Toshkar

Toshkar Toshkar Integrated Solutions

01/11/2016

japan :)

موبايلك تاتش ؟عمره إتخدش منك ؟ناوى تخدشه ؟.الشخص اللى فى الفيديو ده ربنا يزيده من الذكاء و حسن التصرف شوية .. قرر إنه يخ...
07/07/2015

موبايلك تاتش ؟
عمره إتخدش منك ؟
ناوى تخدشه ؟.
الشخص اللى فى الفيديو ده ربنا يزيده من الذكاء و حسن التصرف شوية .. قرر إنه يختبر غلاف الموبايل بتاعه .. فنزل عليه بالشاكوش .. حسبنا الله و نعم الوكيل
بس سيبنا منه شوية .. و تعالوا ندردش عن الغوريلا
مش بتاعت جنينة الحيوانات لا
بتاعت الإزاز
سريعاً أوى .. فى شركة إسمها #كورنينج .. Corning® Gorilla® Glass .. عملت إزاز اللهم ما صلى على النبى حاجة شغل أصلى .. يعنى مابيتكسرش ..
إقرا تفاصيل أكتر بالعربى من هنا : تشكر Aitnews
http://adf.ly/1KNU6k
و لو تعرف ناس إسمهم ميث باسترز MythBusters
حتلاقى فيديو Adam Savage و Jamie Hyneman بيشرحوا الليلة من هنا :
https://www.youtube.com/watch?v=12OSBJwogFc
شوف الكلام ده .. و ما تنساش تحسبن عالواد اللى فى الفيديو ده



#مابيتكسرش
#تشكر

كام مرة فكّرت إنك تاخد #كورسات #تسويق , لكن وقتك ما سمحش ؟؟كام مرة وقتك سمح بكده , لكن جيبك اعترض ;) ؟؟كام مرة قررت تض...
26/03/2015

كام مرة فكّرت إنك تاخد #كورسات #تسويق , لكن وقتك ما سمحش ؟؟
كام مرة وقتك سمح بكده , لكن جيبك اعترض ;) ؟؟
كام مرة قررت تضحى بوقتك و فلوسك , و لكن المكان كان بعيد ؟؟
النهاردة حنقدّم لك الزتونة بإذن الله , فى أكتر من تقدر تطوّر نفسك بيهم فى مجال #التسويق بسهولة شديدة جدا , و انت قاعد فى البيت :) ..

الـ youtube غرقان فيديوهات و كورسات تسويق .. و لكن فيه منها اللى بقى قديم و راحت عليه .. و م الآخر , مش كله يستحق المشاهدة .. :p

احنا بقى جمّعنا لك أقوى 60 ساعة من وجهة نظرنا كخبراء فى المجال , ما بين عباقرة فى التسويق من العرب و الأجانب , و كمان موهوبين فى المجال ده على أرض الواقع , و بشكل إلكترونى , .. كل ده حيكون عندك بإذن الله , بمجرد ما تـ mention فقط 5 من أصدقائك (اللى ممكن يكونوا مهتمين بالقصة دى) , فى comment ع الصورة دى بعون الله .. و احنا حنبعت لك الـ playlist بالكامل فى أقل من 24 ساعة إن شاء الله .. المهم انت ما تكسّلش ;) ..

الجميل بقى إننا بنوعد حضراتكم , بإن خلال أسبوع من دلوقتى , اللى الـ comment بتاعه حياخد أكبر عدد من الـ likes , حيتبعت له هدية مخصوص ع الأكونت بتاعه , فى التسويق برضه , حتغير حياته إن شاء الله ;) .. و ده ممكن ييجى بسهولة , عن طريق إنه يعمل mention لعدد أكبر من أصدقائه ;) .. بإذن الله ..

و برضه بننوّه فى النهاية عن الإيفنت الضخم اللى حيجمع لك 4 ساعات مكثفة فى #دمنهور , يوم الجمعة 10 أبريل , و من خلاله حتعرف أهم 5 أفكار تطبيقية , ممكن تضاعف ربحك فى مشروعك أيا كان مرتين و نصف بإذن الله .. شوف أكتر عن تفاصيل الإيفنت من هنا ..

http://adf.ly/1BvUOz
مع تحيات
Toshkar

يحكى أن باشا من أفخم باشاوات زمان تدحدرت به الأيام .. و ثروته ذهبت مع الرياح و لو تعد بعد ما يأس و الجوع علمه إن الدنيا ...
26/03/2015

