04/09/2026
මහත්වරුනී ,
Arc එකක් නෑ... Electrode එකක් නෑ... Laser කිරණයකින් ලෝහ පෑස්සන්න පුළුවන් කියලා දන්නවද?
Laser කියන වචනය ඇහුවම අපිට මුලින්ම මතක් වෙන්නේ ලෝහ කපන එක.
හැබැයි Laser එකකින් ලෝහ කපන්න විතරක් නෙවෙයි...
ලෝහ කොටස් දෙකක් එකට පෑස්සන්නත් පුළුවන්.
අද ලංකාවෙත් Handheld Laser Welding Machines දකින්න ලැබෙනවා. ඉතින් සමහර විට ඔයාලා දැනටමත් පාවිච්චි කරනවත් ඇති!
හැබැයි මේ මැෂින් එක ඇතුළේ ඇත්තටම වෙන්නේ මොකක්ද?
Laser කිරණයකින් කොහොමද ලෝහ දෙකක් එකට සම්බන්ධ වෙන්නේ?
අද ඒ ගැන ටිකක් කතා කරමු...
Laser Beam Welding – LBW
Laser Beam Welding කියන්නේ Laser කිරණයක් තාප ප්රභවය ලෙස භාවිතා කරලා, සම්බන්ධ කළ යුතු ලෝහ ප්රදේශය දියකර Weld Joint එකක් නිර්මාණය කරන Fusion Welding ක්රමයක්.
Laser කිරණය ඉතා කුඩා ප්රදේශයකට නාභිගත කිරීමෙන් ඉහළ ශක්ති ඝනත්වයක් ලබාගන්න පුළුවන්.
මෙතන අපි කලින් කතා කළ FSW ක්රමයට වඩා ලොකු වෙනසක් තියෙනවා.
FSW වල මූලික ලෝහය දියකරන්නේ නැහැ.
හැබැයි Laser Welding වල සම්බන්ධ කළ යුතු ලෝහ ප්රදේශය දියවෙනවා.
ඒ නිසා මේක ලෝහය නොදියවා කරන Solid-State Welding ක්රමයක් නෙවෙයි.
LASER කියන්නේ මොකක්ද?
LASER කියන නම හැදිලා තියෙන්නේ,
Light Amplification by Stimulated Emission of Radiation
කියන වචන වලින්.
සරලව කිව්වොත්...
Laser මගින් නිපදවන ආලෝක ශක්තිය ඉතා කුඩා ප්රදේශයකට නාභිගත කරන්න පුළුවන්.
එවිට එම කුඩා ප්රදේශයට ඉහළ ශක්ති ඝනත්වයක් ලබාගන්න පුළුවන්.
Laser Welding වල ප්රධාන වශයෙන් ප්රයෝජනයට ගන්නේ මෙන්න මේ හැකියාව. ඉතින් මම හිතනවා සරළව පොඩ්ඩක් හෝ අවබෝධ වෙන්න ඇති කියලා
Laser එකෙන් ලෝහය දියවෙන්නේ කොහොමද?
Laser කිරණය ලෝහ මතුපිටට වැටුණාම එහි ශක්තියෙන් කොටසක් ලෝහය අවශෝෂණය කරගන්නවා.
තවත් කොටසක් පරාවර්තනය වෙන්න පුළුවන්.
අවශෝෂණය වූ Laser ශක්තිය තාපය බවට පත්වෙනවා.
ඒ නිසා ඉතා කුඩා ප්රදේශයක උෂ්ණත්වය ඉක්මනින් ඉහළ යනවා.
ප්රමාණවත් ශක්තියක් ලබාදුන්නාම ලෝහය දියවෙලා Weld Pool එකක් නිර්මාණය වෙනවා.
Laser කිරණය Joint එක දිගේ ගෙනයන විට එය පසුකර ගිය ප්රදේශයේ දියවුණු ලෝහය සිසිල් වී නැවත ඝන වෙනවා.
එතකොට ලෝහ කොටස් දෙක එකට සම්බන්ධ කරමින් Weld Seam එක නිර්මාණය වෙනවා.
මේ තමයි Laser Welding වල මූලික ක්රියාවලිය.
Laser Welding හැමවිටම එකම විදිහට වෙන්නේ නෑ...
