YES Innovation Academy

30/05/2026

🚀 Përgatitjet e fundit për festivalin e teknologjisë dhe inovacionit Kavaja Code Fest po vazhdojnë me entuziazëm të madh!

Gjatë ditës së sotme patëm kënaqësinë të mirëpresim themeluesit e Innovation Academy, Ensar Bajrami dhe Fatbardha Dallku, me të cilët pamë nga afër projektet inovative që nxënësit tanë po zhvillojnë për edicionin e parë të Kavaja Code Fest.

Qëndroni me ne për të zbuluar projektet dhe surprizat që do të sjellë edicioni i parë i Kavaja Code Fest! 💡

12/05/2026

🦁✨ Një ditë plot buzëqeshje, aventura dhe momente të bukura në Kopshtin Zoologjik për nxënësit e YES Innovation Academy Kavajë dhe International Language Centre!

Nxënësit patën mundësinë të zbulojnë botën e kafshëve, të mësojnë gjëra të reja dhe të kalojnë kohë të paharrueshme së bashku.

Faleminderit të gjithë nxënësve për energjinë pozitive dhe atmosferën fantastike! 🤍

FunDay

01/05/2026

To Those Who Build the World – Happy 1st May 🙌🏽🩵

25/04/2026

International Girls in ICT në Yes Innovation Academy Kavajë! 🩷

Dje patëm kënaqësinë të organizojmë një aktivitet frymëzues në ambientet e Yes Innovation Academy, ku vajzat tona patën mundësinë të dëgjojnë dhe të mësojnë nga një profesioniste e suksesshme në fushën e teknologjisë.

Me shumë kënaqësi mirëpritëm të ftuarën tonë:
👉 Blerta Sukaj – Inxhiniere Telekomunikacioni

Gjatë takimit, Blerta ndau me vajzat eksperiencën e saj në botën e teknologjisë, sfidat dhe arritjet, duke i inkurajuar ato të ndjekin pasionin e tyre dhe të mos kenë frikë të synojnë lart.

Nga diskutimet mbi teknologjinë, komunikimin dhe rolin e grave në ICT, u përcoll një mesazh i qartë dhe i fortë:
Vajzat kanë një vend të rëndësishëm në botën e teknologjisë dhe e ardhmja ndërtohet nga mendje të guximshme.

17/04/2026

16/04/2026

Yes Innovation Academy Kavajë pati kënaqësinë të zhvillojë një orë të veçantë Hour of Code me nxënësit e shkollës 9-vjeçare “Herbert” në Qerret💻✨

Ishte një eksperiencë e veçantë ku kreativiteti, logjika dhe dëshira për të mësuar u bashkuan në një orë plot energji dhe entuziazëm.

Nxënësit treguan aftësi të shkëlqyera në zgjidhjen e detyrave dhe krijimin e projekteve të tyre të para në kodim.

Falënderojmë veçanërisht drejtoreshën Xhuliana Beu për mikpritjen dhe mbështetjen në realizimin e kësaj eksperience të vlefshme.

Shumë krenarë për përkushtimin dhe entuziazmin e nxënësve!

07/04/2026

✨ Risi në kursin tonë – GOLDEN CARD! ✨

Në kursin tonë, përveç mësimit, vlerësojmë përkushtimin, sjelljen e mirë dhe zemrën e madhe të çdo fëmije 🤍

Tashmë kemi prezantuar Golden Card, një shpërblim special për nxënësit që:
Realizojnë projekte shtesë
Ndihmojnë shokët dhe të tjerët
Ndihmojnë prindërit në punët e shtëpisë
Kontribuojnë në komunitet
Kryejnë detyrat me përkushtim dhe kujdes
Tregojnë iniciativë dhe sjellje pozitive

Uarda Çela & Klei Korbi shpërblehen si “Golden Girl & Boy” për muajin Mars.

Çdo përpjekje vlerësohet dhe çdo gjest i mirë bën diferencën!
Sepse suksesi nuk është vetëm rezultat, por edhe mënyra si sillemi çdo ditë 🏆

05/04/2026

🎬 Movie Day në YES Innovation Academy Kavajë🍿

Një ditë ndryshe në YES Innovation Academy Kavajë!
Sot zhvilluam një Movie Day plot argëtim, ku nxënësit patën mundësinë të relaksohen, të shijojnë një film së bashku dhe të kalojnë kohë cilësore në një ambient miqësor dhe pozitiv.

Përmes aktiviteteve të tilla, ne synojmë të krijojmë jo vetëm një hapësirë mësimi, por edhe një komunitet ku nxënësit ndihen të lirë të shprehen, të bashkëpunojnë dhe të argëtohen.

✨ Mësim, argëtim dhe kujtime të bukura – kjo është YES Innovation Academy Kavajë!

02/04/2026

🌟 1 Vit Inovacioni në Kavajë! 🌟

YES Innovation Academy ka sjellë qendrën e parë të inovacionit në qytetin tonë, duke hapur rrugën për ide të reja, gara sfiduese dhe aktivitete kreative për të gjithë nxënësit. 🚀

Ky vit ka qenë i mbushur me sfida, arritje dhe momente të paharrueshme, që kanë frymëzuar të rinjtë të mendojnë ndryshe dhe të krijojnë pafund.

Një falënderim i veçantë shkon për bashkëpunëtorët tanë nga Kosova, Ensar Bajrami dhe Fatbardha Dallku Bajrami, si dhe për gjithë stafin e tyre për përkrahjen dhe mbështetjen e vazhdueshme në këtë rrugëtim. 🤝

Faleminderit të gjithëve që janë bërë pjesë e këtij rrugëtimi inovativ! 🌟

01/04/2026

🔥 HACKING NIGHT në Yes Innovation Academy Kavajë

Një natë elektrizuese, ku nxënësit u përballën në një garë të vërtetë mendjeje, shpejtësie dhe strategjie. Sfida të forta, fokus maksimal dhe një atmosferë që ndihej si kompeticion i vërtetë teknologjik!

🏆 Dhe në fund… një emër që dominoi garën: Dilan Islamaj – performancë e jashtëzakonshme dhe fitore e merituar!

Ky është vetëm fillimi për këta talente të rinj që po ndërtojnë të ardhmen në teknologji. 🚀