها زعق وكدبها وقالها انها بتتخيل و انه
محصلش قعدت فترة هتتهبل وتحلفلي ان ده حصل
قولتلها ما يمكن فهمتي غلط دا مرات اخوه الكبير يعني دا فرق عشر سنين بينهم مش عيلة يعني عشان تبص لأخو جوزها ومتطلعش منه صدقيني
بعدها كل فترة تشوفهم ف اوضـ ـ ــاع مش تمام و دايما يبعتها عندنا لاي سبب بالكام يوم اخر موقف طلعت شقتها تجيب منها حاجة خرجتلها بلبس نوم وجوزها في الشغل اول ما شافتها ارتبكت و وشها احمر ودخلت المطبخ
ف اختي دخلت اوضة النوم لقت جوزها عـ ــ ــريــ ــان ع السرير اول ما شافها شد اللحاف ع جسمه نزلت لأبوه و هي نازلة بتتـ ـ ــرعــش وبتعيط ف وقعت ع الباب نادت ع حماها وقالتله اطلع لابنك عـ.ـرهيان ف سرير اخوه ابنك بيــ ـ ــزنـ..ـي بمرات اخوه حماها قالها بيتهيألك
ف نزلو جري وراها الكل بيحاولو يقنعوها انها هبلة و بتتهيأ الأحداث ف هي صورته ف شقتها و نزلت لابوه وريته ف خد منها الفون و مسح الفيديو
حماها بيقولها هتعيشي و لا هتتطلـ ـ ـــقي وهي حاليا منهارة وهتتهبل فعلا ازاي ابوه عارف ان ابنه بيعـ ـ ــاشـ ـ ـر مرات اخوه وساكت وبيساومها يا تعيش يا يطلقوها من غير ما تاخد حقها ف هي خايفه تقول لبابا ليعمل فيه حاجة و الدنيا تتقلب وتحصل مصـ.ـيبة و أنا وماما مش عارفين نعمل ايه وهي حالتها صعبة بجد و هيحصلها حاجة نعمل ايه ونبي ايه الحل
ع فكرة اقسم بحق الشهر الكريم دا و حق الايام المفترجه انا ما بكدب و ربنا قادر يخرسني لو بكدب و ابوه عارف و بيهـ.ـدد اختي يا اما تعيش عشان ابنها يا تتطلق و متاخدش فتلة من جهازها

12/08/2022

مشكلتى من غير اسم مشكلتى هى ابويا كان بيشتغل مقاول ومكنش بيشيل فلوس للزمن خالص بيصرفها ف اتفه الاشياء وكان بيجبرنى انا واخواتى نشتغل ودلوقت اتجوزنا بس جوازات ع اد الحال

بس الحمد لله عايشين وهو دلوقت قاعد من ١٠ سنين من غير شغل بسبب اسلوبه مع الناس وحش ومشيلنا احنا ذنب قعدته احنا بنساعده ع قدنا بس متحامل اوى ع امى وكل شويه يهددنى انه يموتهاويموت نفسه

وبيمد ايده عليها وانا خايفه عليها وبتتكسف تيجى تقعد عندنا وتطول وملهاش مكان تانى ومستحمله اهانته ليها وحاولنا نكلمه يرد باصعب الشتائم وملناش حد يقفله

