05/02/2025
🌲Мод тарих – Монгол орны ирээдүйд оруулах хувь нэмэр 🌲
Монгол Улс өргөн уудам нутагтай ч сүүлийн жилүүдэд цөлжилт, ой модны хомсдол эрчимтэй нэмэгдэж байна. Судалгаагаар манай орны нийт газар нутгийн 78 хувь нь ямар нэгэн хэмжээгээр цөлжилтөд өртсөн бөгөөд үүний гол шалтгаан нь ой мод тайрах, уур амьсгалын өөрчлөлт, бэлчээрийн талхагдал юм. Энэ нөхцөл байдлыг өөрчлөхийн тулд бид бүгд мод тарихад анхаарах хэрэгтэй. 🌳
Мод нь хөрсийг бэхжүүлж, салхи, шороон шуургыг багасгахаас гадна уур амьсгалын зохицуулалтад чухал нөлөөтэй. Жил бүр Монгол Улсын хэмжээнд “Тэрбум мод” үндэсний хөдөлгөөн өрнөж, олон мянган хүн мод тарих аянд нэгдэж байна. Энэ бол байгалиа хамгаалах, эх орноо цөлжилтөөс аврах хамгийн үр дүнтэй арга юм. 💡
Бид гэрийнхээ хашаанд, орчин тойрондоо, сургууль, ажлын байрны ойролцоо мод тарьж, ургуулах соёлыг хэвшүүлэх хэрэгтэй. Өнөөдөр суулгасан мод маань ирээдүйд Монгол орны байгалийг хамгаалах томоохон хөрөнгө оруулалт болох болно. Ирээдүй хойч үедээ ногоон эх орныг өвлүүлэн үлдээхийн төлөө хүн бүр мод тарих үйлсэд нэгдэцгээе! ☺️
#модтарих #мод #хотонцэцэг