ප්රධාන ක්රියාකාරී ආකාර දෙකක් ගැන දැනගන්න ඕන.
01.Conduction Mode
මෙහි Laser ශක්තිය ලෝහ මතුපිට අවශෝෂණය වෙලා, එයින් ඇතිවන තාපය ලෝහය තුළට සන්නයනය වෙනවා.
ලෝහය දියවෙනවා.
හැබැයි ගැඹුරු Keyhole එකක් නිර්මාණය වෙන්නේ නැහැ.
ඒ නිසා සාමාන්යයෙන්,
01.සාපේක්ෂව පුළුල් Weld එකක්
02.සාපේක්ෂව අඩු Pe*******on එකක්
03.ගැඹුරට සාපේක්ෂව පළල වැඩි Weld එකක්
ලබාගන්න පුළුවන්.
02.Keyhole Mode
මෙන්න Laser Welding වල තියෙන විශේෂම කොටස.
Laser කිරණය ඉතා කුඩා ප්රදේශයකට නාභිගත කරලා ප්රමාණවත් ඉහළ ශක්ති ඝනත්වයක් ලබාදුන්නාම ලෝහය දියවීම පමණක් නෙවෙයි...
ලෝහයෙන් කොටසක් වාෂ්ප වෙන්නත් පුළුවන්.
එම ලෝහ වාෂ්පයේ පීඩනය සහ දියවුණු ලෝහයේ ගලායාම නිසා ලෝහය තුළ පටු කුහරයක් පවත්වාගෙන යන්න පුළුවන්.
මේකට තමයි Keyhole කියන්නේ.
Laser ශක්තිය මේ Keyhole එක තුළට ගැඹුරට ඇතුළු වෙන්න පුළුවන්.
Laser එක Joint එක දිගේ ගමන් කරන විට Keyhole එකත් ඒ සමඟ ගමන් කරනවා.
එය පසුකර ගිය පසු දියවුණු ලෝහය එකතු වී සිසිල්ව ඝන වෙනවා.
එහි ප්රතිඵලයක් ලෙස...
සාපේක්ෂව පටු සහ ගැඹුරු Weld එකක් ලබාගන්න පුළුවන්.
හැබැයි Keyhole එක ස්ථාවරව පවත්වාගන්න බැරි වුණොත් Porosity වගේ දෝෂ ඇතිවෙන්න පුළුවන්.
ඒ නිසා Laser Power එක වැඩි කළා කියලා විතරක් හොඳ Weld එකක් ලැබෙන්නේ නෑ.
නිවැරදි පාලනය ඉතා වැදගත්.
Laser Welding මැෂින් එකක ප්රධාන කොටස් මොනවද?
මැෂින් වර්ගය අනුව වෙනස් වුණත් සාමාන්යයෙන්,
01.Laser එක නිපදවන කොටස
02.විදුලි සැපයුම සහ පාලන පද්ධතිය
03.Laser කිරණය ගෙනයන පද්ධතිය
04.Laser කිරණය නාභිගත කරන කොටස
05.Welding Head එක
06.අවශ්ය නම් ආවරණ වායු පද්ධතිය
07.සිසිලන පද්ධතිය
08. ස්වයංක්රීය මැෂින්වල චලන පාලන පද්ධතිය
වැනි කොටස් තියෙනවා.
අද භාවිතා වන බොහෝ නවීන Handheld Laser Welding Machines වල Fiber Laser තාක්ෂණය දකින්න පුළුවන්.
එහෙනම් Welding Wire අවශ්ය නැද්ද?
Laser Welding Filler Wire එක්ක හෝ නැතුව කරන්න පුළුවන්.
Wire නැතුව
ලෝහ කොටස් දෙකේම මූලික ලෝහය දියකරලා එකට සම්බන්ධ කරනවා.
මේකට Autogenous Laser Welding කියනවා.
Filler Wire එක්ක
අවශ්ය වැඩවලදී Filler Wire එකක් එකතු කරන්න පුළුවන්.