27/07/2022

النهاردة خلاص طلقت رسمي مراتي القديمه وارتحت ..النهارده حمايا اتفاجيء اني طلقت بنته واني ردتلهم تمن القايمه والمؤخر كله واني مستبيع ومحدش كان مصدق اني حعمل كده ..تمن القايمه اللي مضيت عليه وانا مغمض وكان مكتوب فيه حجات ضعف الموجودة ودهب مش موجود من باب اني شاري ...واني سددت كل ده وخلصته
النهارده حسيت اني استردت كرامتى الي ضيعتها مع حد كان فاكر اني عشان طيب حيفضل يجي ع كرامتي وافضل ساكت .وفاكر انه بعد مامشاني في المحاكم ورفع عليا قضيه تبديد قايمه ظلم وخد حقه مرتين تلاته ظلم حجيله راكع واقولهم والنبي حوافق ع كل شروطكم بس بلاش قضايا
نفسي اشوف منظر حمايا دلوقتي صاحب مقوله ( ادب الرجاله فلوس) والي كان فاكر انه بالفلوس حيادبني ويخليني عبد بين ايديه. ويخلوني اما واحد مالوش سخصيه في بيته والكلمه كلمه مراته يا اما اتسجن بالقايمه او ادفع تمنها . بعد مارميتله الفلوس وقلتله خدها انت وبنتك الجعانين ..مش دي اللي حتادبني وتجيبني راكع ..وبنتك طالق..واني مش حسيب مراتي التانيه اللي بقيت علي ذمتي دلوقتي ووقفت جنبي وقت ما بنتك دمرتني في القضايا .... نفسي اشوف منظرة دلوقتي ..عايز اقوله ياترى مين اللي ادب مين ؟؟ ... النهارده حسيت اني اشتريت كرامتي بشويه فلوس اقدر اعمل غيرها طول مافيا صحه واعمل حيله تانيه افضل ...انتوا اخركم شويه فلوس وقايمه وكراكيب خدوهم االي تمنه فلوس رخيص بس يارب تلاقوا بيهم السعاده

02/07/2022

ياجماعه شوفوا انا غلطانه ولا ايه
انا مخطوبه وفرحي اتفركش قبل الفرح باسبوع بس محصلش نصيب بسبب حماتي بعد ما جيبنا العفش ورصيناه دخلت حماتي تتريق ع جهازى اللي جبته قدام ماما واهلي فضلوا مسكين نفسهم لحد آخر لحظه انا سلفي هيتجوز معايا في نفس اليوم لقيت حماتي بتقارن بين جهازى وجهاز سلفتى وتقولي دى عروسة ابنى التانيه جايبه وجايبه الكلام زهقني بس فضلت ساكته لقيناها بتقول مش المفروض كنتى جيبتى تلاجه ليا اصل العروسه التانيه جايبه بتوجاز زى بتعها ليا فانا فكرت انك هتيجى حتى التلاجه حتى لو صغيره راحت امي رده قايله ليه هو احنا هنجهزك مع بنتى ولا ايه انا ساكتالك من ساعتها قاعده تتريقي ع الجهاز ورافعه مناخيرك ع ايه دى الشقه ضيقه وسكت والحاجات اللي انتوا جايبنها وحشه وقولنا مش مهم كل واحد ع قد حاله شدوا قصاد بعض فحماتي شتمت امي فانا مسكتش وقولتلها والله لازم افض الجوازه دى انتى ازاى تغلطي في امي كده وتسمحي لنفسك تهينيها كده وبصراحه مسكتلهاش وصممت ع الطلاق لان كنت كاتبه كتابي والفرح كان فاضل اسبوع وروحت رفعت قضيه بالقايمه لأن قولنالهم ناخد اللي احنا جبناه وانتو خدوا اللي جبتوه لكن حماتي رفضت وقالت روحي اعملي خلع ومالكيش حاجه عندنا وراحوا خطبوا لابنهم ع جهازى لما رفعت القضيه طبعا انا كسبتها وهاخد كل حاجه مكتوبه في القايمه دلوقتي هو ساب خطيبته وعايزين يرجعوانا تاني لبعض وانا رافضه انا كده صح في اللي عملته ولا غلط

