https://whatsapp.com/channel/0029VbCUcncInlqWzbp47H17

5G in Pakistan, Lahore (2026)

03/09/2026

زونگ نے متعدد ہفتہ وار بنڈلز کی قیمتوں میں اضافہ کردیا ہے۔ 10 سے 30 روپے تک کے اضافے شاید بظاہر معمولی لگیں، لیکن مسلسل بڑھتی قیمتیں عام صارف کے ماہانہ موبائل خرچ پر واضح اثر ڈالتی ہیں۔
صارفین کا اصل سوال یہی ہے کہ جب پیکجز کی قیمتیں مسلسل بڑھ رہی ہیں تو کیا اس کے بدلے نیٹ ورک کوریج، انٹرنیٹ سپیڈ اور سروس کے معیار میں بھی اسی تناسب سے بہتری آئے گی؟

02/09/2026

اوپو نے اپنی نئی Reno 16 Series پاکستان میں متعارف کراتے ہوئے Reno 16F 5G اور Reno 16 5G کے پری آرڈرز کا آغاز کر دیا ہے، جبکہ دونوں اسمارٹ فونز کی باقاعدہ ریٹیل سیل 5 ستمبر سے شروع ہونے کا امکان ہے۔ پری آرڈر کرنے والے صارفین کو ایکسٹینڈڈ وارنٹی، اسکرین ڈیمیج کوریج اور 3 ماہ کی مفت Google AI Pro سبسکرپشن بھی فراہم کی جائے گی۔

02/09/2026

اپنی تو جیسے ویسے کٹ جائے گی...
آپ کا کیا ہوگا جنابِ والا؟

پاکستان میں Telenor کی کہانی صرف ایک موبائل نیٹ ورک تک محدود نہیں تھی۔ Telenor نے پاکستان میں ٹیلی کام کے ساتھ ساتھ ڈیجیٹل فنانشل سروسز کے شعبے میں بھی ایک بڑی شناخت بنائی، جس کا سب سے بڑا نام Easypaisa ہے۔

Easypaisa کا آغاز Telenor کے تعاون سے ہوا اور وقت کے ساتھ یہ پاکستان کے سب سے بڑے ڈیجیٹل فنانشل پلیٹ فارمز میں شامل ہوگیا۔

جب Telenor Pakistan کو PTCL Group کو فروخت کیا گیا تو بہت سے لوگوں کا خیال تھا کہ شاید Easypaisa بھی اس ڈیل کا حصہ ہوگا، لیکن ایسا نہیں ہوا۔

Easypaisa کو Telenor Pakistan کی ٹیلی کام ڈیل سے الگ رکھا گیا تھا۔

آج بھی Easypaisa Digital Bank کی ownership structure میں:

🔹 Telenor Group / Telenor Pakistan B.V. — 55% حصص
🔹 Ant Group / Alipay — 45% حصص

یعنی Telenor اب بھی Easypaisa کا controlling shareholder ہے۔

لیکن اب صورتحال مزید دلچسپ ہوگئی ہے۔

رپورٹس کے مطابق Telenor اپنے Easypaisa میں موجود 55 فیصد controlling stake کی فروخت پر غور کر رہا ہے اور اس ممکنہ transaction کے لیے Citigroup کے ساتھ کام کر رہا ہے۔

اگر یہ ڈیل مکمل ہوجاتی ہے تو Telenor کا پاکستان سے تقریباً مکمل exit ہوجائے گا۔

یعنی پہلے Telenor Pakistan گیا...
اور اب اس کی باقی سب سے بڑی پاکستانی investment، Easypaisa بھی ممکنہ طور پر نئے مالک کے پاس جا سکتی ہے۔

بس اسی صورتحال پر یہ کہنا بنتا ہے:

اپنی تو جیسے ویسے کٹ جائے گی...