එමගින්,
01.Joint Gap එක පිරවීමට
02.Weld Metal එකේ සංයුතිය අවශ්ය පරිදි පාලනය කිරීමට
03.සමහර ලෝහවල Cracking අවදානම අඩු කිරීමට
04.අවශ්ය Weld හැඩය ලබාගැනීමට
උදව් වෙන්න පුළුවන්.
Laser Welding වල ආවරණ වායුව මොකටද?
වැඩේ සහ ලෝහ වර්ගය අනුව Laser Welding වලත් Shielding Gas – ආවරණ වායුව භාවිතා කරනවා.
එහි ප්රධාන කාර්යයක් තමයි දියවුණු සහ අධික උෂ්ණත්වයේ ඇති Weld ප්රදේශය වායුගෝලයේ බලපෑමෙන් ආරක්ෂා කිරීම.
එමගින්,
01.Oxidation අඩු කිරීමට
02. Weld මතුපිට ගුණාත්මකභාවය පාලනය කිරීමට
03. Weld Metal එකට අනවශ්ය වායුගෝලීය ද්රව්ය ඇතුළුවීම අඩු කිරීමට
උදව් වෙන්න පුළුවන්.
සමහර Laser ක්රියාවලීන්වල නිවැරදි වායු ප්රවාහය මගින් ලෝහ වාෂ්ප/දුම පාලනය කිරීමටත්, Welding Head එකේ ආරක්ෂිත Optical කොටස් දුම සහ Spatter වලින් ආරක්ෂා කිරීමටත් උදව් වෙන්න පුළුවන්.
මොන ආවරණ වායුවද භාවිතා කරන්නේ?
හැම ලෝහයකටම එකම Gas එක භාවිතා කරන්න බෑ.
01. Argon – Ar
රසායනිකව අක්රිය Inert Gas එකක්. විවිධ Laser Welding ක්රියාවලීන්වල ආවරණ වායුවක් ලෙස භාවිතා කරනවා.
02.Helium – He
මෙයත් Inert Gas එකක්. එහි ගුණ Argon වලට වෙනස් නිසා process එකට ඇති බලපෑමත් වෙනස් වෙන්න පුළුවන්. සාමාන්යයෙන් Helium මිල අධික විය හැකියි.
03.Nitrogen – N₂
සමහර Laser Welding වැඩවල භාවිතා කරන්න පුළුවන්.
හැබැයි...
Nitrogen කියන්නේ හැම ලෝහයකටම Inert Gas එකක් වගේ භාවිතා කරන්න පුළුවන් වායුවක් නෙවෙයි.
අධික උෂ්ණත්වයේදී ලෝහය සමඟ ඇතිවන ප්රතික්රියාව material එක අනුව වෙනස් වෙන්න පුළුවන්.
විශේෂයෙන් Titanium වැනි reactive ලෝහ සඳහා නිවැරදි ආවරණය ඉතා වැදගත්.
ඒ නිසා Argon, Helium, Nitrogen තුනෙන් කැමති එකක් දාලා Weld කරන්න පුළුවන් කියන අදහස වැරදියි.
Gas වර්ගය විතරක් නෙවෙයි...
Gas එකේ පිරිසිදුභාවය,Gas Flow එක,Nozzle එකේ පිහිටීම,Gas එක ගලායන දිශාව,ලෝහ වර්ග,Welding Speed,Laser ක්රියාවලිය
වැනි දේවල් එකට බලන්න ඕන.
Gas එක වැඩිපුර දුන්නාමත් හැමවිටම හොඳ නෑ.
අදාළ මැෂින් නිෂ්පාදකයාගේ සහ Welding Procedure එකේ නිර්දේශයට ගැලපෙන Gas එක සහ Flow එක භාවිතා කරන්න ඕන.
මොනවද Laser Welding කරන්න පුළුවන් ලෝහ වර්ග ?
නිවැරදි මැෂින් එකක් සහ නිවැරදි Welding Procedure එකක් යටතේ,
01. Mild / Carbon Steel
02.Stainless Steel
03.Aluminium Alloys
04.Titanium Alloys
05.Nickel Alloys
06.Copper සහ Copper Alloys
වැනි විවිධ ලෝහ Laser Welding කරන්න පුළුවන්.
හැබැයි...
“Laser එකක් තියෙනවා නම් ඕනෑම ලෝහයක් ලේසියෙන් පෑස්සන්න පුළුවන්”
කියන එක නිවැරදි නෑ.
