09/05/2026
شنو سالفة الـ next,next,next,finish اللي نسويها وإحنا دنسوي Create Feature Class جديدة؟!
🔹 **1- Define**
بهالمرحلة نكتب اسم الـ Feature Class ونحدد نوعها:
(Point / Line / Polygon)
وكذلك نحدد الخصائص الهندسية:
▪️ **M Values**
هاي تستخدم للإحداثيات الخاصة بالمسافات أو الطرق، مثل بيانات الـ Routes والـ Linear Referencing.
▪️ **Z Values**
هاي خاصة بالارتفاعات والخرائط ثلاثية الأبعاد 3D.
---
🔹 **2- Fields**
هنا نضيف الحقول (Fields) اللي نحتاجها داخل الجدول.
نحدد:
* اسم الحقل
* نوع البيانات (Text, Integer, Date… إلخ)
ونگدر نضيف أي عدد نحتاجه من الحقول.
---
🔹 **3- Spatial Reference**
هنا نحدد نظام الإحداثيات اللي راح نشتغل عليه، وهاي خطوة مهمة جداً لأن بدونها الخريطة ممكن ما تظهر بشكل صحيح 😅
وغالباً إذا ماكو نظام محدد بالمشروع، نستخدم:
🌏 **WGS 1984**
---
🔹 **4- Tolerance**
الـ Tolerance يعني مقدار التسامح.
وهو أقل مسافة يكدر ArcGIS يميز بيها بين نقطتين قبل لا يعتبرهن نفس النقطة.
فإذا كانت النقطتين قريبات أكثر من القيمة المحددة، ممكن بالـ Snapping يعتبرهن نقطة وحدة ويصير دمج.
---
🔹 **5- Resolution**
هاي دقة تخزين الإحداثيات داخل الـ Database.
يعني شكد البرنامج يكدر يميز فروقات صغيرة بين النقاط.
كلما كانت الدقة أعلى:
✔️ البيانات تكون أدق وأوضح
❌ لكن حجم البيانات يكبر أكثر.
---
🔹 **6- Storage Configuration**
وهاي آخر خطوة قبل الـ Finish وغالباً هواية ناس ما تنتبهلها 😅
هاي مسؤولة عن إعدادات خزن البيانات حسب نوع الـ Geodatabase المستخدم.
إذا نستخدم:
📁 **File Geodatabase**
غالباً نخليها Default وما نغير شي.
أما إذا:
🏢 **Enterprise Geodatabase**
(الله يعين اللي يشتغل بيها 😂🤲)
فهنا ممكن نحتاج نحدد إعدادات إضافية حسب المشروع:
* ضغط البيانات Compression
* نوع الخزن
* إعدادات خاصة بـ Oracle أو SQL Server وغيرها.
والـ Enterprise عالم ثاني كله تفاصيل 😂
المهم قبل لا نسوي:
next → next → finish
لازم نفهم شنو كل خطوة تسوي 👌
