03/01/2020
قبل أي حاجة ... لو عاوز تعرف المواصفات الداخلية لأي بروسيسور تقدر تدخل عالموقع دة و تكتب إسم البروسيسور في ال Search و هو هيجبهولك
http://www.cpu-world.com/
كتير من الناس بيسمع عن لابتوب جيل تاسع فبيروح على طول يشتريه و يدفع فلوس كتير جدا من غير ما يبص على رقم البروسيسور أو حتى يشوف مواصفاته الداخلية و ديه غلطة كبيييرة جداا.
في البوست دة هنوضح الفرق بين الحروف المختلفة في بروسيسورات إنتل و إزاي تعرف البروسيسور المناسب ليك.
أول حاجة الفرق بين الحروف ال U و M و MQ و HQ ...
1- ال U و دة أقل نوع و دة بيبقى موفر في الطاقة و بيتحط في اللابات الرفيعة عشان مبيسخنش و أدائه بيبقى مش قوي و لكن سعره بيبقى رخيص
2 - ال M و دة بيبقى متوسط من حيث الأداء و إستهلاك الطاقة
3 - ال MQ و دة بيبقى أدائه عالى جدا و دايما ال cores و ال Threads فيه بيبقوا أعلى من بالقي الحروف و لكن إستهلاكه للطاقة بيبقى عالي
يعني البطارية لازم تكون أصلية و إلا مش هتقعد معاك أكتر من ساعة
4 - ال HQ دة نفس ال MQ و لكن بييجي في الأغلب في اللابات الجيمينج و بييجي في بعض اللابات الوورك ستيشن الرفيعة الحديثة و دة
تاني حاجة إزاي تعرف البروسيسور المناسب ليك ...
1 - لو إنت جيمر و بتلعب جيمز كتير يبقى لازم تختار بروسيسور عدد ال Cores فيه كتير و تكون سرعة الجيجا هرتز فيه عالية
2 - لو انت بتشتغل على برامج الجرافيك و الديزاين أو مثلا انت صانع محتوى يبقى لازم تختار بروسيسور يكون عدد ال Threads فيه عالية لأن دة بيخلي الجهاز ميهنجش لو انت شغلت كذا برنامج مع بعض
3 - طب لو انت بقى عاوز لاب تستخدمه في الكتابة و القراءة أو مثلا تتفرج عليه على أفلام يبقى أفضل حاجة ليك هي بروسيسور اللي فيه حرف U عشان يوفرلك في البطارية و كمان لاباته بيبقى سعرها أرخص من باقي اللابات
اعمل شيير وعرف اصحابك