ලෝහයේ Laser ශක්තිය අවශෝෂණය සහ පරාවර්තනය කරන ආකාරය, තාප සන්නායකතාව, සංයුතිය, ඝනකම, මතුපිට තත්ත්වය, Joint එකේ හැඩය සහ Gap එක වැනි දේවල් Welding ක්රියාවලියට බලපානවා.
එහෙනම් Welding Amperage සහ Voltage නැද්ද?
Laser Welding Machine එක ක්රියාත්මක කරන්න විදුලිය අවශ්යයි.
Machine එක ඇතුළේ Voltage සහ Current තියෙනවා.
හැබැයි MMA, MIG/MAG, TIG වගේ...
Electrode එක සහ Workpiece එක අතර Welding Current එකක් ගලා Arc එකක් නිර්මාණය කරලා Weld කරන ක්රමයක් Laser Welding වල නෑ.
මෙහි ලෝහයට Welding Energy ලබාදෙන ප්රධාන මාර්ගය Laser Beam එක.
ඒ නිසා වැදගත් සැකසුම් අතර,
01. Laser Power
02.Laser එක නාභිගත කරන ස්ථානය
03. Laser Spot එකේ ප්රමාණය
04.Welding Speed
05.ලෝහයේ ඝනකම සහ වර්ගය
06.Joint Gap සහ Fit-up
07.ආවරණ වායුව
08.Filler Wire භාවිතා කරනවා නම් එහි Feed Speed
වැනි දේවල් තියෙනවා.
Laser Welding වල විශේෂත්වය මොකක්ද?
විශේෂයෙන් Keyhole Welding වල Laser ශක්තිය ඉතා කුඩා ප්රදේශයකට නාභිගත කරන්න පුළුවන්.
ඒ නිසා නිවැරදි වැඩකදී...
සාපේක්ෂව පටු Weld එකක් සමඟ ගැඹුරු Pe*******on එකක් ලබාගන්න පුළුවන්.
සමහර Arc Welding වැඩවලට සාපේක්ෂව,
01.Welding Speed වැඩි කරගන්න පුළුවන්.
02. ලෝහයට ලබාදෙන සමස්ත තාප බලපෑම අඩු කරගන්න පුළුවන්.
03.Heat Affected Zone එක අඩු කරගන්න පුළුවන්.
04.ලෝහයේ ඇදවීම සහ හැඩ වෙනස්වීම අඩු කරගන්න පුළුවන්.
05.ඉතා නිරවද්ය Weld එකක් ලබාගන්න පුළුවන්.
හැබැයි මේවා හැම Laser Welding වැඩකටම අනිවාර්යයෙන් ලැබෙන ප්රතිඵල නෙවෙයි.
Laser Welding භාවිතා කරන අවස්ථා, මොනවද කියලත් බලමුකො!
අද මේ තාක්ෂණය,
01.වාහන නිෂ්පාදනය
02. Battery නිෂ්පාදනය
03.විදුලි සහ ඉලෙක්ට්රොනික උපාංග
04.ගුවන් යානා හා අභ්යවකාශ කර්මාන්තය
05.නිරවද්ය කාර්මික නිෂ්පාදන
06. ලෝහ නිෂ්පාදන
07.Robot සහ ස්වයංක්රීය නිෂ්පාදන පද්ධති
08.ඇතැම් වෛද්ය උපකරණ නිෂ්පාදනය
වැනි ක්ෂේත්ර ගණනාවක භාවිතා වෙනවා.
Handheld Laser Welding Machines නිසා සාමාන්ය fabrication වැඩපොළවල්වලටත් මේ තාක්ෂණය පැමිණෙමින් තියෙනවා.
Laser Welding වල ප්රධාන වාසි
නිවැරදි වැඩකට සහ නිවැරදි සැකසුම් යටතේ,
01.ඉහළ Welding Speed එකක් ලබාගන්න පුළුවන්.
02.ඉතා නිරවද්ය Weld එකක් ලබාගන්න පුළුවන්.
03.Keyhole ක්රමයෙන් පටු සහ ගැඹුරු Weld ලබාගන්න පුළුවන්.
