13/09/2025
خد تعاله هنا 🧐
الصورة دي أخدتها من تطبيق ويب جديد بصمّمه حاليًا 🪄 هيكون For Free 🎁 للكل إن شاء الله 😊
طيب إيه فكرة التطبيق ده بقىيييي؟؟
الأول بس، بفكّر أبتدي هنا سلسلة معاكم أتكلم فيها كل يوم عن فكرة جديدة وحلول لمشاكل بنمر بيها كل يوم، وممكن نكون مش عارفين إيه سببها أو حتى إن دي مشكلة محتاجة تتحل.
لو حد عنده رأي ممكن يسيبه في الكومنتات 👇
طيب، أنا قولت فوق إن أنا بصمّم تطبيق ويب جديد، إيه فكرة التطبيق ده وإيه المشكلة اللي ممكن يكون بيحلها 🤔؟؟
وهو ده موضوعنا النهاردة: التشتت وقلة الانتباه، أو بالمصطلح العلمي اللي هنتكلم عنه النهاردة: تعفّن الدماغ 😵💫🧠🧟♂️
خلينا في الأول نعرف المصطلحات، وبعدين نتكلم براحتنا 😌🤗
🧠 تعفّن الدماغ:
هو مصطلح غير طبي رسمي، يُستخدم لوصف الحالة العقلية من الخمول الذهني، التشتّت، ضعف التركيز، والضبابية الفكرية، اللي غالبًا بتظهر بعد فترة من التعرّض المستمر للمحتوى الرقمي السريع أو غير المفيد (زي الفيديوهات القصيرة، التصفح المكرّر، والتنقّل المفرط بين المنشورات).
🔍 إزاي تعرف إن عندك الأعراض؟
بتحس إنك مش قادر تركز في مهمة واحدة لفترة طويلة.
دماغك دايمًا مشوشة أو حاسس بـ "ضباب ذهني".
بتنسى بسرعة حاجات كنت لسه عارفها.
بتلاقي نفسك بتتنقّل بين تطبيقات أو صفحات بشكل لا إرادي.
بتحس إنك مرهق ذهنيًا حتى لو ماعملتش حاجة تقيلة.
💡 طيب إزاي ممكن تتعالج منه لو عندك؟ 🤔
في طرق كتير هتسمعها عن الموضوع ده، لكن باختصار:
الفكرة إنك بترجع تمرّن دماغك تاني على التركيز على مهمة واحدة لفترة طويلة 🕐، وتتعلم إزاي تلغي المشتتات اللي حواليك وتتحكم فيها.
👀 طيب كلام جميل أوي، لكن الصراحة محدش فينا هيمشي على النصايح دي!
إحنا عارفين 🫠👌 هنسمعها وننساها 🫡
وده اللي أنا بحاول احله حاليًا:
فكرة التطبيق إنّه هيمرّنك واحدة واحدة عن طريق ألعاب لتقوية التركيز والذاكرة،
هيقيس نسبة تركيزك من اختبارات معينة ويقولك المفروض يكون تركيزك في عمرك قد إيه، وإنت ضايع منك قد إيه.
واللي بحاول أضيفه حاليًا هو شات بوت يتابع معاك يومك وإنجازك من غير حتى ما إنت تكلمه.
وفي مميزات أكتر بإذن الله أتمنى تعجبكم ❤️
كل الفكرة إني بحاول أصنع فرق في يومك للأحسن، حتى لو بسيط جدًا 😊
