10/05/2023
Ի՞նչ է պետք սովորել 2023թ․-ին frontend ծրագրավորող դառնալու համար.
Ճանապարհային քարտեզ։
1․ HTML
Չհասկանալով ինչ է նշագրումը, դուք չեք կարող առաջ շարժվել, քանի որ այն կայքի կմախքն է: Դուք պետք է սովորեք հիմնական թեգերը և ատրիբուտները, հասկանաք HTML նշագրման անատոմիան և տեղյակ լինեք մատչելիության և SEO-ի հիմունքներին: Մի մոռացեք HTML-ի՝ հինգերորդ տարբերակի մասին, որը հայտնվում է յուրաքանչյուր աշխատանքի պահանջներում։ HTML-ն արագ չի զարգանում, այնպես որ դուք մեծ առավելություն կունենաք, եթե արդեն գիտեք նշագրման լեզուն:
2․ CSS
Կարևոր է նաև սովորել, թե ինչպես ոճավորել թեգերը CSS-ով և դա անել ճիշտ ձևով, օրինակ՝ նույն թեգերի համար ոճերը օգտագործել նորից: Այնուհետև պետք է հստակ պատկերացում ձեռք բերել բլոկային մոդելի նշանակության և բովանդակության դիրքի մասին. թեգերի դասավորությունը և կենտրոնացումը, ինչպես նաև դրանց տեսանելիությունը: Հաջորդը, այսպես կոչված "media queries"-ն է, տվյալ տեխնոլոգիայի միջոցով կարելի է փոփոխել կայքի էլեմենտների դասավորվածությունը կախված թե ինչ գաջեթով է տվյալ պահին մուտք գործել կայք օգտատերը: Լավ բոնուս կլինի CSS Grid-ի և Flexbox-ի հետ աշխատելու ունակությունը: Այնուհետև խորացրեք ձեր գիտելիքները՝ ուսումնասիրելով CSS-ի ճարտարապետությունը և որևիցե մի "preprocessor", օրինակ LESS կամ SASS:
2.1 CSS Գրադարաններ
Ինչ վերաբերում է CSS գրադարաններին, ապա Bootstrap-ը նախկինում շատ տարածված էր, բայց հիմա շատ մասնագետներ հրաժարվում են նրանից և օգտագործում
— TailwindCss ( https://tailwindcss.com/ )
— Bulma ( https://bulma.io/ )
— MUI ( https://mui.com/ )
Առհասարակ, բացի սովորական CSS-ից, դուք պետք է սովորեք այն ամենը, ինչ ավելացել է 2021-2023 թվականներին. այնտեղ կան որոշ օգտակար փոփոխություններ և հավելումներ: Դուք պետք է խորասուզվեք CSS գրադարանների մեջ, քանի որ իրականում շատ քչերն են գրում սովորական CSS, նույնիսկ SASS-ը և LESS-ը արդեն անցնում են վեբ ծրագրավորման պատմության գիրկը: 🙂
3․ JavaScript
2023 թվականին անհնարին է դառնալ frontend ծրագրավորող՝ առանց JavaScript իմանալու: Այս լեզվի «ուսերի» վրա է ընկած կայքի ֆունկցիոնալությունը. կոճակներ սեղմելու գործողություններ, ձևաթղթեր լրացնելու, իրադարձություններ լսելու, գործարկիչների գործարկում և շատ ավելին: Մի անտեսեք հիմունքները և մի անցեք անմիջապես «նորաձև» framework սովորելուն. սովորեք JavaScript-ը աստիճանաբար:
Դուք պետք է տիրապետեք JavaScript կոդ գրելու ստանդարտներին և հիմնական կառուցվածքներին: Ի նկատի ունեցեք, որ JavaScript-ը թույլ տիպիզացված լեզու է, ինչը նշանակում է, որ այն ավտոմատ կերպով կատարում է տվյալների տեսակի փոխարկում: Դա նշանակում է, որ դուք կարող եք գրել օրինակ 10+"1" և ոչ մի սխալ չստանալ․ընդհակառակը, արդյունքը կլինի սովորական տող՝ 101։
Այս մասին ավելին կարող եք կարդալ WTF JavaScript կոչվող մեծ աշխատության մեջ (https://github.com/denysdovhan/wtfjs) 🙂:
Կարևոր է տիրապետել DOM-ին, HTTP հարցումների և Fetch API-ի պատասխանների հետ աշխատելու ինտերֆեյսին, AJAX տեխնոլոգիային և XMLHttpRequest-ին, ECMAScript 6+-ին, մոդուլային մոտեցումներին և վեբ բաղադրիչներին: Անցեք նաև թվարկված հասկացություններին, ինչպիսիք են խիստ ռեժիմը և ստվերային DOM-ը:
4. Վեբ անվտանգություն
Գիտե՞ք ինչ է OWASP-ը: Այն բաց կոդով նախագիծ է, որը հավաքում է վիճակագրություն և նպատակ ունի ապահովել վեբ հավելվածները: 2023 թվականին frontend ծրագրավորող դառնալու համար հարկավոր է հատուկ ուշադրություն դարձնել անվտանգությանը։
Այսպիսով, դուք պետք է հասկանաք HTTPS-ի առավելությունները HTTP-ի նկատմամբ, ինչպես է աշխատում CORS-ը, Բովանդակության պաշտպանության քաղաքականությունը (CSP), ինչպես նաև պարբերաբար ստուգեք OWASP կայքի թարմացումները տեղեկացված լինելու համար ( https://owasp.org/ ):
5. Framework-ներ
Հիմնական 3 JavaScript framework-ներն են` React-ը, Angular-ը և Vue.js-ը:
Սկսելով նոր նախագիծ՝ ծրագրավորողը ընտրության առաջ է կանգնում. JavaScript ո՞ր framework-ը ընտրել կայքի համար՝ Vue.js, React, թե Angular: Նրանց միջև կան տարբերություններ, այն էլ՝ բավականին էական։ Այնուամենայնիվ, նրանցից յուրաքանչյուրը հարմար է խնդիրների լուծման համար։ Framework-ների օգտագործման ծավալների վերաբերյալ բաց տվյալներ չկան, այնուամենայնիվ, բաց թափուր աշխատատեղերի կայքերի անուղղակի վերլուծությունը բավականին հետաքրքիր բաշխում է տալիս.
1 տեղ — React 78,1%,
2 տեղ — Angular 21%,
3 տեղ — Vue.js 0,8%։
StackOverflow հարցման տվյալներն արդեն մի փոքր այլ թվեր են տալիս. ձայների 67%-ը տրվել է React-ին, մինչդեռ ծրագրավորողների 42%-ը «քվեարկել» է Angular-ի օգտին։
Սակայն, իրականում արժե հրաժարվել ստատիստիկաներից և փորձել համեմատել JavaScript-ի framework-ները իրական ցուցանիշների առումով, որոնք կարևոր են ծրագրավորողի համար․
1․ Rendering - վերջնական արդյունքի ցուցադրում
2․ Բաղադրիչների ճարտարապետություն
3․ Կողմնորոշման և կախվածության կլասներ
4․ Հետադարձ համատեղելիություն
5․ Documentation և community
