22/01/2026
ئايا كۆمارى كوردستان كۆمارێكى ئيسلامى بوو، يان عەلمانى؟
ئەم ڤیدیۆیە دوو ساڵ لەمەو پێش دروستمان کردوە
شيكارييەكى مێژوويى لەسەر كۆمارەكەى قازى محمد (ڕەحمەتى خواى لێبێت).
كۆمارى كوردستان، يان مەهاباد، لە رۆژهەڵاتى كوردستان لە بەروارى (22/1/1946) زايينى، لە شارى مەهاباد لەلايەن جەنابى پێشەوا قازى محەممەدەوە دامەزرا، وە دامەزرێنەران و ئەندامانى ئەو حكومەتە سەرتاپاى خەڵكانى زاناو مەلاو پسپۆڕو خواناس و شۆرشگێڕ بوون..
لە ڕاستيدا هەر جوڵانەوەيەكى ڕزگاريخواز لە رۆژهەڵاتى كوردستان هاتبێتە ئاراوە، وەك جوڵانەوەو شۆرشەكانى: شێخ عەبدوڵڵاو شۆرشى سمكۆى شوكاك و شۆرشى سابڵاغ ، هەموو ئەمانە لەسەر بيروباوەڕو داب و نەريتى كوردەوارى و دوور لە بيرى نامۆ دامەزراون و كاريان كردووە.
كۆمەڵەى ژيانەوەى كورديش كە كۆمەڵەيەكى ئيسلامى نيشتمانى بوو لەسەر دەستى (مەلاى داوودى) لەشارى مەهاباد دامەزراو لەگەڵ هاتنى قۆناغى نوێ لە ساڵى (1942)ى زايينى كە جەنگى جيهانى دووەم ڕوويدا، كۆنگرەى دووەمى خۆى بەست و (عبدالرحمن زەبيحى) بوويە سكرتێرى حزب و ئەم پياوە گۆشكراوێكى ناو حوجرەكانى سابڵاخ و گوندەكانى...
