https://youtube.com/channel/UCmfpjB_hwX8D3WJHh1SdWjA

Mr Zadran, New Kot, Khost (2026)

03/04/2026

د زلزلې له کبله د رهبرۍ له لوري د مرکز کابل او ولایتي روغتیا مسؤولینو ته د پوره اماده ګۍ امر شوی که خدای مه کړه هیوادوال متضرر شوې وي چې ورته پوره رسېدنه وشي!

که ستاسې سیمه کې څوک متضرر شوې وي زمونږ امبولانس او روغتیایي ټیمونه ستاسې خدمت کې دي.

د اړتیا په صورت کې ۱۰۲ وړیا شمیرې سره اړیکه کولای شئ!
او نن شپه د ټول هیواد لپاره د عاجل ځواب وینې ډیپارټمنټ شمیره لاندې ده!

+93 78 766 2383

20/03/2026

ولسه، زموږ اختر ګوره سم وو، مياشت ګوره اوچته ولاړه ده، هلمندیانو ولا منم مو، ما ویل تاسو په ځمکه کې غټې غټې برمې نه وینئ، نو آسمان کې مو وړه میاشت څنګه ولیده، خو افرین یاره زموږ فکر مو غلط ثابت کړو.😜

07/03/2026

د افغانانو په اړه د نړیوالو نظرونه

کله چي روسان په افغانستان کې مات شول نو د روسيی ولسمشر وویل کچیرته له افغانستان څخه پنځوس زره ځانګړي ځواکونه وروزل شي نو ټوله نړۍ به یي په ځمکني جنګ کې مخه ونه نیسي.

هندوستان یو پخواني ولسمشر د افغانانو په باره کې وایي افغانان له تیږي کلک او له مالوچو نرم خلک دي دوي دچا ښه او بد په ټوله عمر نه هیروي له افغانانو سره ډغري وهل له غره سره ډغري وهل دي.

د جرمني هیواد یو جنرال وایي افغانان په نړۍ کې یوازیني خلک دي چي کله څوک جنګ ورسره کوي نو دوي ورته ښه راغلاست وایي.

هټ.لر د افغانانو باره کې ویلي چي قومنده زما واي او پوځ مي د افغانستان واي نو ما به په نړۍ نخري کړې وي سکندر په خپل تاریخي کتاب کې لیکلي په نړۍ کې یوازیني خلک چي له مونږ سره تر مرګه
جنګیدل او هیڅ ماته یي نه منله هغه افغانان وو

*دامریکا پوځ یو قومندان
*د افغانانو باره کې وایي کله چي مونږ د مرمیو غږ واورو نو یو خوندي ځاي ته منډی وهو خو کله چي افغانان د مرمیو غږ واوري نو دوي دمرمیو و خواته منډي وهي تر څو له غږ نه له نږدې خوند واخلي*

*سکندر مقدوني چي کله افغانستان ته راغى نوډیر وخت دلته په جنګ کي ګیر شو مور یی ورته خط راولیږه واي ته خو ډیر زر مخ ته روان وي څنګه دلته ګیر پاتي شوي سکندر په جواب کي ورته ولیکل چي موري تاخو یو سکندر زیږولي ده دلته هر کلي کي سکندر ده

ک.پ

05/02/2026

شخصي وېب‌پاڼه

محصلين، د کمپيوټر ساينس زده‌کوونکي او هغه کسان چې د ويب ډوېلپمنټ سره علاقه لري! که غواړئ خپل مهارتونه په عملي ډول وښايئ، نو تر ټولو ښه لاره دا ده چې خپل کارونه په يو Portfolio Website کې راټول کړئ.

ما هم همدا اوس خپل لومړنی شخصي وېب‌سايټ جوړ کړی دی. دا سايټ مې د تمرين او زده‌کړې لپاره جوړ کړی، تر څو:

هغه څه چې زده کړي مې دي، په عملي ډول وښيم؛

د React او Tailwind CSS سره خپله تجربه مستنده کړم؛

او ورو ورو خپل مهارتونه ښه او پياوړي کړم.

دا وېب‌سايټ لا د زده‌کړې په پړاو کې دی، خو زما لپاره يو مهم ګام دی. کله چې انسان خپل کارونه په يو ځای کې راټول کړي، هم خپله پرمختګ ويني او هم نورو ته په اسانه ښودلی شي چې پر څه کار کولی شي.

که تاسې هم د ويب ډوېلپمنټ په پيل کې ياست: • له وړو پروژو پيل وکړئ؛
• ساده Portfolio Website جوړ کړئ؛
• هر نوی مهارت يا پروژه پکې ور زياته کړئ؛
• او له تجربې مه وېرېږئ — همدا تمرين مو قوي کوي.

