Dnews Tv

21/05/2026

🚨 ठेक्कामा सेटिङ नमिले कर्मचारीको ‘गाला पड्काउने’ सिद्धलेकका अध्यक्षको धम्की!
धादिङको सिद्धलेक गाउँपालिकाका अध्यक्ष परशुराम खतिवडाको १ मिनेट ३६ सेकेण्ड लामो आपत्तिजनक भिडियो सार्वजनिक भएको छ । भिडियोमा अध्यक्ष खतिवडाले सार्वजनिक खरिद ऐन र प्रशासनिक प्रक्रियालाई चुनौती दिँदै आफूले भनेको मान्छेलाई ठेक्का नदिए प्रमुख प्रशासकीय अधिकृत र प्राविधिक कर्मचारीको "गाला चड्काइदिने" र "झोला बोकाएर घर पठाइदिने" (सरुवा गरिदिने) धम्की दिएका छन् ।

⚠️ भिडियोले खोलेको प्रशासनिक रहस्य:
कर्मचारीमाथि त्रास: सिद्धलेकमा छोटो-छोटो समयमै प्रमुख प्रशासकीय अधिकृत र लेखा अधिकृत सरुवा हुनुको रहस्य यस भिडियोले खोलेको छ ।
प्रेस स्वतन्त्रतामाथि प्रहार: समाचार लेखेकै झोकमा यसअघि धादिङ न्यूजका प्रधानसम्पादक केशव अधिकारी ,वागमती कलमका सम्पादक अनिल नेपाली र नेपाल पत्रकार महासंघ धादिङका अध्यक्ष सीताराम अधिकारीविरुद्ध प्रेस काउन्सिलमा झुठो उजुरी समेत दिएका थिए ।

विगतमा पनि गालीगलौजको भिडियो सार्वजनिक हुँदा पन्छिएका अध्यक्षले यसपटक "एआई (AI) निर्मित भिडियो" भन्दै भ्रम छर्न सक्ने स्थानीयको अनुमान छ । पदको दुरुपयोग गरी कर्मचारी तर्साउने र ठेक्कामा सेटिङ गर्ने यस्ता जनप्रतिनिधिमाथि अख्तियारले तत्काल छानबिन गरोस् !

👇 अध्यक्ष खतिवडाले कर्मचारीलाई धम्क्याएको पूरा भिडियो र विस्तृत समाचार तलको पहिलो कमेन्ट (First Comment) को लिंकमा हेर्नुहोस् ।