02/07/2022

عندي سوال انا مخطوبة وخطيبي محاسب في بنك مشكلته انو بيهتم بنفسه اوي يعني بيحط مسكات واسكربات لجسمه يعني مثلا شغله الساعة 7 الصبح بيصحي 5 علشان يهتم ببشرته امبارح اخته بتهزر بتقولي الله يعينك دا بيقعد في الحمام ساعتين رد هو وقال لي في اسكربات اللجسم واكتشفت انو بيستخدم بعد الليفة العاديه بيغسل جسمه
بالفوطة قال اي بيشيل طبقة الجلد الميت في الجسم كله ده كوووووم وانا اعرف ان بيحط مخمريه ومسك الطهارة كل يوم دا كووم تاني واني اكتشفت ان في مبخره بتيجي مخصوص للشعر دا حاجة تانيه سوالي بقا هو دا طبيعي حسو باللي انا فيه بقولكم بيمشي في الشارع ريحته مفحفحه ورحمه ابويا يااخوانا افهموا قصدي ده غير اسكربات الجسم هو بشرته مورده كدا مش ابيض زينا كده ياجماعة دا بيعمل اسكرب لشفايفه لونه احمررررر طبيعي دا انا طبعا مبعملش اي حاجة من اللي هو بيعملها دي امبارح ركبنا موصله وهو ريحته مفحفحه في العربيه

19/06/2022

انا عندي 23 سنه وفي حيره كبيره مش عارفه اخد قرار ولا اختار ساعدوني
بأختصار انا متقدملي 3 عرسان كل واحد فيه ميزه شكل
- الاول عنده 24 سنه بيحبني اووووي وشاريني وبيتمنالي الرضا ومستعد يعمل اي حاجه عشاني مهما كانت وبيسمع كلامي في كل حاجه

وهو وسيم اوي واهله كويسين بس مشكلته دماغه صغيره وحالته الماديه ضعيفه اوي وشغله مش مضمون وهنعيش في ايجار وانا هصرف من شغلي معاه ...

- التاني عنده 34 بيحبني وشاريني ويعرفني من مده كبيره وجاهز من كله وحالته الماديه كويسه وشغله مضمون بس مشكلته هنعيش في بيت عيله وممكن يمنعني من شغلي مستقبلاً

- التالت عنده 42 و مطلق بدون عيال و شاريني اوي وهو محترم و طيب وجنتل وحالته الماديه ممتازه اوووي جاهز من كله وشغله مضمون وهيعيشني فوق السحاب هينقلني في حياة تانيه من ناحيه شغلي

وكل حاجه مشكلته فرق السن وشكله مش وسيم اوي يعني

12/06/2022

انا زوجتي كانت بتشتغل في بداية الزوج عشان تسلي نفسها لان مكنش في خلفة دلوقتي ربنا كرمنا بتؤام
كانت واخده اجازه من الشغل ودلوقتي رجعت الشغل
المشكلة انها بتفضل قاعدة عند اهلها

وبترجع بيتها يومين ولما جيت ارفض الشغل اتقلي لا والمشكلة الاكبر ان اهلها مقوينها بالشغل

فانا مش عارف اعمل اي اهد بيت عشان شغل ولا اتنازل
انا كل اللي عايزه اني بعد الصبر ده اربي عيالي في بيتي وبين حضني مش يتربو عند اهلها

اتكلمت بدل المرة الف ان الشغل اثر علي البيت وعلينا وعلي الحب بس انقلتلي صريحة شغل مش هيتساب

12/06/2022

انا اتعلمت حجات كتيره كانت سبب اني طلقت واهم هذه الاسباب واحد الخروج والدخول بمعاد لاني كنت عاطلها صلاحيه تخرج وتدخل براحتها ثانيا كنت باكل وخلاص من غير ما اتكلم بعد كده هقول الاكل حاد ملح ولا عادم ثالثا كنت بتضحك كتير في البيت بعد كده مافيش ضحك في البيت رابعا كنت بسيبها تقوم براحتها خالص بعد كده بعد صلاة الفجر اقومها من نوم تعمل فطار خامسا بتذهب عند اهلها كل يوم بعد كده يوم واحد في الاسبوع سادسا كنت بهتم بيها جدا لبس وخروجات وفسح بعد كده مافيش خروجات ولا فسح ولا اهتمام سابعا كنت جايبلها احدث تليفون تاتش بعد كده تلفون عادي بيقول الو بس ثامنا سبع سنين جواز مافيش مره ضر//بتها ولا كلمتها باسلوب و//حش بعدكده علقه كل اسبوع واسلوب هيبقي ز//فت عشان في الاخر مازون بيسالها انتي متاكده علي طلبك للطلا//ق قالت نعم جدا وانا اللي كنت متردد صعبان عليا الايام اللي عدت

12/06/2022

السلام عليكم ورحمة الله وبركاته

انا ارملة بنهاية الثلاثين من عمري ، توفي زوجي وانا ببداية الثلاثين وترك لي أطفال صغار ، بعد مرور الأعوام كبر الأبناء قليلا وتخففت من بعض المسئوليات تجاههم .

وبالطبع كل هذه السنوات لم تمر عليّ بسهولة وانا أعيشها بدون زوج ولي احتياجات عاطفية اكبتها واصرف ذهني عن التفكير فيها خوفا من أقدامي علي خطوة زواج قد تؤثر علي حياة أبنائي .

سؤالي لكل سيدة ( ارملة أو مطلقة ) هل ندمتي علي قرارك بعدم الزواج من أجل أبناءك

، خاصة بعد أن يكبر الأبناء ويصبح لكل منهم حياته الخاصة.

11/06/2022

اللهم خفف وهون حرارة الشمس علي عبادك واجعلها بردًا وسلاما وأجرنا من حر الدنيا والآخره ،اللهم نجنا من لفح جهنم ،وباعد بيننا وبينها كما باعدت بين المشرق والمغرب ،والطف بينًا برحمتك ياارحم الراحمين 🙏

11/06/2022

أنا هدخل فالموضوع علطول
أنا عملت غلطة وندمانة عليها لانى كنت مؤذية لشخص ده قوي عشان اتريقت عليه وع شكله بس هو السبب هو اللي اتقدملى ولما رفضت وقولت أنه زي اخويا بعتلى رسايل بأن هو بيحبنى وكلام فاضي وانا اصلا كنت عارفة أن الشخص ده بتاع بنات وكنت رافضة اساسا حتى لو محترم لأنى كنت صغيرة المهم لما بعتلى الرسايل انهرت وخوفت وعيطت اللي هو أنا عملت ايه يخلى واحد زيك يتجرء ويكتبلى الكلام ده ومش خايف ويقولى أنا فلان بكل بجاحة المهم بعد ما الرسايل وصلت بشوية فيه رقم فضل يرن كتير فرديت يمكن حد من اصحابى مثلا المهم لما سمعت صوت ولد قفلت علطول وعرفت أنه اكيد هو روحت اديت الفون لواحدة صحبتى بس هى معرفتش ترد فخدت الفون وقولتله بصريخ وزعيق هستيري أنا مش بحبك وعمري ما قولتلك انى بحبك ولا عمري هحبك راح شتمنى وقالى انتى متكبرة قولتله أيوة متكبرة وقفلت فوشه وبعدها لقيت صفحات زبالة قوي بتكلمنى ماسنجر وصور بروفايل كل صفحة صور إباحية اصل انا كنت عاملة ماسنجر من غير فيس برقم الفون المهم حذفت الماسنجر وحتى الواتس ووصلنى كلام أنه بيشتم فيا وبيقول انى ماشية مع ولاد فالكلية وانا اصلا عمري ما عملتها عشان أنا من عيلة معندهاش حاجة اسمها زمالة حتى بين ويد وبنت واحنا اتربينا ع كدا فكان كل اصحابى بنات وانا شخصية مش اجتماعية اساسا فكانوا اصحابى يتعدوا ع الصوابع فكنت مغلولة منه قوي روحت جبت خط وعملت صفحة ع الفيس مزيفة واتريقت عليه وع شكله وشتمته بكل الشتايم اللي فالدنيا بس ساعتها حسيت بالذنب انى بقيت مؤذية وحرام انى اتريقت عليه وع شكله روحت عملتله بلوك وحذفت الفيس وكسرت الخط الكلام ده كان ف ٢٠١٧
سؤالى بقى هل ممكن يعمل محضر ويحبسنى محضر سب وقذف ولا أنا مكبرة الموضوع وحاجة من زمان
ارجو الافادة فحتة المحضر دي