29/06/2025
လူတွေသိပ်မသိကြတဲ့ အချက်တစ်ခုက KudosBank - Interactive Learning Tools နဲ့ Innovative Education - InnoEd က ဆရာ Winston Phyo ရဲ့ baby လေး ၂ ယောက်ပါပဲ။
ကမောက်ကမဖြစ်နေတဲ့ပညာရေးစနစ်မှာ နိုင်ငံတကာပညာရေးစနစ်တစ်ခုဖြစ်တဲ့ GED နဲ့ နိုင်ငံတကာ တက္ကသိုလ် ပညာရေးစနစ်ကို တက်လှမ်းနိုင်ကြဖို့အတွက် KudosBank ကို ၂၀၂၄ ခုနှစ်မှာ ဆရာတည်ဆောက်ခဲ့တယ်။ အခုဆိုရင် တစ်နှစ်ပြည့်ခဲ့ပါပြီ။
၂၀၂၄ နိုဝင်ဘာလကတည်းကစပြီးတော့ ဆိုးရွားလာခဲ့တဲ့ ဆရာ့ရဲ့ ကျန်းမာရေးအခြေအနေ နဲ့ နောက်ကွယ်က အခက်အခဲအမျိုးမျိုးကြောင့် KudosBank project ကို GED ကျောင်းသူကျောင်းသားတွေ အသုံးတည့်ရုံမျှ (Minimal Viable Product - MVP) တစ်ခုအဖြစ် နဲ့ပဲ ရပ်တန့်ထားလိုက်ရတယ်။
ဒီလိုမျိုး နိုင်ငံတကာအဆင့်မှီ သင်ကြားရေးအတွေ့အကြုံရရှိအောင် KudosBank ကို နောက်ထပ် ဆက်လုပ်ချင်တဲ့ project တွေ၊ လုပ်စရာတွေအတွက် စိတ်ကူးတွေ၊ idea တွေ အများကြီးရှိပေမယ့် ခေတ်ကာလအခက်အခဲတွေကလည်း အကျဘက်ကို ဆွဲချနေကြတာကြောင့် ဒီ project ကို ဆက်ပြီး မလုပ်နိုင်ခဲ့ပါဘူး။
အခု KudosBank - Interactive Learning Tools page မှာလည်း လာမေးကြတယ်။ သုံးမရတော့လို့လာမေးကြတယ်။ ဆရာ့အနေနဲ့ ဝမ်းနည်းဝမ်းသာဖြစ်ရပါတယ်။ ကိုယ့်ကျောင်းက ကလေးတွေအတွက် အဓိက အသုံးပြုပြီး သင်ကြားခဲ့ပေမယ့် public အနေနဲ့ ဖွင့်ထားပြီး လိုတဲ့သူတွေသုံးကြပါစေဆိုတဲ့ စေတနာ စိတ်နဲ့ ဒီတိုင်း ထားပေးခဲ့တယ်။
ရှေ့မှာ ပြောခဲ့တဲ့ အခက်အခဲတွေကြောင့် အထူးတလည် လည်းမကြေငြာဖြစ်သလို ထပ်ပြီးလည်း develop မလုပ်ဖြစ်ခဲ့ဘူး။ ဒီနေ့ google analytics ကနေ ၂၀၂၄ ကနေ ၂၀၂၅ - တစ်နှစ်အတွင်းမှာ ဘယ်နှစ်ယောက်များ သုံးခဲ့လဲဆိုတာကို ဝင်ကြည့်တဲ့အခါ အယောက် ၁ သောင်းကျော် သုံးခဲ့ပြီးတော့ အယောက် ၄ ထောင်ကျော်က ထပ်ခါ ထပ်ခါ ပြန်လာပြီး သုံးခဲ့ကြတာကိုသိရတယ်။ စုစုပေါင်း website ကို ကြည့်ကြတဲ့ view ပေါင်း ၂ သိန်း ခွဲကျော် ဆိုတာ နည်းတဲ့ view မှမဟုတ်ခဲ့ဘဲ။
ဒီ project ရယ် view ၄ သောင်းကျော်နဲ့ ER project (link in comment) ရယ်က အများအကျိုးရှိဖို့အတွက် မြန်မာနိုင်ငံက ကျောင်းသူကျောင်းသားတွေ အထောက်အကူရဖို့အတွက် စေတနာနဲ့ သိန်း ၂၀ ကျော် အိတ်စိုက်ပြီး အပင်ပန်းခံလုပ်ခဲ့တဲ့အမှတ်တရတွေပါ။
ဒီနှစ် ၂၀၂၅ ကနေစပြီးတော့ ကျောင်းသူ ကျောင်းသားတွေအတွက် နိုင်ငံခြားမှာ ပညာသင်ရသလိုခံစားရအောင် interactive learning tools တွေ ဆရာ ပြန်ပြီးရေးဖြစ်ပါမယ်။ အဲဒီ learning tools တွေကိုတော့ InnoEd က ကျောင်းသူကျောင်းသားတွေ အတွက် သီးသန့်ပဲသုံးပါတောမယ်။
KudosBank project ကနေ ကိုယ်တတ်နိုင်သလောက် အများအကျိုးအတွက် တတ်နိုင်တဲ့နေရာကနေ တတ်နိုင်သလောက်လုပ်ခဲ့ပေးနိုင်ခဲ့တဲ့အတွက်လည်း ကျေနပ်ပါတယ်။
Yes, no more kudosbank; and, yes, I am very much saddened. But...
ဒီ post ကို ဖတ်မိတဲ့သူတွေထဲမှာ kudosbank နဲ့ပက်သက်ပြီးတော့ အတွေ့အကြုံကောင်းတွေရခဲ့တဲ့သူတွေ၊ kudosbank ကြောင့် အကျိုးရှိခဲ့တဲ့သူတွေ အမှတ်တရလေးတွေ comment မှာရေးပေးကြဖို့ မေတ္တာရပ်ခံလိုပါတယ်။ comment တွေဖတ်ပြီး ဆရာအနေနဲ့ ပီတိဖြစ်ပါရစေ။
From my hear to yours 💝
Winston Phyo - Chief of InnoEd & Ex-Chief of KudosBank
"If not you, who?
If not now, when?"