آپ کا کیا ہوگا جنابِ والا؟

⚠️ اہم وضاحت: Easypaisa کی فروخت ابھی حتمی طور پر مکمل نہیں ہوئی۔ Telenor کی 55% stake کی ممکنہ فروخت پر غور اور مذاکرات کی اطلاعات سامنے آئی ہیں، جبکہ کوئی حتمی transaction officially مکمل ہونے کا اعلان نہیں ہوا۔

02/09/2026

ٹیلی نار کے آخری ایام، یوفون اور ٹیلی نار نیٹ ورک انٹیگریشن کا عمل تیزی سے جاری۔

مختلف علاقوں میں ٹیلی نار اور یوفون کے نیٹ ورک کو مرحلہ وار ایک دوسرے کے ساتھ انٹیگریٹ کیا جا رہا ہے۔ اس عمل کا مقصد دونوں کمپنیوں کے موجودہ انفراسٹرکچر، سپیکٹرم، موبائل ٹاورز، ٹرانسمیشن اور ریڈیو نیٹ ورک کو ایک مربوط نظام کے تحت لانا ہے۔

مکوآنہ، چک نمبر 228 ر۔ب، چک نمبر 202 ر۔ب، چک نمبر 229 ر۔ب، چک نمبر 103 ر۔ب، چک نمبر 104 ر۔ب، چک نمبر 72 ر۔ب، چک نمبر 73 ر۔ب، چک نمبر 65 ر۔ب فخر آباد، ایم-3 انڈسٹریل سٹی، چک جھمرہ، جڑانوالہ، گوجرہ، جھنگ، اسلام آباد کے مختلف جی سیکٹرز، ٹیکسلا اور واہ کینٹ سمیت 50 سے زائد علاقوں میں نیٹ ورک انٹیگریشن اور آپٹیمائزیشن کا عمل جاری ہے۔

تکنیکی طور پر ایک موبائل سائٹ کو مکمل طور پر مرجر یا انٹیگریٹ کرنے میں عموماً کئی مراحل شامل ہوتے ہیں۔ پہلے سائٹ سروے اور پلاننگ کی جاتی ہے، اس کے بعد ٹرانسمیشن اور بیک ہال کی جانچ، ریڈیو پیرامیٹرز کی تبدیلی، سپیکٹرم اور فریکوئنسی پلاننگ، اینٹینا کنفیگریشن، کور نیٹ ورک انٹیگریشن، نیبر سیلز کی سیٹنگ اور آخر میں ڈرائیو ٹیسٹ اور آپٹیمائزیشن کی جاتی ہے۔

عام حالات میں ایک سنگل سائٹ کی فزیکل اور سافٹ ویئر انٹیگریشن 1 سے 3 دن میں مکمل ہو سکتی ہے، جبکہ مکمل ٹیسٹنگ اور نیٹ ورک آپٹیمائزیشن کے ساتھ ایک سائٹ کو مکمل طور پر مستحکم کرنے میں تقریباً 3 سے 7 دن لگ سکتے ہیں۔ پیچیدہ سائٹس، ٹرانسمیشن تبدیلی، نئے آلات کی تنصیب یا زیادہ ٹریفک والے علاقوں میں یہ وقت مزید بڑھ سکتا ہے۔

انٹیگریشن کے دوران صارفین کو عارضی طور پر سگنلز میں تبدیلی، ہینڈ اوور کے مسائل یا انٹرنیٹ سپیڈ میں اتار چڑھاؤ محسوس ہو سکتا ہے، تاہم آپٹیمائزیشن مکمل ہونے کے بعد کوریج، ڈیٹا کیپسٹی، انٹرنیٹ سپیڈ اور نیٹ ورک اسٹیبلٹی میں بہتری آنے کی توقع ہوتی ہے۔

واضح رہے کہ 50 سے زائد علاقوں میں بیک وقت کام ہونے کی وجہ سے مختلف سائٹس پر انٹیگریشن کے مراحل اور مکمل ہونے کا وقت مختلف ہو سکتا ہے۔ نیٹ ورک مرجر صرف ٹاورز کو ایک نام کے تحت لانے کا عمل نہیں بلکہ ایک انتہائی پیچیدہ تکنیکی عمل ہے جس میں ہزاروں نیٹ ورک پیرامیٹرز، سپیکٹرم، ریڈیو، ٹرانسمیشن اور کور نیٹ ورک کو مرحلہ وار یکجا کیا جاتا ہے۔

