Cybersignaz

Name: Cybersignaz
Address: 44 Jafar Jabbarli, Baku, AZ
Telephone: +994102154321

Home
Azerbaijan
Baku
Cybersignaz

Azərbaycanda ilk dəfə yaradılmış Kibertəhlükəsizlik Maarifləndirmə Təşkilatı!

28/05/2026

28 May – Müstəqillik Günü münasibətilə xalqımızı ürəkdən təbrik edir, müstəqilliyimizin sarsılmaz, dövlətimizin isə hər zaman qalib və güclü olmasını arzulayırıq.

27/05/2026

CYBERSIGN Azərbaycan xalqını müqəddəs Qurban bayramı münasibətilə təbrik edir, hər kəsə sağlamlıq, əmin-amanlıq və bol ruzi-bərəkət arzulayır!

22/05/2026

Cisco Secure Workload platformasında CVSS 10.0 səviyyəli kritik REST API boşluğu aradan qaldırıldı
Cisco, Secure Workload platformasına təsir edən və CVSS 10.0 səviyyəsində qiymətləndirilən kritik təhlükəsizlik boşluğu üçün yeniləmə yayımlayıb.

CVE-2026-20223 nömrəsi ilə izlənilən boşluq REST API endpoint-lərində autentifikasiya və giriş yoxlamalarının yetərsiz həyata keçirilməsi səbəbindən yaranır.

Cisco-nun açıqlamasına əsasən, kibercinayətkar xüsusi hazırlanmış API sorğusu göndərməklə:
• məxfi məlumatlara giriş əldə edə,
• tenant sərhədləri arasında konfiqurasiya dəyişiklikləri edə,
• Site Admin səlahiyyətləri ilə sistemə müdaxilə göstərə bilər.

Boşluq həm SaaS, həm də on-premise yerləşdirmələrdə Cisco Secure Workload Cluster Software məhsuluna təsir edir və cihaz konfiqurasiyasından asılı deyil. Cisco bildirib ki, bu boşluğu aradan qaldıran müvəqqəti həll mövcud deyil.

Təsirlənən versiyalar:
🔹 Release 3.9 və əvvəlki versiyalar — yenilənmə tələb olunur
🔹 Release 3.10 — 3.10.8.3 versiyasında aradan qaldırılıb
🔹 Release 4.0 — 4.0.3.17 versiyasında aradan qaldırılıb

Cisco qeyd edib ki, boşluq daxili təhlükəsizlik testləri zamanı aşkar edilib və hazırda real hücumlarda istifadə olunmasına dair sübut yoxdur.

21/05/2026

Müasir iş mühitində əməkdaşların yalnız peşəkar inkişafı deyil, kibertəhlükəsizlik sahəsində məlumatlı olması da şirkətlər üçün vacibdir.

LMS+SAT platformamız təlimlərin idarə olunması ilə təhlükəsizlik maarifləndirilməsini vahid sistemdə birləşdirir.
Platforma vasitəsilə:

• Təlim prosesləri mərkəzləşdirilmiş şəkildə idarə olunur

• Təhlükəsizlik maarifləndirmə təlimləri təşkil edilir

• Fişinq simulyasiyaları ilə risk səviyyəsi ölçülür

• İşçilərin təhlükəsizlik davranışları analiz edilir

• Təlim və təhlükəsizlik nəticələri üzrə hesabatlar hazırlanır

Bu yanaşma şirkətlərə həm əməkdaşların inkişafını dəstəkləməyə, həm də insan faktorundan qaynaqlanan kiber riskləri azaltmağa imkan yaradır.

20/05/2026

Smishing (SMS phishing) kibercinayətkarların saxta SMS mesajları vasitəsilə insanları aldadaraq şəxsi və ya maliyyə məlumatlarını əldə etməyə çalışdığı sosial mühəndislik hücumudur. Bu mesajlarda adətən bank, kargo xidməti və ya dövlət qurumu adından istifadə olunur.