دا زما لومړنی ګام دی، او ان‌شاءالله د وخت په تېرېدو به دا Portfolio نور هم بشپړ شي.

لينک په کمینټ کې👇👇👇

03/02/2026

ډېری نوي ډیویلوپران HTML، CSS او JavaScript زده کوي،

خو له یوې مرحلې وروسته ګډوډ شي او نه پوهېږي چې
اوس څه وکړم؟ له کومه مخته لاړ شم؟
حقیقت دا دی چې ستونزه د استعداد یا محنت نه وي،
اصلي ستونزه دا وي چې د زده‌کړې له پیل مخکې درې مهم بنسټونه نه وي روښانه شوي:

۱) هدف (Goal)

ځان سره روښانه کړه چې ولې ویب ډیویلوپمینټ زده کوې.
دنده؟ فریلانس؟ خپل پروژې؟
کله چې هدف معلوم وي، زده کړه لوری پیدا کوي.

۲) لاره یا روډمېپ (Roadmap)

یوازې هدف لرل بسنه نه کوي.
باید پوه شې: له کوم ځایه شروع کوې،
او کوم مهارتونه په کوم ترتیب زده کوې.

۳) وخت (Time)

بریا د منظم وخت غوښتنه کوي.
که هره ورځ لږ تر لږه ۲ ساعته تمرکز لرونکی کار وکړې،
پایله به حتمي وي.
یاد ولره:
بې هدفه زده کړه،
بې روډمېپه هڅه،
او بې وخته کار
اکثره خلک نیمه لار کې دروي.
خو که دا درې شیان سم تنظیم کړې،
لار به دې روښانه وي او پرمختګ به دې دوام ولري 🌱

29/01/2026

Learn English and Pashto
انګلیسي او پښتو زده کړه

Mr Zadran Zainudin Zahin #پښتو #انګليسي

27/01/2026

Learn English and Pashto
انګلیسي او پښتو زده کړه

Mr Zadran Zainudin Zahin #پښتو #انګليسي

25/01/2026

♥️🫡پښتون

22/12/2025

پښتو ژبې په موزیلا کامن وایس کې په پایلوبه کې انګلیسي ژبې ته ستره ماتې ورکړه او د نړۍ په ١٣٧ ژبو کې چې په موزيلا کې ثبت دي لومړۍ مقام خپل کړ!

دا یو ستر ویاړ دی چې زما په شمول دې ټولو پښتنو ته مبارک وي.اوس پښتو ژبه د موزیلا کامن وایس په نړیواله غږیزه پروژه کې راج کوي 💪👊
موږ یواځې په ۷۰۰۰ (اووه زره) لښکر سره انګلیسي ژبې ته غاښ ماتوونکی ځواب ورکړ، چې د انګلیسي ژبې د لښکر شمېر ۱۰۰۰۰۰ (یولک) ته رسیږي، یعنې له موږ څخه ۱۴ برابره زیات وو، خو بیا هم د پښتو ژبې رضاکاره غړو وکولای شول چې له ۱۳۷ ژبو څخه پښتو ژبه لومړي مقام ته ورسوي.
دا بریا دې ټولو پښتنو ته مبارک وي.

21/12/2025

دیجیټل پښتو ټولنه سل تنه نورې ښځینه کارمندانې ګماري!!

د موزلا کامن وایس پښتو غږیز ډیټاسیټ د غني کولو په موخه، موږ غواړو سل تنه ښځینه کارمندانې په موقتي ډول استخدام کړو.

ددې کار اړتیا
د پښتو ژبي د دې آزاد ډیټاسیټ لپاره تر اوسه پوري زرګونه ساعتونه غږونه درضاکارانو لخوا راټول شوي دي خو ددې لپاره چې ډیټا متنوع شي د Digital Pashto Association تصمیم نیولی. تر څو سل تنه میرمنې وګماري کړي.

د دندې جزیات:

دنده: په لوړ او نورمال غږ د پښتو جملو لوستل او ثبت کول.

د کار ډول: آنلاین (په کور کې د انټرنیټ له لارې)

اړین مهارتونه:

۱ -په روان ډول د پښتو جملو لوستل او ثبتول. یعني یوڅوک چې لوستل یې ډیر کړي وي او نا اشنا د مختلفو مضامینو متنونه په سم شکل لوستلی شي.

۲ - موبایل یا کمپیوټر، او ثابت انټرنیټ ته لاسرسی.

آړین شرایط:

حد اقل پښتو واضح لوستل وکولی شي.

د لږ تر لږه ١ ساعتونو ورځني کار توان ولري.