04.සමහර Arc Welding වැඩවලට සාපේක්ෂව තාප බලපෑම අඩු කරගන්න පුළුවන්.
05.Heat Affected Zone සහ ලෝහයේ ඇදවීම අඩු කරගන්න පුළුවන්.
06.Robot සහ ස්වයංක්රීය Welding සඳහා ඉතා සුදුසුයි.
07.සමහර Joint වල Filler Wire නැතුව Weld කරන්න පුළුවන්.
Laser Welding වල අවාසිත් තියෙනවා,ඉතින්
Laser Welding හැම වැඩකටම හොඳම Welding ක්රමය නෙවෙයි.
01. මැෂින් සහ උපකරණවල මිල ඉහළ වෙන්න පුළුවන්.
02.Laser Focus එක සහ සැකසුම් නිවැරදි වෙන්න ඕන.
03.විශේෂයෙන් Wire නැතුව කරන Welding වල Joint Gap සහ Fit-up ඉතා වැදගත්.
04.ලෝහ මතුපිට තත්ත්වය සහ අපිරිසිදුකම Weld Quality එකට බලපාන්න පුළුවන්.
05.වැරදි සැකසුම් නිසා Porosity, Lack of Fusion, Incomplete Pe*******on, Undercut, Spatter සහ Cracking වැනි දෝෂ ඇතිවෙන්න පුළුවන්.
07.Keyhole එක අස්ථාවර වීම Porosity ඇතිවීමට හේතුවක් වෙන්න පුළුවන්.
08.Optical කොටස් නිසි ලෙස නඩත්තු කරන්න ඕන.
Laser Welding වල ආරක්ෂාව ගැන විශේෂයෙන් දැනගන්න ඕන!
මේක මේ Post එකේ වැදගත්ම කොටසක්.
High-Power Handheld Laser Welding Machine එකක් සාමාන්ය Welding Machine එකක් වගේ පෙනුණත් එහි Laser අවදානම වෙනස්.
බොහෝ high-power industrial welding lasers Class 4 කාණ්ඩයට අයත් වෙනවා.
Class 4 Laser එකක...
01.සෘජු Laser Beam එක
02.ලෝහයකින් පරාවර්තනය වූ Beam එක
03.ඇතැම් අවස්ථාවල විසිරුණු Laser Radiation එක
ඇස් සහ සමට අනතුරුදායක වෙන්න පුළුවන්.
ඒ වගේම Fire Hazard එකක් ඇතිවෙන්නත් පුළුවන්.
ඇස් ආරක්ෂාව ඉතාම වැදගත්!
Laser Welding වල වැඩිපුරම අවධානය දෙන්න ඕන තැනක් තමයි ඇස්.
විශේෂයෙන් බොහෝ Fiber Laser Welding Systems වල Near-Infrared Laser radiation භාවිතා වෙනවා.
එය අපේ ඇසට නොපෙනෙන්න පුළුවන්.
Laser කිරණය පේන්නේ නැති නිසා ඒක Safe කියලා හිතන්න එපා.
ඒ වගේම Laser එක ඇසට කෙළින්ම වැටෙන්නම ඕන නෑ.
Stainless Steel, Aluminium, Copper සහ වෙනත් ලෝහ මතුපිටවලින් Laser radiation පරාවර්තනය වෙන්න පුළුවන්.
ඒ පරාවර්තනයත් ඇස්වලට අනතුරුදායක වෙන්න පුළුවන්.
ඒ නිසා Laser Weld කරන තැන දිහා ආරක්ෂාවක් නැතුව නිකම් බලාගෙන ඉන්න එකත් සුදුසු නෑ.
සාමාන්ය Welding Helmet එකක් දැම්මම ඇතිද?
එහෙම හිතන්න එපා.
MMA, MIG/MAG හෝ TIG සඳහා නිර්මාණය කළ සාමාන්ය Welding Helmet එකේ Shade Number එක තිබුණා කියලා...
ඒක Laser Radiation එකටත් නිවැරදි ආරක්ෂාව ලබාදෙනවා කියලා කියන්න බෑ.
Laser සඳහා භාවිතා කරන ඇස් ආවරණය අදාළ Laser එකේ,
01.Wavelength – තරංග දිග
02.Laser output සහ exposure තත්ත්වය
03.අවශ්ය Optical Density – OD
අනුව නිවැරදිව තෝරාගත් Laser Protective Eyewear එකක් වෙන්න ඕන.
ඒ ආරක්ෂිත ඇස් ආවරණයේ එය ආරක්ෂා කරන Wavelength සහ OD අගයන් නිවැරදිව සඳහන් වෙලා තියෙන්න ඕන.
සාමාන්ය අඳුරු කණ්ණාඩියක්, Safety Glass එකක් හෝ Welding Shade එකක් Laser Safety Glass එකකට ආදේශකයක් නෙවෙයි.
ඒ වගේම ඇස් කණ්ණාඩිය පමණක් මත රඳා නොසිට Beam එක පාලනය කිරීම, ආවරණය කිරීම සහ ප්රදේශයට ප්රවේශය පාලනය කිරීම තමයි මුල් ආරක්ෂාව.
Weld කරන කෙනා විතරක් නෙවෙයි... අනිත් අයත් ආරක්ෂා කරන්න ඕන
Laser Welding කරන කෙනා ආරක්ෂිත ඇස් ආවරණ දාගෙන හිටියා කියලා වැඩේ ඉවර නෑ.
අසල ඉන්න අයත් Laser Radiation වලට නිරාවරණය වෙන්න පුළුවන්.
ඒ නිසා...
01.Laser Welding සඳහා වෙන් කළ ආරක්ෂිත ප්රදේශයක් භාවිතා කරන්න.
02.අනවශ්ය පුද්ගලයන් ඇතුල්වීම පාලනය කරන්න.
03.නිවැරදි Laser Warning Signs භාවිතා කරන්න.
04.අවශ්ය Laser-rated barriers / screens / enclosure භාවිතා කරන්න.
05. දොරවල්, කවුළු හෝ මිනිස්සු ගමන් කරන දිශාවකට Beam එක පිටවෙන්න ඉඩ දෙන්න එපා.
සාමාන්ය Arc Welding Curtain එකක් තියෙනවා කියලා ඒක Laser Barrier එකක් කියලා හිතන්නත් එපා.
Laser එකේ wavelength සහ power එකට සුදුසු ආරක්ෂක barrier එකක් වෙන්න ඕන.
පරාවර්තනය ගැන විශේෂයෙන් සැලකිලිමත් වෙන්න
Laser Beam එක ආසන්නයේ අනවශ්ය දිලිසෙන දේවල් තබන්න එපා.
01.Mirror
02.Polished Metal
03.දිලිසෙන Tools
04.Jewellery
05.අනවශ්ය Reflective Surfaces
වැනි දේවල් Beam path එක ආසන්නයෙන් ඉවත් කරන්න.
Laser එක Workpiece එකෙන් වැරදි දිශාවකට පරාවර්තනය වීමත් අනතුරක්.
ඒ නිසා Beam එක අවසානයේ ආරක්ෂිතව අවශෝෂණය/නවත්වන නිවැරදි Beam Stop හෝ enclosure එකක් අවශ්ය වෙන අවස්ථාවල භාවිතා කරන්න.
Machine එකේ Safety System අක්රීය කරන්න එපා
Machine එකේ තිබෙන,
01.Safety Interlock
02.Emergency Stop
03. Trigger Safety
04 Key / Access Control
05.Beam Enable Control
06. Workpiece/contact detection වැනි තිබෙන ආරක්ෂක පද්ධති
Bypass කරන්න එපා.
Machine එකේ ආරක්ෂක පද්ධතියක් අක්රීය කරලා වැඩේ ලේසි කරගන්න එක ඉතාම භයානකයි.
සම සහ ශරීරයත් ආරක්ෂා කරන්න
Laser Radiation ඇස්වලට විතරක් නෙවෙයි.
සමටත් හානි කරන්න පුළුවන්.
ඒ නිසා අදාළ අවදානමට ගැලපෙන,
01. ආරක්ෂිත Gloves
02.සම්පූර්ණ අත් ආවරණය වන ඇඳුම්
03.ගිනි ප්රතිරෝධී සුදුසු වැඩ ඇඳුම්
04.ආරක්ෂිත පාවහන්
05.අවශ්ය Face Protection
භාවිතා කරන්න.
