COREX

26/10/2026

Солана (Solana) блокчейн сүлжээний өдөр тутмын болон 30 хоногийн нийт шимтгэлийн орлого түүхэндээ анх удаа ухаалаг гэрээний зах зээлийн хаан гэгддэг Этэриум (Ethereum) сүлжээнээс давлаа. Сүүлийн нэг сарын хугацаанд Солана сүлжээ 23.58 сая ам.долларын шимтгэл цуглуулж, Этэриумын 12.04 сая ам.долларын орлогыг бараг хоёр дахин нугалсан амжилт үзүүлсэн байна. Энэхүү түүхэн эргэлт нь Соланагийн экосистемийн хэрэглээ болон жижиг хөрөнгө оруулагчдын дундах идэвхжил туйлын өндөр түвшинд хүрснийг гэрчилж байгаа юм.

Солана (Solana) блокчейн сүлжээний өдөр тутмын болон 30 хоногийн нийт шимтгэлийн орлого түүхэндээ анх удаа ухаалаг гэрээний зах зээлийн хаан гэгддэг Этэриум (Ethereum) сүл....

22/10/2026

Тайвань улс Азийн крипто зах зээлд тэргүүлэгч Сингапур, Япон, Хонконг зэрэг улсуудын араас дижитал хөрөнгийн албан ёсны бөгөөд зохицуулалттай хаб болох түүхэн алхмаа хийж, крипто салбарыг зохицуулах бие даасан хууль болох "Виртуал хөрөнгийн үйлчилгээний тухай хууль" (Virtual Asset Service Act)-ийг эцэслэн баталлаа. Санхүүгийн зохицуулах хорооны бүрэн хяналт дор 2027 оны эхний улирлаас хэрэгжиж эхлэх уг шинэ хуулиар крипто компаниуд зөвхөн мөнгө угаахын эсрэг бүртгэл хийлгэдэг байсныг зогсоож, 7 өөр ангиллын дагуу тусгай зөвшөөрөл авдаг болох хатуу тогтолцоо руу шилжиж байна.
Энэхүү хуулийн гол онцлог нь стэблкойн гаргагчдад хамаарах заалтууд нь Азидаа хамгийн хатууд тооцогдож байна. Тухайлбал стэблкойн гаргагч нь хөрөнгөө баталгаажуулах нөөцийг 100% дотоодын санхүүгийн байгууллагуудад итгэмжлэн хадгалуулах (trustee) үүрэг хүлээж байна. Хэрэв тусгай зөвшөөрөлгүйгээр крипто бирж ажиллуулах эсвэл стэблкоин гаргавал 7 хүртэлх жилээр хорих ял ногдуулж, 3.1 сая хүртэлх ам.доллароор торгох маш чанга эрүүгийн хариуцлагыг хуульчилж өгчээ. Олон улсын шинжээчдийн үзэж буйгаар тус хуульд уламжлалт банкууд крипто үйлчилгээ эрхлэх эрхийг нээж өгсөн нь Тайванийг дижитал хөрөнгийн салбарт дэлхийн хэмжээнд хүлээн зөвшөөрөгдсөн найдвартай, хууль ёсны төв болоход гол түлхэц болно гэж дүгнэж байна.

21/10/2026

АНУ-ын хамгийн том крипто бирж болох Coinbase Global, Inc. 2026 оны аравдугаар сарын 29-ний Пүрэв гарагт, АНУ-ын хөрөнгийн зах зээл хаагдсаны дараа гуравдугаар улирлын санхүүгийн тайлангаа албан ёсоор нийтлэхээ албан ёсны цахим хуудсаараа дамжуулан зарлалаа. Тайлан гарсан даруйд тус компанийн удирдлагууд Номхон далайн цагаар 14:00 цагт X платформ дээр шууд дамжуулалт хийж, хөрөнгө оруулагчдын асуултад хариулах бөгөөд уг арга хэмжээг YouTube сувгаараа зэрэг дамжуулахаар товложээ.
Санхүүгийн шинжээчид энэ улиралд тус компанийн нэг хувьцаанд ногдох ашгийг (EPS) ойролцоогоор - 0.19 ам.доллар орчим болж, өмнөх улирлын алдагдал болох -0.40 ам.доллараас багасна гэж таамаглаж байна.
Энэхүү тайлан нь крипто зах зээлийн өнөөгийн эрүүл мэндийг тодорхойлох чухал үзүүлэлт болох бөгөөд хөрөнгө оруулагчид Coinbase-ийн олон улсын зах зээл дэх тэлэлтийг голлон анхаарч байна. Тус компани саяхан Их Британид хөрөнгө оруулалтын тусгай зөвшөөрлийг авснаар Европын хэрэглэгчдэд криптогоос гадна уламжлалт хувьцаа болон дериватив арилжааг нэг дороос хийх боломжийг олгож, "бүхнийг багтаасан бирж" болох алхмаа эрчтэй үргэлжлүүлж байгаа юм. Зах зээлийн идэвхжил суларч, өмнөх улирлуудад орлого нь дараалан буураад байсан тул олон улсад чиглэсэн тэлэлт болон шинэ үйлчилгээнүүд нь гуравдугаар улирлын орлогыг эргэн сэргээж чадсан эсэх нь энэхүү тайлангаар тодорхой болно.