د مسلکي چلند سر بلدتیا ( کاري تجربه مثبت نقش لري)

تخنیکي پوهه: باید له انټرنیټ، بروزر ، ایمیل لیږلو او اکونټ جوړولو سره بلدتیا ولري( موزلا کامن وایس کې اکونټ جوړول لازمي دي).

اضافي ټکی: د لهجې او عمر تنوع د غږیز ډیټاسیټ لپاره اړینه ده. موږ هڅه کومو د مختلفو سني کټګوریو او مختلفو سیمو او ولایتونو څخه میرمنې وګمارو. لهذا که د لوړ سن او ډیر ټیټ سن او متفاوتو لهجو کاندیانې تشویق کوو چې غوښتنلیک ولیږي.

🟩 امتیازات:

منظم مالي امتیاز (د لوستل شوو جملو پر بنسټ د یوه ساعت پر سر دوه ډالره حق الزحمه ور کول کېږي.

🟩 د غوښتنلیک طریقه:

لیوالې نوماندانې خپله CV لاندي ایمیل ته ولیږي

ایمیل📧: [email protected]

د غوښتنلیک وروستۍ نېټه: د ډسمبر اخیره هرڅومره یو څوک ژر غوښتنلیک ولیږي ژر قرارداد ترلاسه کوي.

یادونه.١:
دا پروژه د پښتو ژبي د پرمختګ او خدمت لپاره د رضاکاره افغانانو لخوا پیل شوې ده هیڅ نوعه سیاسي اړخ نلري او مالي منابع یې هم له عمومي بسپنې څخه برابریږي.

یادونه.٢:
لمړی کامن وایس پښتو کې خپل پروفایل جوړ کړئ. نوم او تصویر مستعار او مخفف لیکلی شئ خو عمر او سن مو باید دقیق ولیکئ. جنسیت مو دقیق انتخاب کړئ. او هلته د خجنښئ سره د خپلې لهجې اړوند د ولایت او قومي لهجې اړوند داسي ولیکئ مثلا ( د کندار نوزي، د ننګرهار شینواري، د پکتیا احمدزي) .
کله مو اکونټ تکمل شو او څو غږونه مو هم ثبت کړل هغه وخت ایمیل وکړئ او قرار داد تر لاسه کړئ.

06/12/2025

د موزیلا پښتو د ټیمي سیالۍ اعلان

د موزیلا پښتو کامن وایس ټیم یو ځل بیا د پښتو ژبي د ودي، بډایني او ډیجیټل کولو او د ګډونوالو د معنوي او مادي تشویق لپاره د سیالۍ پلان لري. دا ځل موږ بیا په ډېر شفاف او مهم ډول یوه د ټیمونو سیالۍ پر لار اچوو چي ګډونوال به په ټیمونو یا ګروپو ویشل کېږي او هر ګروپ به خپل مشر لري.

د ډیجیټل پښتو ټیم دا پلان لري چې د Pashto Common Voice د کمپاین لپاره یوه لويه، منظمه او په زړه پورې ټیمي سیالۍ پیل کړي. د دې سیالۍ هدف د پیسو ګټل یا تفریح نه، بلکې اصلي موخه یې د پښتو ژبې د ډیجیټلې کېدو، د غږیزو معلوماتو د راټولولو، او د زرګونو خلکو د ګډ کار له لارې د پښتو راتلونکي ته خدمت کول دي. دا سیالي به د کرکټ د ملي لیګونو په شان پرجوش، منظمه او د خلکو په ګډون ولاړه وي، خو محور به یې یوازې ژبه، ټېکنالوژي او ټولنیز خدمت وي.

په دې سیالۍ کې هر ګډونوال کولای شي خپل ټیم جوړ کړي، خو یو مهم اصل لري. هغه کسان چې د Pashto Common Voice په ټول جریان کې د ۱۰۰ ټاپو په کتار کې دي، دوی کولای شي خپل ټیمونه په بشپړ ډول جوړ کړي، ځکه چې دوی تجربه لرونکي او ثابت قدمه ګډونوال دي. او ډېر کار یې موزیلا کي کړی. نور کسان چې په ۱۰۰ ټاپو کي نه دي، هغوی هم ټیم جوړولای شي، خو اجازه نه لري چې په خپل ټیم کې له یو څخه تر سل کسان اضافه کړي. دا اصل د عدالت، توازون او سالمې سیالۍ لپاره جوړ شوی دی.