02/09/2026

ضلع سجاول کے 144 دیہات میں موبائل اور ہائی اسپیڈ انٹرنیٹ کی توسیع کا منصوبہ
سندھ کے ضلع سجاول کے دور دراز، غیر سروس یافتہ اور کم سہولت والے علاقوں میں موبائل اور ہائی اسپیڈ براڈبینڈ انٹرنیٹ کی فراہمی کے لیے اہم منصوبہ شروع کر دیا گیا ہے۔
NG-BSD Sujawal Lot منصوبے کے تحت ضلع سجاول کے مجموعی طور پر 144 دیہات/مواِضع (Mauzas) کو جدید ٹیلی کام سہولیات فراہم کی جائیں گی۔
منصوبے کے تحت کیا سہولیات فراہم ہوں گی؟
📍 144 دیہات اور علاقوں کی کوریج
📶 موبائل وائس سروس کی فراہمی
🌐 ہائی اسپیڈ براڈبینڈ انٹرنیٹ تک رسائی
📡 غیر سروس یافتہ اور کم کوریج والے علاقوں میں نیٹ ورک کی توسیع
یہ منصوبہ خاص طور پر ان دیہی اور دور دراز علاقوں کے لیے اہم ہے جہاں اب تک معیاری ٹیلی کام اور تیز رفتار انٹرنیٹ کی سہولیات محدود یا دستیاب نہیں تھیں۔
اس منصوبے کے لیے PTML (Ufone) اور یونیورسل سروس فنڈ (USF) کے درمیان 20 مئی 2026 کو معاہدہ طے پایا۔
اس منصوبے کے مکمل ہونے سے ضلع سجاول کے 144 دیہات میں رہنے والی آبادی کو ڈیجیٹل رابطوں، آن لائن تعلیم، کاروبار اور جدید انٹرنیٹ سہولیات تک بہتر رسائی حاصل ہونے کی توقع ہے۔
اہم بات: منصوبے کا بنیادی مقصد ضلع سجاول کے Unserved اور Underserved علاقوں میں ٹیلی کام انفراسٹرکچر اور براڈبینڈ کوریج کو وسعت دینا ہے۔

02/09/2026

خبردار! صرف پیمنٹ کے اسکرین شاٹ پر یقین کرنا آپ کو مالی نقصان پہنچا سکتا ہے۔
آج کل مختلف سافٹ ویئر اور ایڈیٹنگ ٹولز کے ذریعے جعلی یا تبدیل شدہ پیمنٹ اسکرین شاٹس تیار کیے جا سکتے ہیں۔ بعض افراد دکاندار یا ریٹیلر کو پیمنٹ کا اسکرین شاٹ دکھا کر یہ تاثر دیتے ہیں کہ رقم ٹرانسفر ہو چکی ہے، جبکہ حقیقت میں متعلقہ اکاؤنٹ میں کوئی رقم وصول نہیں ہوئی ہوتی۔
اگر آپ صرف اسکرین شاٹ دیکھ کر سامان دے دیتے ہیں تو نقصان براہِ راست آپ کا ہوگا۔
محفوظ رہنے کے لیے:
• کسی بھی Payment Screenshot کو حتمی ثبوت نہ سمجھیں۔
• متعلقہ بینک یا والٹ ایپ کی Transaction History ضرور چیک کریں۔
• اپنے اکاؤنٹ میں رقم موصول ہونے کی تصدیق کریں۔
• صرف SMS یا Screenshot کی بنیاد پر سامان حوالے نہ کریں۔
• جلد بازی یا گاہک کے دباؤ میں آکر Transaction Confirm نہ کریں۔
ایک جعلی اسکرین شاٹ چند سیکنڈ میں تیار ہوسکتا ہے، لیکن آپ کی محنت کی کمائی چند لمحوں میں ضائع ہوسکتی ہے۔
یاد رکھیں: Screenshot نہیں، اپنی App یا Account Transaction History پر یقین کریں۔
اپنے اردگرد تمام دکانداروں، ریٹیلرز اور کاروباری افراد تک یہ پیغام ضرور پہنچائیں تاکہ کوئی مالی فراڈ کا شکار نہ ہو۔

