02/14/2026
Aik cheez khoobsurat si, woh cheez jo shayad kuch banna chahti hai, jo talash mein hai apni pehchaan ki. Chaha logon ne ke na mil paye use pehchaan, lekin talash kabhi khatam nahi hoti. Zindagi ka maqsad hi mehnat hota hai har baar, har qadam par aur mazboot ban kar laut aana hi to asal maqsad hai. Koshish karte rehna, haar na maanna.
Log poochte hain ke aakhir kya cheez hai, kaisi cheez hai, kyun hai. Kya zaroori hai ke har cheez aik naam ke saath aaye? Kya log waqai tajassus mein hote hain ya bas us cheez ko jaan kar tor dena chahte hain?
Woh cheez jo khud aik anjaan raste par hai, woh cheez jo chahti hai khud ko pehchana, jaana woh jo kuch bhi ho sakti hai. Shayad pathar ki manind mazboot ho ya kuen ki tarah gehri jahan koi na pohanch paye.
Kya waqai log jaana chahte hain? Ya yeh sirf duniya ka dikhawa hai jahan logon ko apni pehchaan ko naam dena zaroori lagta hai?
Just some thoughts to share :)
Picture source
