DigiFun

More than Digi, more than fun!
吃喝玩樂，享受滿fun！

14/11/2026

一間餐廳做得好有人讚賞理應老細開心，偏偏有餐廳就要喺Threads出post叫各位foodie高抬貴手唔好提佢哪怕係讚美，仲要喺自己人舖頭門口貼埋告示奉勸大家唔好跨區去試，咁搞笑又咁串係咩料？Sorry你咁樣我哋好難放過⋯⋯其實我哋都係見到你哋份炸豬扒同南乳炸雞幾吸引先嚟試啫！又睇吓係咪真係咁普通唔值得跨區嚟試？
https://youtu.be/tMm3wyzIyyo

31/10/2026

HOW並非單純係一間餐廳，十年前佢哋由觀塘巧明街某工廠大廈起家，賣傢具、生活用品，甚至做埋室內設計，後來走出工廈、走出觀塘，走入各區商場開分店。十年後嘅今日，佢哋回歸觀塘巧明街，不過唔再喺工廈入面，甚至唔再喺樓上舖，今次佢哋嚟到The Angle地舖開店，仲有埋戶外空間，更貼地、更加容易接觸到大眾。好可惜嘅係，拜訪當日我哋無緣一試佢哋以當年餐單上大受歡迎嘅東坡肉演變而成嘅豚角煮，經過深思熟慮後我哋決定試吓理應係最簡單而穩陣嘅日式咖喱飯，再配cafe例試嘅Flat White，結果竟然係大失所望？即刻去片睇吓點解！
https://youtu.be/SxUWq6txFWo

24/10/2026

港式快餐店，可以話係其中一種老香港文化，不過隨住市場環境轉變，好多港式快餐店都無再經營。利口福快餐店舖面細，得幾張枱櫈，如果堂食基本上就係坐路邊開餐，不過依然吸引到唔少人嚟幫襯，自然有其過人之處。今次我哋嚟試，就唔係試好多人試過都讚好嘅沙嗲牛、漢堡包等小食，我哋就試吓佢嘅即炒乾炒牛河，當然唔少得港式飲品代表奶茶啦，即刻去片睇睇如何！
https://youtu.be/2-aNl4IghZY

17/10/2026

觀塘樓上有唔少好嘢食就已經係公開嘅秘密，不過除咗人所共知嘅駱駝漆之外，其實仲有唔少臥虎藏龍嘅食堂神隱於各處。今次我哋要試嘅呢間日月堂都算有啲人氣，佢哋嘅台灣菜有唔少人讚好，即刻去片睇吓係咪真係咁正？
https://youtu.be/chvugjgWPnE

10/10/2026

台式滷肉飯可以話係一間台式餐廳嘅基礎，而喺呢個基礎之上有唔少餐廳都會疊加一啲配料嚟豐富成件事，早年我哋試過嘅真台客嘅痛風滷肉飯可以話係當中嘅表表者，滿滿嘅蚵仔、蝦仁再加隻生蛋喺面，下面先係滷肉飯本飯，食過真係好難忘，可惜今年五月突然宣佈結業。不過除咗佢之外，香港其實仲有其他台式餐廳都有做呢類加料滷肉飯，當中呢間好吃吃光都算係幾出名多人排隊食，咁佢哋嘅出品又係咪真係如其店名一樣好吃到要吃光呢？即刻去片睇睇啦！
https://youtu.be/M32W2IUfQLI

03/10/2026

太子有名叫「餃餃鎮」，顧名思義就係呢頭餃子店特別多，唔少仲係人氣店。豐信餃子店喺呢頭都算係其中一間相當出名嘅餃子店，不過如果係比較資深嘅街坊或食客應該都知其實佢哋老細家族本身係開布行嘅，原本間布行就喺正隔離舖，但喺2024年中開始布行就無再經營，轉埋做餃子店，實行全面轉營專注做餃子。嚟到2026年，佢哋依家係其門如市，日日門口都聚集一堆人喺度等位或者等外賣。今次我哋就嚟探究吓佢哋嘅餃子有乜咁吸引，即刻去片睇睇！
https://youtu.be/xmfBC2Bwk28

26/09/2026

發跡自屯門悅湖山莊嘅餃里，一直專注於做手工餃子，初期除咗喺悅湖元祖店做外賣，仲有喺唔同嘅平台同港九新界嘅寄賣點寄賣，後來更一步步發展分店，拓展出自己嘅版圖。今次我哋就入嚟屯門一探究竟，雖然佢哋早已離開悅湖元祖店，搬到附近嘅海趣坊，不過就順勢擴充店面提供埋堂食，咁究竟佢哋嘅出品係咪真係咁得？即刻去片睇睇！
https://youtu.be/uQrkNXpnaT8

19/09/2026

早排呢間雞功房喺Threads好多人吹捧，話佢嘅豉油雞好正。講起豉油雞我哋自不然會諗起做豉油雞好出名嘅秋意，但望返雞功房嘅餐牌價錢比秋意高一截，咁佢哋嘅出品又係咪真係對得住定價？即刻去片睇睇！
https://youtu.be/v72vpQLhl5I

12/09/2026

講起蝦湯麵，比較多人識嘅可能係前身叫植幕宵嘅幕多，當然以蝦湯做主打嘅餐廳麵店都仲有唔少，但直接以蝦為舖頭命名嘅除咗今次要試嘅呢間蝦三少外就應該無乜邊間。雖然實際上佢哋除咗賣以蝦入饌嘅嘢食外，都有賣啲無蝦嘅嘢，不過由舖頭命名到餐牌，都可以睇得出佢哋真係以蝦做主題。今次我哋除咗試蝦湯麵，仲試埋佢哋嘅蝦多士同爆谷蝦，即刻去片睇睇！
https://youtu.be/Fu9LwL7ytHc

05/09/2026

大埔呢間叫Boundless嘅cafe，有樣幾特別嘅嘢叫荷蘭鬆餅，香港算少有，唔係度度都食到。今次我哋就決定體驗吓乜嘢叫荷蘭鬆餅，當然食得cafe唔少得試埋咖啡，仲有甜品，即刻去片睇睇！
https://youtu.be/v537I_jibTU

Address

Hong Kong

Website

http://digifun.hk/

Alerts

Be the first to know and let us send you an email when DigiFun posts news and promotions. Your email address will not be used for any other purpose, and you can unsubscribe at any time.