Smishing hücumlarında istifadəçilərə saxta linklər göndərilir və “hesabınız bloklanacaq”, “çatdırılma təsdiqlənməlidir” kimi təcili mesajlarla onları linkə keçid etməyə məcbur etməyə çalışırlar.

Smishing hücumlarını necə tanımaq olar?

• Naməlum nömrələrdən gələn şübhəli SMS-lər

• Təcili qərar verməyə məcbur edən mesajlar

• Şəxsi məlumat və ya OTP kodu tələb edən bildirişlər

• Şübhəli və qısa linklər

Smishing hücumlarından necə qorunmaq olar?

• Naməlum linklərə keçid etməyin

• SMS vasitəsilə göndərilən məlumatları yoxlamadan paylaşmayın

• Rəsmi qurumların saytlarına yalnız özünüz daxil olun

• Şübhəli mesajları silin və bloklayın

Unutmayın: heç bir rəsmi qurum SMS vasitəsilə sizdən məxfi məlumatlarınızı tələb etmir.

təlimlərimiz vasitəsilə əməkdaşlarınızı rəqəmsal təhlükələrə qarşı daha hazırlıqlı edə bilərsiniz.

19/05/2026

SOAR (Security Orchestration, Automation and Response) sistemləri təhlükəsizlik proseslərinin avtomatlaşdırılması, təhlükəsizlik alətlərinin inteqrasiyası və hadisələrə operativ cavab verilməsi üçün istifadə olunan müasir kibertəhlükəsizlik həllərindən biridir. Bu sistemlər təşkilatlara təhlükəsizlik əməliyyatlarını daha səmərəli idarə etməyə, insidentlərə daha sürətli reaksiya verməyə və riskləri azaltmağa kömək edir.

Müasir dövrdə kiberhücumların sürətlə artdığı bir mühitdə təhlükəsizlik proseslərinin koordinasiyalı idarə olunması və avtomatlaşdırılması böyük əhəmiyyət daşıyır. Təhlükəsizlik hadisələrinin düzgün idarə olunması sayəsində potensial risklər daha tez müəyyən edilir və sistemlərin dayanıqlılığı artırılır.

CYBERSIGN təşkilatlar üçün təhlükəsizlik həllərinin tətbiqi, idarə olunması, kibertəhlükəsizlik proseslərinin avtomatlaşdırılması və peşəkar təhlükəsizlik xidmətləri təqdim edir.

14/05/2026

Kibertəhlükəsizlik risklərinin qarşısının alınmasında əməkdaş davranışlarının qiymətləndirilməsi mühüm rol oynayır. Fişinq simulyasiya platforması təşkilatlara potensial riskləri müəyyən etməyə və daha hədəfli təhlükəsizlik tədbirləri həyata keçirməyə imkan yaradır.

Platformanın əsas imkanları:
• Müxtəlif fişinq ssenariləri üzrə simulyasiyaların keçirilməsi
• Riskli istifadəçi davranışlarının müəyyən olunması
• Təkrar risklərin və davranış tendensiyalarının izlənməsi
• Hədəfli maarifləndirmə tədbirlərinin tətbiqi
• Nəticələrin analitik hesabatlar vasitəsilə qiymətləndirilməsi

Bu yanaşma təşkilat daxilində təhlükəsizlik risklərinin daha proaktiv şəkildə idarə olunmasına və əməkdaşların real təhdidlərə qarşı hazırlıq səviyyəsinin artırılmasına dəstək verir.

13/05/2026

Sosial şəbəkədə paylaşdıqlarınızın Süni İntellekt tərəfindən istifadə oluna biləcəyini bilirsinizmi?

Sosial şəbəkə platformalarında paylaşılan şəkillər, videolar və şəxsi məlumatlar kibercinayətkarlar və saxta platformalar tərəfindən müxtəlif məqsədlərlə istifadə oluna bilər. Xüsusilə, uşaqlara aid görüntülər və məlumatlar gələcəkdə fişinq, saxta profil yaradılması, şantaj və manipulyasiya kimi təhlükələrə səbəb ola bilər.

