28/07/2026
केन्द्रीय सुरक्षा समिति बैठक- गृहमन्त्री कुरै नसुन्ने मुडमा ! 😮सुनसरीको कप्तानगञ्जमा आइतबार भएको हिन्दू–मुस्लिम झ'डपपछि उत्पन्न सुरक्षा अवस्थाबारे छलफल गर्न सोमबार सिंहदरबारमा केन्द्रीय सुरक्षा समितिको बैठक बस्यो। बैठकको अध्यक्षता गृहमन्त्री सुधन गुरुङले गरेका थिए।
बैठकमा सहभागी स्रोतका अनुसार सुरक्षा निकायका प्रमुखहरूले घट'नाको कारण, सम्भावित जो'खिम र समाधानका उपायबारे विस्तृत जानकारी दिएका थिए। तर गृहमन्त्री गुरुङ सुरक्षा अधिकारीहरूको प्रस्तुति र सुझावप्रति खासै सकारात्मक नदेखिएको स्रोतको दाबी छ।
स्रोतका अनुसार गृहमन्त्रीले प्रहरी र सशस्त्र प्रहरीमाथि ला'परबाही भएको भन्दै असन्तुष्टि व्यक्त गरेका थिए। यस क्रममा उनी सुरक्षा निकायका प्रमुखहरूले उठाएका दीर्घकालीन सुरक्षा चुनौतीका विषयमा भने कम चासो देखिएको बताइएको छ।
प्रहरी महानिरीक्षक दानबहादुर कार्कीले केही दिनअघि संसदीय समितिमा रोहिंग्या शरणार्थीको अ'वैध प्रवेशले सुरक्षा चुनौती बढिरहेको बताएका थिए। सोही विषयलाई उनले सुरक्षा समितिको बैठकमा पनि उठाएका थिए। तर उक्त विषयमा गृहमन्त्रीले पर्याप्त ध्यान नदिएको भनाइ छ।
बैठकमा प्रहरी, सशस्त्र प्रहरी र राष्ट्रिय अनुसन्धान विभागका प्रमुखहरूले सुनसरीदेखि नेपालगञ्जसम्म यस्ता साम्प्रदायिक त'नाव भविष्यमा पनि दोहोरिन सक्ने भन्दै यसको मूल कारण पहिचान गरी दीर्घकालीन समाधान खोज्नुपर्ने आवश्यकता औँल्याएका थिए। नेपालगञ्जमा विगतमा पटक पटक हिन्दू–मुस्लिम त'नाव र झ'डपका घ'टना भएको तथा तराईका अन्य जिल्लामा पनि यस्तै संवेदनशील अवस्था रहेको उनीहरूको निष्कर्ष थियो।
सुरक्षा निकायहरूले यस्ता चुनौतीबारे विगतदेखि नै विभिन्न अनुसन्धान प्रतिवेदन र सुझाव मन्त्रालयलाई उपलब्ध गराउँदै आएको जानकारी पनि बैठकमा गराइएको थियो।
यसैबीच, प्रहरीका पूर्वडीआईजी हेमन्त मल्लले घ'टनापछि गरिएका केही प्रशासनिक निर्णयमाथि प्रश्न उठाएका छन्। उनले घ'टनाको कारण र समाधानमा केन्द्रित हुनुपर्नेमा सुरक्षा निकायप्रति प्रतिशो'धपूर्ण व्यवहार देखिएको टिप्पणी गरेका छन्। मल्लले सुरक्षा चुनौतीहरूको दीर्घकालीन समाधानका लागि स्थानीय प्रशासन, सुरक्षा निकाय र समुदायबीच प्रभावकारी समन्वय आवश्यक रहेको बताएका छन्।