هر ټیم ته اجازه ده چې تر ۱۰۰ کسانو پورې غړي ولري، او د ټیم د لومړنیو ۱۰۰ فعالو کسانو غږیزې ونډې به د ټیم په مجموعي نمره کې حسابېږي. دا کار د دې لپاره کېږي چې ټیمونه نامحدود غړي نه زیاتوي او سیالي په منظم او عادلانه ډول پرمخ ولاړه شي.

ټیم جوړول یوازې د خلکو راټولول نه دي؛ بلکې هر ټیم باید خپله هویت هم ولري. دا هویت له درې مهمو برخو جوړېږي:
۱ - د ټیم نوم چې باید په انګلیسي وي، لنډه نښه (abbreviation) ولري او له پښتونخوا او افغانستان د طبیعي ښکلاوو لکه غرونو، سیندونو، درو، جهيلونو او یا ملي سمبولونو څخه الهام واخلي. د قبیلو، ولسوالیو یا قومي نومونو کارول په دې سیالۍ کې مناسب نه دي، ځکه چې موخه د ژبې خدمت دی، نه د هویتونو وېش او تفرقه.

۲ - د ټیم لوګو چې باید د کرکټ د ټیمونو په شان ښکلی، رنګین او پېژندګلوی لرونکی وي.

۳ - د ټیم رسمي واټساپ ګروپ چې ټیم کپتان به یې اداره کوي او ټولې همغږي به پکې کېږي.

د هر ټیم مشري د یو ټیم کپتان په غاړه ده. کپتان به د ډیجیټل پښتو اسوسیېشن لخوا ځانګړې روزنه ترلاسه کوي چې پکې د غږونو ثبت، د صوتي معلوماتو د ارزونې (validation) اصول، د رضاکارانو مدیریت، د سالمې سیالۍ اخلاق، د نوو کسانو جلب او جذب، او د ټیم د ترسره کولو پلانونه شامل دي. وروسته له روزنې، کپتان به یوه اخلاقي ژمنه لاسلیک کوي چې په کې لیکل کېږي چې هغه د رښتیني ثبت، د درغلیو نه کولو، د خلکو د احترام، د زور نه کارولو، او د ژبې د خدمت لپاره ژمن دی.

ټیمونه کولای شي د ښوونځیو، پوهنتونونو، دفترونو، روزنیزو مرکزونو، ټولنیزو شبکو او وټساپ ګروپونو له لارې نوي خلک ورجلب کړي. هر ټیم ته سپارښتنه کېږي چې خپل ځان لپاره تبلیغاتي مواد جوړ کړي لکه پوستران، ویډیوګانې، او لنډ معرفتي متنونه. دا جذب یوازې د سیالۍ لپاره نه دی، بلکې د دې لپاره دی چې خلک د پښتو ژبې د ډیجیټلې کېدو له بهیر سره بلد شي او د عامه پوهاوي برخه شي.

په سیالۍ کې دوه اصلي برخې دي:
د غږ ثبتول چې په کې ګډونوال جملې لوستل او ثبتوي، او Validation چې په کې خلک د نورو ثبت شوي غږونه اوري او ارزوي. د ثبت هر رښتینی غږ یوه نمره، او هره سمه ارزونه ۱.۵ نمرې لري، ځکه چې ارزونه د ټول سیستم لپاره تر ټولو حساس او مهم پړاو دی.

سیالي به د یوې میاشتې لپاره روانه وي، هره ورځ به د ټیمونو شمېرې راټولیږي او هره اونۍ به د پرمختګ راپور خپرېږي. د سیالۍ پای کې به لومړی، دویم او درېیم ټیمونه د ۲۵۰، ۱۵۰ او ۱۰۰ ډالرو جایزې ترلاسه کوي، او د غوره ټیم، غوره لوګو، او غوره کپتان ځانګړي تقدیر لیکونه هم ورکول کېږي.

په ټوله کې، دا سیالي به په زرګونو افغانان د یو واحد هدف لاندې سره یوځای کړي: پښتو ژبې ته د مصنوعي ځیرکتیا او نوې ټېکنالوژۍ دروازې پرانستل. دا سیالي به د ملت، ژبې، زده کړې او ټېکنالوژۍ ګډ سفر وي.

لينک په کمینت کې

05/12/2025

زه غواړم چې په راتلونکی د فارمسي Exit امتحان ورکړم هغه لپاره راته څو کتابونه وښايي چې سوالونه ورڅخه راځي يا پکې وي مننه

Mr Zadran

03/04/2026

20/03/2026

07/03/2026

05/02/2026

03/02/2026

29/01/2026

27/01/2026

25/01/2026

22/12/2025

21/12/2025

06/12/2025

05/12/2025

Address

Telephone

Website

Alerts

Contact The Business

Shortcuts

Share

Category