02/09/2026

آخر کب تک صرف مطالبے، اجلاس اور سفارشات چلتی رہیں گی؟

ایک بار پھر سینیٹ کی متعلقہ کمیٹی نے درآمدی موبائل فونز پر عائد بھاری ٹیکسوں میں کمی کا مطالبہ کیا ہے، لیکن سوال یہ ہے کہ ان مطالبات پر عملی اقدامات کب ہوں گے؟

گزشتہ کئی ماہ سے پارلیمنٹ، سینیٹ کمیٹیوں اور مختلف فورمز پر موبائل فونز پر عائد بھاری ٹیکسوں کے خلاف آواز اٹھائی جا رہی ہے، مگر عملی صورتحال اب بھی صفر ہے۔ عوام آج بھی ایک موبائل فون خریدنے پر بھاری کسٹمز ڈیوٹی، سیلز ٹیکس اور دیگر ٹیکسز ادا کرنے پر مجبور ہیں۔

بجٹ میں حکومت کی جانب سے اعلان کیا گیا تھا کہ صارفین PTA ٹیکس اقساط میں ادا کر سکیں گے تاکہ مہنگے موبائل فونز کو رجسٹر کروانا عام صارفین کے لیے آسان ہو سکے۔ لیکن اعلان کے باوجود کئی ماہ گزرنے کے بعد بھی اس پر عملی طور پر عملدرآمد نہیں ہوسکا۔

پاکستان میں ڈیجیٹلائزیشن، آئی ٹی سیکٹر، فری لانسرز، ای کامرس اور 5G کے فروغ کی بات تو کی جاتی ہے، لیکن دوسری طرف موبائل فونز کو عام صارف کی پہنچ سے دور کیا جا رہا ہے۔

موبائل فون اب کوئی لگژری چیز نہیں بلکہ تعلیم، روزگار، کاروبار، بینکنگ اور ڈیجیٹل دنیا تک رسائی کا بنیادی ذریعہ بن چکا ہے۔

صارفین کا مطالبہ صرف اتنا ہے:

اعلانات نہیں، عملی اقدامات کیے جائیں۔

موبائل فونز پر غیر ضروری اور بھاری ٹیکسز کم کیے جائیں۔

PTA
ٹیکس اقساط میں ادا کرنے کے اعلان پر فوری عملدرآمد کیا جائے متعلقہ ادارے اس پر عملی طور پر کام کریں۔

اگر حکومت واقعی ڈیجیٹل پاکستان، آئی ٹی ایکسپورٹس اور 5G کے مستقبل میں سنجیدہ ہے تو سب سے پہلے عام پاکستانی کے ہاتھ میں جدید اور قابلِ استطاعت موبائل فون پہنچانا ہوگا۔

کیونکہ صرف کمیٹیوں کے مطالبوں اور حکومتی اعلانات سے ڈیجیٹل پاکستان نہیں بنے گا۔

آپ کیا سمجھتے ہیں؟ کیا موبائل فونز پر عائد ٹیکسوں میں فوری کمی ہونی چاہیے؟

02/09/2026

اپنے Android موبائل میں AdGuard Private DNS لگانے کا طریقہ:

1️⃣ موبائل کی Settings کھولیں۔

2️⃣ Network & Internet یا Connections
کے آپشن میں جائیں۔
(مختلف موبائل برانڈز میں نام مختلف ہوسکتا ہے)

3️⃣ وہاں Private DNS سرچ کریں۔
اگر آپشن نظر نہ آئے تو Settings کے Search Bar میں "Private DNS" لکھ کر تلاش کریں۔