يحكى أن باشا من أفخم باشاوات زمان
تدحدرت به الأيام .. و ثروته ذهبت مع الرياح و لو تعد
بعد ما يأس و الجوع علمه إن الدنيا يعنى شغل
نزل إشترى شوية خضرة و قعد على فرشته قدام السوق
و بعلو صوته ينادى
"فجل يا كلاااب ... فجل يا خونة .. الفجل الصابح يا حثااالة " ...
أنا عارف إننا إتكلمنا كتير عن البياعين اليومين اللى فاتوا ... و ناس كتير أصحاب محلات و أصحاب شركات كلمونا عن إن القصة من وجهة نظرهم مختلفة ... و عشان كده إحنا بنوعدهم إن البوستات اللى جاية حتبقى متاخدة من أفواه البياعين و أصحاب المحلات ..أصلنا شركة دعاية و تسويق قبل كل شىء ... لكننا لسة متأكدين إن الشارى هو الأساس و إن الزبون دايماً على حق ..
و عشان كده كنا لازم نتكلم على المحلات اللى لما تدخلها صاحب المحل يجبرك إنك تعيش دور أخينا اللى فى الصورة و يكلمك عن إن الملكة إليزابيث بتاعة بريطانيا بتجيب لبس العيد بتاع عيالها من عنده ... و إن التكتك اللى واقف برة المحل ده شغال ديلفرى فى المعادى و جاردن سيتى و كفر عبده (لو كنت إسكندرانى زينا) بس .
و كل ما تحاول تفهمه إنك مش راكن المرسيدس برة و إن المرتب يدوب يكفى شايك من غير سكر كمان لحد خمستاشر فى الشهر .. يرد عليك إن " يا باشا مقامك عالى .. و إن الشراب اللى ب 75 جنيه جوة الجزمة هو اللى حيورى الناس إنك إبن ناس و يعملك هيبة " . .
طبعاً مافيش مشكلة لو الشراب فعلاً تمنه كده فبلدك و بقيت بلاد العالم .. لكن الفكرة هى إن البياع يحطك فقالب الباشا إبن الباشا ... و بعد كده يدفعك زى ما الباشا إبن الباشا بيدفع .. فدى من أنجح طرق (بس مش أجدعها ) البياع الشاطر و المسوق المحترف كمان .. .
نصيحتنا ليك . . حدد كويس جداً إمكانياتك و ميزانيتك قبل ما تدخل المحلات اللى من النوعية دى ... و ساعة ما تلاقى نفسك إتزنقت يا معلم ... إبقى أطلب لبن العصفور ... بس خالى الدسم .
ماتنساش تعمل لايك لو عايز تعرف أشهر 9 ويندو شوبرز على مستوى العالم ( سون على تشكر ) .. و شير .. لو عايز تلاقى كوبونات تشكر فمحافظتك قريب .
لو عارف هو بين البايع و الشارى إيه ؟ .... يبقى مالوش داعى تشوف الفيديو ده
http://adf.ly/1BneAt
و لو الأديداس بالنسبالك مجرد جزمة و تيشرت ... يبقى ماتكاش على اللينك ده
http://adf.ly/1BnQs1
ولو "أبو شيماء " للملابس الرجالى فهمك إنه هو اللى عمل الجينز الديزل ... يبقى إنت محتاج تضغط هنا :
http://adf.ly/1Bg6nG
ولو عايز تعرف سامسونج بتبيع سكر من إمتى ... يبقى تعالى هنا
http://adf.ly/1Bg7Tr
و الجزء التانى بتاعها هنا
http://adf.ly/1Bg7xG
لو عارف الفرق بين بطاطس التحمير و الصينية بالكامل ... يبقى ما تدخلش هنا
http://adf.ly/1Bg8yY
و أخيراً ... هى الطبة فى المانيجا ؟ .... الإجابة هنا
http://adf.ly/1Bg9p2

لو إنت متابع معانا يبقى عارف إننا جبنا فسيرة سامسونج قبل كده (بكل خير إن شاء الله )و لو مش مصدقنا ... روح شوف بنفسك يا ع...
22/03/2015

