27/03/2020
⚠️Ինչպե՞ս ճիշտ ախտահանել բջջային հեռախոսները:
Հետազոտությունների արդյունքում պարզ դարձավ, որ մանրէները կարող են գոյատևել հեռախոսների վրա 2-3 օր: Սակայն սխալ ախտահանելու դեպքում կարող եք վնասել Ձեր հեռախոսը:
Ահա մի քանի քայլ, թե ինչպես ճիշտ ախտահանել բջջային հեռախոսները՝
✅Անջատեք հեռախոսը և հանեք բոլոր միացված լարերը (Լիցքավորիչը, ականջակալները...)
✅ Սկզբում սրբեք հեռախոսի էկրանը թաց անձեռոցիկով (Օգտագործեք 70% և ավել ալկոհոլ պարունակող անձեռոցիկներ)
✅ տեսախցիկը և խոսափողը սրբեք առանձնակի զգուշությամբ
⚠️ Ուշադրությո՛ւն,
❎ Չի կարելի հեռախոսի վրա ցողել կամ լցնել ախտահանիչ հեղուկներ
❎ Չի կարելի հեռախոսը թաթախել հեղուկ ախտահանիչների մեջ
❎ Չի կարելի չոր, կոպիտ կտորով մաքրել էկրանը
❎ Չի կարելի հեռախոսը պահել հոսող ջրի տակ և լվանալ օճառով, անգամ եթե այն ջրակայուն է
Եթե ձեռքի տակ չունեք ախտահանիչ թաց անձեռոցիկներ, կարող եք օգտագործել չոր անձեռոցիկներ՝ վրան ցողել սպիրտ, որից հետո այն քամել այնքան, որ մաքրելիս հեղուկ չծորա հեռախոսի վրա:
Եղե՛ք առողջ և պաշտպանված: