31/08/2026
Data Recovery လုပ်ငန်းကို နှစ်အတော်ကြာလုပ်လာတဲ့အခါ သီးသန့်အနေနဲ့ survey လုပ်တာမဟုတ်ပေမဲ့ survey လုပ်သလိုမျိုး သိလာတဲ့ အချက်အလက်တွေအရ ပြောရရင် ကိုယ့် Data တွေကို အလေးအနက်မရှိကြဘူး လို့ တွေ့ရတယ်၊ အပြစ်တင်လိုစိတ်နဲ့ ပြောတာမဟုတ်ပါဘူး၊ ဘယ်သူ့ရဲ့ Data ကိုမှ မဆုံးရှုံးစေလိုခြင်းပါ၊ Data လို့ ပြောလိုက်ရင် ရုံးလုပ်ငန်းလုပ်နေတဲ့ user တွေ လုပ်ကိုင်ထားတဲ့ Text documents တွေ၊ ဓါတ်ပုံ ဗီဒီယို ရိုက်ကူးရေး ဆရာတွေ လုပ်ကိုင်ထားတဲ့ Photo, Video တွေ၊ Graphic Design ဆရာတွေ ဖန်တီးထားတဲ့ Graphic တွေ၊ ကာတွန်းဆရာတွေ ဖန်တီးထားတဲ့ Animation တွေ စတဲ့ နယ်ပယ်ပေါင်းစုံက ရလာသမျှဟာ File တွေပါပဲ၊ ဒီ File အမျိုးအစား ပေါင်းစုံကို Data လို့ ခေါ်ဝေါ်ပြီး ထားသိုစရာ တစ်ခုခုမှာ ထားသိုရတာပါပဲ၊ ဒါကြောင့် ဘယ် File ပဲ ဖြစ်ဖြစ် အချိန်ပေးပြီးမှ၊ ငွေကုန်ကြေးကျခံပြီးမှ၊အပင်ပန်းခံပြီးမှ၊ ခေါင်းစားခံပြီးမှ စသည်ဖြင့် ပုံစံမျိုးစုံနဲ့ ရင်းနှီးပြီးမှ Data File ဆိုတာဟာ ထားသိုတဲ့ အဆင့်ကို ရောက်တာဖြစ်ပါတယ်၊ ထားသိုထားတဲ့ နေရာကနေ အဲဒီ Data File (သို့) Data Fileတွေ ပျောက်ပျက် ဆုံးရှုံးသွားတာဟာ Data File ပျောက်သွားကာမျှ မဟုတ်ဘဲ ရှေ့ကပြောတဲ့ ရင်းနှီးထားတာတွေ အားလုံးပါ ဆုံးရှုံးသွားတာပါ၊ ဆိုတော့ကာ ဒီလိုမျိုး တန်ဖိုးရှိတဲ့ Data File တွေကို ထားသိုတဲ့ ကိစ္စဟာ အလေးအနက်ထားရမဲ့ ကိစ္စပါ၊ ဒါဆိုရင် မပျောက်ပျက်ဖို့ရာအတွက်သေချာအောင် ဘယ်လိုနည်းလမ်းတွေရှိလဲလို့မေးရင် အများစုက hardware device တွေကိုပဲ ပြေးမြင်တတ်ကြပါတယ် Hard disk, Memory stick, SD card, စသည်ဖြင့်ပေါ့ အခုနောက်ပိုင်းတော့ One drive, Google drive ပေါ့ အဲဒါတွေက device တွေပါ၊ ဒါတွေထက် ပိုအရေးကြီးတာက strategy ပါ၊ လွယ်လဲလွယ်၊ ချက်ချင်းလည်း လိုက်လုပ်လို့ရတဲ့ strategy က 3-2-1 backup strategy လို့ခေါ်ပါတယ် အကောင်းဆုံး Data file ကာကွယ်တဲ့ နည်းလမ်းပါ၊ ခေတ်တွေဘယ်လို ပြောင်းသည်ဖြစ်စေ အခုထိ သုံးနေရတဲ့နည်းလမ်းပါ၊
3 ဆိုတာက ကိုယ့်ရဲ့ Data File ဟာ 3 နေရာရှိရမယ်၊ 2 ဆိုတာက Backup 2 နေရာမှာ ရှိရမယ်၊ 1 ဆိုတာက လက်ရှိလုပ်နေတဲ့ စက်ထဲမှာ 1 ခုရှိရမယ်လို့ ဆိုလိုတာပါ၊ ဒါဟာ အခြေခံကျပြီး အလုပ်ဖြစ်တဲ့ strategy ဖြစ်ပါတယ်။ ကိုယ်သုံးမဲ့ Device တွေကတော့ စိတ်ကြိုက်ပြောင်းလဲလို့ရပါတယ်။ Data များဆုံးရှုံးခြင်းမှ ကင်းဝေးကြပါစေ။
P.S. မပြောကောင်း မဆိုကောင်း Data Lost ဖြစ်ပြီဆိုရင်တော့ ဘာမှ ထပ်မလုပ်ဘဲ ကျွန်တော့ဆီကို ဖုန်းဆက်ပြီး အကြံတောင်းနိုင်ပါတယ်။ 09 26 040 26 13 ပါ။ တိုင်ပင်လို့ရပါတယ်ခင်ဗျား။