Son dövrlərdə “AI aləti”, “foto effekti”, “üz dəyişdirmə tətbiqi” və ya “süni intellekt analiz səhifəsi” adı altında yaradılan saxta platformaların sayı artmaqdadır. Bu səhifələr istifadəçilərdən, əsasən, şəkil, video və şəxsi məlumat toplamağa çalışır.

Paylaşılan məlumatlar və şəkillər istifadəçinin razılığı olmadan bəzi süni intellekt sistemlərinin təlim prosesində istifadə edilə bilər. Bu məlumatlar sonradan saxta görüntülərin hazırlanması, deepfake videoların yaradılması və ya istifadəçilərin rəqəmsal profilinin çıxarılması üçün istifadə oluna bilər.

Sosial şəbəkədə təhlükələri necə tanımaq olar?

• Uşaqların şəkillərini paylaşmağa təşviq edən kampaniyalar

• Sosial media hesabınıza giriş istəyən naməlum tətbiqlər

• Həddindən artıq şəxsi məlumat tələb edən platformalar

Təhlükəsiz qalmaq üçün nə etmək lazımdır?

• Uşaqlarınıza aid şəkil və məlumatları paylaşarkən diqqətli olun

• Naməlum AI tətbiqlərinə şəkil və video yükləməyin

• Məxfilik ayarlarınızı mütəmadi olaraq yoxlayın

Unutmayın: internetdə paylaşdığınız hər məlumat uzunmüddətli rəqəmsal iz yaradır. Bir dəfə paylaşılan məlumatın gələcəkdə necə və kim tərəfindən istifadə olunacağını nəzarətdə saxlamaq hər zaman mümkün olmur.

təlimlərimiz vasitəsilə əməkdaşlarınızı rəqəmsal təhlükələrə qarşı daha hazırlıqlı edə bilərsiniz.

12/05/2026

SIEM (Security Information and Event Management) sistemləri təhlükəsizlik hadisələrinin toplanması, izlənməsi və analiz edilməsi üçün istifadə olunan vacib kibertəhlükəsizlik həllərindən biridir. Bu sistemlər təşkilatlara potensial təhdidləri vaxtında aşkar etməyə və təhlükəsizlik səviyyəsini artırmağa kömək edir.

Müasir dövrdə kiber təhdidlərin qarşısının alınması üçün İT infrastrukturunun daimi nəzarətdə saxlanılması və təhlükəsizlik hadisələrinin operativ izlənilməsi böyük əhəmiyyət daşıyır. Peşəkar yanaşma sayəsində risklər daha erkən müəyyən edilir və sistemlərin qorunması təmin olunur.

CYBERSIGN təşkilatlar üçün təhlükəsizlik həllərinin tətbiqi, idarə olunması, kibertəhlükəsizlik proseslərinin avtomatlaşdırılması və peşəkar təhlükəsizlik xidmətləri təqdim edir.

10/05/2026

10 May — Ulu Öndər Heydər Əliyevin anadan olduğu gündür.
Azərbaycan dövlətçiliyinə, xalqımıza və gələcək nəsillərə verdiyi töhfələri daim hörmət və ehtiramla anırıq.

09/05/2026

9 May — Faşizm üzərində Qələbə Günü.
1941–1945-ci illərdə İkinci Dünya müharibəsində xalqımızın göstərdiyi qəhrəmanlığı və həyatını itirənlərin xatirəsini dərin ehtiramla anırıq.

Address

44 Jafar Jabbarli
Baku

Telephone

+994102154321

Website

http://www.cybersign.az/

Alerts

Be the first to know and let us send you an email when Cybersignaz posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Cybersignaz:

Shortcuts

Want your business to be the top-listed Computer & Electronics Service in Baku?