لو إنت متابع معانا يبقى عارف إننا جبنا فسيرة سامسونج قبل كده (بكل خير إن شاء الله )
و لو مش مصدقنا ... روح شوف بنفسك يا عم من هنا :
http://adf.ly/1BnYDZ
و لو مكسل تروح .. نقولك عالسريع إن سامسونج إمبراطورية بناها راجل من محل سكر و رز .. لحد ما بقت خُمس إقتصاد كوريا و واحدة من أكبر التشايبولات على مستوى العالم ..
أيوا هو إيه بقى التشايبول ده ولا مؤاخذة ؟
التشايبول بالكورى يعنى تكتل إقتصادى .. يعنى مجموعة شركات ضخمة فمجالات مختلفة تحت غطاء كيان شركة واحدة
يعنى زى ما فمصر مثلاً تلاقى سلسلة محلات "أبو أشرف ".. "أبو أشرف للفول والفلافل ".. "أبو أشرف لعصير القصب ".. "أبو أشرف للملابس الحريمى "... و جنبهم بشوية .. "أشرف لملابس الأطفال " .
سامسونج اللى إحنا عارفينها بقى مش بس بتاعت موبايلات و شاشات إل سى دى
لا
سامسونج اللى بناها فعلاً كان شركة الهندسة المدنى و المقاولات بتاعتها ...
زائد شركة البترو كيماويات بتاعتها برضو .. و الشركتين محققين نجاح ضخم بسم الله ما شاء الله خمسة و خميسة فعين أبل و جوجل . لدرجة إن شركة المقاولات بتاعت سامسونج كانت من ضمن الشركات الضخمة اللى خدت مقاولة برج الخليفة بتاع دبى .

طيب .. أمال إيه موضوع الموبايلات و الإلكترونيات ده بقى ؟
تعالى أما أقولك بقى .. أصل سامسونج زى ما عرفت من البوست اللى فات .. دمهم حامى حبتين .. عمك "بيونج شول لى " .. جه على أواخر الستينات كده .. أيام ما مصر دخلت عصر الشارلستون .. و قالك مابدهاش .. هما كان بقالهم فسامسونج شغالين تجميع تيليفزيونات أبيض و أسود .. على شوية ألوان صغيرين كانوا بيسوقوهم فبنما (دى و إنت داخل على أمريكا الجنوبية و إنت سايب المكسيك كده على لمينك و أمريكا الشمالية فإزاز عربيتك الورانى .. لو رحت هناك بس إسأل على المضيق و هما حيدلوك "مضيق بنما" ) .
المهم الراجل لقى نفسه عمال يشترى من اليابان (سونى أيامها كانت بتتنطط على العالم إن عندهم أجدع سيميكونداكتورز و ترانزستورز ) .. و بيكسب و كل حاجة تمام و القاشية معدن .. بس ماحبش يبقى معتمد على حد .
و بالرغم من إن شركاءه و المستثمرين معاه فسامسونج أيامها إعترضوا على القرار اللى حاقولكوا عليه دلوقتى أهو .. إلا إن الراجل كان باصص لقدام .. لقداااااااام أوى .
عمك "بيونج تشول لى" إشترى "سانيو" .. و أكبر شركة تصنيع إلكترونيات فكوريا .. من فلوسه الشخصية .. مش من فلوس الشركة كمان .. عشان مايغامرش بالشركة اللى بناها و كبرها .. لا .. غامر بفلوسه هو .. و إشترى أكبر مصنع تصنيع إلكترونيات و سيميكونداكتورز فكوريا .. و دخل عصر السيليكون من أصعب أبوابه .. باب التصنيع ..
و هنا كانت المفاجأة ..
مانبقاش شركة تسويق محترمة لو ماوقفناش البوست هنا و قلنالك "تابعنا الحلقة القادمة " .. و زى ما فهمتكوا المرة اللى فاتت .. الفيس بيشيل الناس اللى مش متفاعلة معانا توماتيكى .. تعاطفك لواحده مش كفاية .. إتبرع و لو بلايك ..
و هدفنا المرة دى هو 300 لايك ... عد معانا لحد 300 , و حتلاقينا إن شاء الله نزلنا بالجزء التالت (المفاجأة) .

Address

A-57-00-02-05/1/Flamingo Villas, Ajman
Al Ajman
4422

Opening Hours

Monday 08:00 - 22:00
Tuesday 09:00 - 22:00
Wednesday 09:00 - 22:00
Thursday 08:00 - 22:00
Friday 09:00 - 17:00
Saturday 09:00 - 22:00
Sunday 08:00 - 22:00

Website

Alerts

Be the first to know and let us send you an email when Toshkar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Toshkar:

Shortcuts

Share

Category