21/10/2026

Корэкс биржийн харилцагч та цахим залилангаас сэргийлэн дараах сувгуудаар бидэнтэй холбогдоно уу.

🎧 Харилцагчийн үйлчилгээ: 7600-8822

20/10/2026

Германы хамгийн том банк болох Deutsche Bank дижитал хөрөнгийн зах зээл рүү нэвтэрч буй энэхүү алхам нь тус банкны байгууллагын банкны салбарыг 2028 он гэхэд жил бүр тогтмол 8%-ийн өсөлттэй байлгах урт хугацааны стратегийн нэг хэсэг юм. Тус банк 2026 оны сүүлчээр хамгийн анхны дижитал хөрөнгө хадгалах (custody) үйлчилгээгээ Герман улсад албан ёсоор нээхээр бэлтгэж байна. Эрх бүхий байгууллагуудын зөвшөөрлийг авсны дараа тус банк ирэх 2027 онд уг платформоо Сингапур, Хонконг зэрэг Азийн санхүүгийн гол төвүүд рүү өргөжүүлэн нэвтрүүлэхээр төлөвлөж байгаа аж.

Германы хамгийн том банк болох Deutsche Bank дижитал хөрөнгийн зах зээл рүү нэвтэрч буй энэхүү алхам нь тус банкны байгууллагын банкны салбарыг 2028 он гэхэд жил бүр тогтм....

19/10/2026

Төлбөр тооцооны компани болох Visa нь туршилтын шатанд байсан стэйблкойныг арилжааны гүйлгээнд нэвтрүүлэх төслөө албан ёсоор бодит бизнес рүү шилжүүлж, Visa Direct payout сүлжээгээр дамжуулан олон улсын хил дамнасан төлбөр тооцоог USDC стэйблкойноор "урьдчилан санхүүжүүлэх" (prefunding) шийдлийг зах зээлд гаргалаа. Энэхүү шинэчлэлийн анхны түншээр финтек дэд бүтцийн Inyo Global компани ажиллаж байгаа бөгөөд дэлхийн 180 гаруй орныг хамарсан төлбөрийн сүлжээндээ уг технологийг нэвтрүүлсэн байна. Уламжлалт хил дамнасан шилжүүлэг хийхийн тулд компаниуд хүлээн авагч улс бүрийн валютаар мөнгөө урьдчилан байршуулж, банкны ажлын цагийг хүлээж олон хоногоор хөрөнгөө түгждэг байсан бол одоо USDC коины ачаар 24/7 хугацаанд, хэдхэн секундын дотор төлбөрөө гүйцэтгэх боломжтой болжээ.
Энэхүү алхам нь Visa сүлжээний хувьд криптог зөвхөн туршилтын журмаар ашиглахаа больж, дэлхийн санхүүгийн үндсэн дэд бүтэц болгон ажиллуулж эхэлсний том баталгаа юм. Компаниуд өөрсдийн ашигладаг ердийн Inyo API холболтоо өөрчлөх шаардлагагүйгээр цаана нь блокчэйн технологи уян хатан ажиллаж, гүйлгээг шуурхай гүйцэтгэж байна. Visa одоогийн байдлаар стэйблкойнтой холбоотой картын тооцооны жилийн хэмжээг 20 тэрбум ам.долларт хүргэж, өмнөх оныхоос 15 дахин өсгөсөн бөгөөд 160 гаруй картын бүтээгдэхүүнийг стэйблкойнтой холбоод байгаа нь зах зээлд USDC-ийн хэрэглээ, эргэлтийг асар хурдтайгаар тэлж байна.