Laser එකක් නිසා Fumes නෑ කියලා හිතන්න එපා
Laser Welding වලදීත් ලෝහය දියවෙනවා.
Keyhole ක්රියාවලියේදී ලෝහයේ කොටසක් වාෂ්ප වෙන්නත් පුළුවන්.
ඒ නිසා...
01.Metal Fumes
02.ඉතා කුඩා අංශු
03.Paint, Plating, Oil හෝ වෙනත් surface coating වලින් ඇතිවන දුම් සහ වායු
නිකුත් වෙන්න පුළුවන්.
ඒ නිසා Weld කරන තැනට ආසන්නව Local Fume Extraction සහ නිසි වාතාශ්රය අවශ්යයි.
ආවරණ වායුවත් අවදානමක් වෙන්න පුළුවන්
Argon සහ Helium වගේ වායු ගිනි ගන්නේ නැති වුණත්...
ඒවා වැඩි ප්රමාණයකින් එකතු වුණොත් වාතයේ Oxygen ප්රමාණය අඩු කරලා හුස්ම ගැනීමේ අවදානමක් ඇති කරන්න පුළුවන්.
විශේෂයෙන්,
01.Tank
02.Pit
03.කුඩා වසා ඇති ස්ථාන
04. වාතාශ්රය අඩු කාමර
වල වැඩ කරනකොට මේ ගැන විශේෂයෙන් සැලකිලිමත් වෙන්න ඕන.
Gas Cylinder, Regulator, Hose සහ Connections වල Leak තියෙනවද කියලාත් පරීක්ෂා කරන්න.
ගිනි අවදානමත් අමතක කරන්න එපා
High-Power Laser Beam එක ගිනිගන්නා ද්රව්යයකට වැටුණොත් ගිනි ඇතිවෙන්න පුළුවන්.
ඒ නිසා Welding Area එකෙන්,
01. ඉන්ධන වර්ග
02.තිනර්
03.කඩදාසි
04.රෙදි
05.Plastic සහ වෙනත් ගිනිගන්නා ද්රව්ය
ඉවත් කරන්න.
අදාළ වැඩපොළට සුදුසු Fire Extinguisher එකක් පහසුවෙන් ලබාගත හැකි තැනක තබන්න.
Weld කරන්න කලින් Machine එකත් පරීක්ෂා කරන්න
වැඩ පටන්ගන්න කලින්,
01.Welding Head
02.Protective Lens / Window
03.Fiber / Beam Delivery Cable
04.Electrical Cables
05.Cooling System
06.Gas Connections
07.Emergency Stop
08.Safety Interlocks
නිවැරදිද කියලා පරීක්ෂා කරන්න.
Fiber Cable එක අධික ලෙස නමන්න, තලන්න හෝ හානි කරන්න එපා.
Machine Manufacturer දීලා තියෙන අවම නැමීමේ සීමාව සහ Service Instructions අනුගමනය කරන්න.
වැඩ ඉවර වුණාමත් Safety එක ඉවර නෑ
Welding අවසන් කළාම,
01.Laser emission එක Disable කරන්න.
02. Machine එක active තත්ත්වයේ unattended තබන්න එපා.
03.Key Control තිබෙනවා නම් අනවසර භාවිතය වළක්වන්න.
04.Gas supply නිසි ලෙස වසාදමන්න.
05.උණුසුම් Workpiece එක අනිත් අයට Burn Hazard එකක් නොවන ලෙස තබන්න.
06. පුහුණුව සහ අවසර නැති කෙනෙකුට Machine එක භාවිතා කරන්න දෙන්න එපා.
WELD DOC අපෙන් ඔබට ආරක්ෂක උපදෙසක්
High-Power Laser Welding Machine එකක්...
“සාමාන්ය Welding Machine එකක් — Arc එක වෙනුවට Laser එකක් තියෙනවා”
කියලා සරලව හිතන්න එපා.
විශේෂයෙන් ඇස් ආරක්ෂාව ගැන කිසිම අවදානමක් ගන්න එපා.
Laser එක පේන්නේ නැති වෙන්න පුළුවන්...
පරාවර්තනය වෙන දිශාව පේන්නේ නැති වෙන්න පුළුවන්...
ඒත් හානිය බරපතළ වෙන්න පුළුවන්.
Laser Safety කියන්නේ කණ්ණාඩියක් දාගන්න එක විතරක් නෙවෙයි.
නිවැරදි Laser Eye Protection + Beam Control + ආරක්ෂිත Enclosure/Barrier + Interlocks + Fume Extraction + ශරීර ආරක්ෂාව + පුහුණුව ලැබූ Operator
කියන සියල්ලම එකට අවශ්යයි.
Laser එකත් එක්ක අත්හදා බලලා Safety ඉගෙනගන්න එපා.
Machine එකේ නිෂ්පාදකයා ලබාදෙන ආරක්ෂක උපදෙස් සහ අදාළ Laser Safety Procedure එක හරියට දැනගෙන තමයි භාවිතා කරන්න ඕන. ❤️
Laser Welding සහ MIG/TIG අතර වෙනස මොකක්ද?
MIG/MAG සහ TIG වල ලෝහය දියකරන ප්රධාන තාප ප්රභවය Electric Arc එක.
Laser Welding වල ඒ කාර්යය කරන්නේ Laser Beam එක.
MIG/MAG වල Wire Electrode එකෙන් Arc එක පවත්වාගෙන යන අතර එම Wire එකම සාමාන්යයෙන් Filler Metal එකත් වෙනවා.
TIG වල Tungsten Electrode එකෙන් Arc එක නිර්මාණය කරන අතර අවශ්ය නම් Filler Wire එක වෙනම ලබාදෙනවා.
Laser Welding වල මේ ආකාරයේ Electric Arc එකක් අවශ්ය නැහැ.
හැබැයි Laser එක සහ MIG/MAG වැනි Arc Welding ක්රමයක් එකට භාවිතා කරන Laser-Hybrid Welding ක්රමත් තියෙනවා.
WELD DOC අපගෙ අවසාන සටහන
අපි LASER කියන වචනය ඇහුවම බොහෝ වෙලාවට හිතන්නේ...
“ඒකෙන් ලෝහ කපනවා”
කියලා.
හැබැයි ඒ Laser කිරණය නිවැරදිව නාභිගත කරලා, එහි බලය සහ Welding Speed එක නිවැරදිව පාලනය කළාම...
ලෝහය දියකරන්නත්...
Weld Pool එකක් නිර්මාණය කරන්නත්...
පටු සහ ගැඹුරු Weld එකක් ලබාගන්නත්...
ඉතා නිරවද්ය Weld Joint එකක් නිර්මාණය කරන්නත් පුළුවන්.
Wire නැතුව කරන Laser Welding තියෙනවා...
Wire එක්ක කරන Laser Weldingත් තියෙනවා...
භාවිතා කරන ආවරණ වායුවත් ලෝහය සහ Welding ක්රියාවලිය අනුව වෙනස් වෙනවා.
Laser එක Arc Welding එක්ක එකතු කරලා කරන Hybrid Weldingත් තියෙනවා.
හැබැයි මේ තාක්ෂණය කොච්චර දියුණු වුණත්...
Safety එකට Shortcut එකක් නෑ. ❤️
තාක්ෂණය දියුණු වෙනකොට Welding කියන ලෝකයත් අපි හිතනවට වඩා ගොඩක් විශාල වෙනවා.
Machine එකක් Operate කරන්න ඉගෙනගන්න එක විතරක් නෙවෙයි...
ඒ Machine එක ඇතුළේ සිදුවන තාක්ෂණයත්, ඒක ආරක්ෂිතව භාවිතා කරන විදිහත් තේරුම්ගන්න එක තමයි වැදගත්. ❤️
ජයවේවා ඔබ සැමට! ❤️
WELD DOC ELECTRONICS
ඉතින් අද පෝස්ට්ටුවත් හොදයි නම් අපිව follow කරන්නත් අමතක කරන්න එපා මහත්වරුනී 🌹❤ ඔබගෙ අදහසත් කමෙන්ට් කරන්න , ලයික් එකක් දාන්න❤ යාලුවන්ට බලන්න shear කරන්නත් අමතක කරන්න එපා🌹
