16/07/2026
🇳🇴 Ei helsing til Ørjan Nyland – frå Vy Buss og Furene ❤️
Ørjan,
Sjølv om VM-eventyret no er over, sit vi igjen med noko mykje større enn berre resultata.
Du og resten av landslaget har gitt oss ei reise vi aldri kjem til å gløyme. De har skapt glede, stoltheit og eit samhald i landet som har vore utruleg sterkt, varmt og godt å få vere ein del av.
Som lokal gut frå Morkabygda har det vore ekstra stas å følgje deg og dei fantastiske prestasjonane de har levert. Difor laga vi dette flagget, som ei lita helsing og ein takk for alle augneblinka de har gitt oss.
At faren din har vore ein del av Vy-familien, gjer det ekstra kjekt for oss å sende denne helsinga saman.
Takk for innsatsen, Ørjan og takk til heile landslaget. De har samla landet og skapt noko som vil bli hugsa lenge.
Vi ønskjer deg alt det beste vidare. Vi gler oss til å følgje det neste kapittelet i karrieren din.
Varme helsingar frå alle oss i Vy og Furene. 🇳🇴👏