15/10/2026

JPMorgan банкны тооцоолсноор 2026 он гарснаас хойш криптовалютын зах зээлд ойролцоогоор 50 тэрбум ам.долларын хөрөнгө шинээр орсон байна. Хөрөнгийн урсгал сүүлийн саруудад эрчимжиж, жилийн дүнгээр тооцсон хөрөнгө оруулалтын хурд 66 тэрбум ам.долларт хүрчээ. Энэ нь тавдугаар сард бүртгэгдсэн 52 тэрбум ам.долларын үзүүлэлтээс өссөн дүн юм. Гэсэн хэдий ч уг үзүүлэлт өнгөрсөн оны хөрөнгийн урсгалын хурдаас ойролцоогоор 50 хувиар бага хэвээр байна.

Арилжаа хийх холбоос: https://www.corex.mn/trading/btcusdt

13/10/2026

АНУ-ын Түүхий эд, фьючерсийн арилжааны комисс (CFTC) жижиг хөрөнгө оруулагчдад зориулсан хөшүүрэгтэй крипто арилжааг зохицуулах холбооны буюу улс орон даяар мөрдөх шинэ журмын төслийг албан ёсоор танилцууллаа.

12/10/2026

Геополитикийн хямрал ба Биткойны ханшийн уналт
Ойрхи Дорнодод үүссэн геополитикийн тогтворгүй байдлаас шалтгаалан дэлхийн зах зээлд газрын тосны үнэ (WTI) баррель нь 93 ам.долларт хүрч өссөн нь крипто зэрэг эрсдэлтэй хөрөнгө оруулалтын хэрэгслүүдээс хөрөнгө гадагшлах урсгалыг өдөөв.
Үүний улмаас биткойны ханш сүүлийн гурван долоо хоногийн хамгийн доод түвшин буюу 80,400 ам.доллар болж буурсан бол этериум 9 хувиар унаж, 2,430 ам.долларт хүрчээ. Ханшийн энэхүү огцом уналтын улмаас 547 сая гаруй ам.долларын хөшүүрэгтэй (leveraged) арилжаа шатсан (liquidated) байна.
Энэ долоо хоногт үргэлжилсэн үнийн уналт болж биткойны аравдугаар сард өсөөд байсан өсөлтийг давжээ.
Ирэх аравдугаар сарын 14-ний өдөр зарлагдах АНУ-ын хэрэглээний үнийн индекс (CPI)-ийн мэдээнээс өмнө биткойны үнэ 81,300-аас 86,500 ам.долларын хооронд тогтворжих (consolidation) хандлагатай байгаа тухай арилжааны Bitfinex платформ үзэж байгаа бөгөөд одоогийн 81,300 ам.долларын түвшин нь цаашид ханш унах уу, үгүй юу гэдгийг шийдэх хамгийн чухал цэг болоод байгааг анхаарууллаа.

12/10/2026

Олон улсын крипто салбарын ажлын байрны CryptoJobsList платформын мэдээллээр 2026 оны 9-р сард салбарт нийт 1,241 ажлын байрны зар нийтлэгджээ. Энэ нь 7-р сарын 382 зарын тооноос даруй 3 дахин их юм. 2026 оны эхний хагаст салбарын ажлын байрны зах зээл харьцангуй тайван байсан бол одоо сэргэж эхэлснийг энэ өсөлт харуулж байна.

Ажлын байрны эрэлт санхүү, инженерчлэл, арилжааны чиглэлд хамгийн өндөр байв. Мөн стейблкойн, хиймэл оюун ухаан, кибер аюулгүй байдал, комплаенсийн чиглэлийн мэргэжилтнүүдийн эрэлт өндөр байгаа нь ажиглагдсан.

Харин ажилд орох хүсэлтийн тоо эсрэгээрээ буурчээ. 7-р сард 25,700 хүсэлт ирсэн бол 9-р сард 20,000-д хүрээгүй байна. Ажил олгогчид блокчейн сүлжээнүүдээс Bitcoin-ий талаар мэдлэг, туршлагатай хүнийг хамгийн их хайж байсан бол дараагийн байруудад Ethereum, Solana-гийн мэргэжилтнүүд орж байна.

Компаниуд ажилтан авах нь нэмэгдэж байхад ажилд орох хүсэлт цөөрч байгаа тул крипто чиглэлийн нарийн мэргэжлийн боловсон хүчний төлөөх өрсөлдөөн цаашид ширүүсэх төлөвтэй байна.