4️⃣ Private DNS Provider Hostname منتخب کریں۔

5️⃣ نیچے دیا گیا DNS لکھیں:

https://Dns.adguard.com

6️⃣ Save پر کلک کریں۔

اس کے بعد آپ کے موبائل میں Apps اور Browsing کے دوران آنے والے بہت سے فضول اشتہارات بلاک ہوسکتے ہیں۔

اہم بات:
بعض موبائلز اور اینڈرائڈ ورژنز میں صرف DNS Hostname درج کرنا ہوتا ہے، اس لیے اگر لنک قبول نہ ہو تو "dns.adguard.com" استعمال کریں۔

نوٹ: یہ طریقہ تمام اشتہارات کو 100 فیصد بلاک نہیں کرتا، اور بعض Apps یا Websites میں اشتہارات پھر بھی ظاہر ہوسکتے ہیں۔

01/09/2026

نیاٹیل نے خاموشی سے اپنے تمام صارفین کے لیے انٹرنیٹ سپیڈ اور بینڈ وڈتھ میں اضافہ کر دیا ہے۔ صارفین نیاٹیل ایپ میں جا کر اپنے اکاؤنٹ کی تفصیلات اور نئے اپڈیٹڈ پلان کو چیک کر سکتے ہیں۔
یہ اضافہ صارفین کو پہلے کے مقابلے میں بہتر انٹرنیٹ اسپیڈ اور زیادہ بینڈ وڈتھ فراہم کرے گا، تاہم ہر صارف کے پلان کے مطابق تفصیلات مختلف ہو سکتی ہیں۔
اپنا نیا پلان اور دستیاب اسپیڈ نیاٹیل ایپ میں ضرور چیک کریں۔

01/09/2026

یکم ستمبر 2026 سے انفینکس کے متعدد اسمارٹ فونز کی قیمتوں میں 3 ہزار سے 10 ہزار روپے تک اضافہ کر دیا گیا ہے۔ بعض ماڈلز کی قیمت چند ہی ماہ میں ایک سے زیادہ مرتبہ بڑھائی جا چکی ہے، جس سے پاکستانی صارف کے لیے نیا موبائل خریدنا مسلسل مشکل ہوتا جا رہا ہے۔
دلچسپ بات یہ ہے کہ مارکیٹ میں ہر بار قیمت بڑھانے کے لیے معیار، فیچرز اور نئی ٹیکنالوجی کو جواز بنایا جاتا ہے، لیکن صارف کا بنیادی سوال اپنی جگہ موجود ہے: کیا صرف قیمتیں بڑھنے سے موبائل کی کوالٹی بھی بہتر ہو رہی ہے؟
اگر یہی صورتحال رہی تو ایسا محسوس ہوتا ہے کہ کوالٹی بڑھے نہ بڑھے، موبائل فونز کی قیمتیں کم ہونے کے بجائے بڑھتی ہی جائیں گی۔
مہنگے موبائل صرف صارف کی جیب پر بوجھ نہیں ڈالتے بلکہ پاکستان میں اسمارٹ فون اور جدید ٹیکنالوجی تک عام صارف کی رسائی بھی محدود کرتے ہیں۔
کیا کمپنیوں کو قیمت بڑھانے کے ساتھ ساتھ صارفین کو بہتر اسپیکس، زیادہ مضبوط کوالٹی اور حقیقی ویلیو بھی فراہم نہیں کرنی چاہیے؟
آپ کے خیال میں انفینکس کے موجودہ موبائلز اپنی نئی قیمتوں کے مقابلے میں واقعی بہتر ویلیو دے رہے ہیں؟

5G in Pakistan

03/09/2026

02/09/2026

02/09/2026

02/09/2026

02/09/2026

02/09/2026

02/09/2026

02/09/2026

01/09/2026

01/09/2026

Address

Website

Alerts

Contact The Business

Shortcuts

Share

Listing takedown request