14/12/2025
Davamı...
4. “CV və CV-dəki şəkil nə dərəcədə önəmlidir?”
Cavab: Əhəmiyyətli dərəcədə önəmlidir. Təəssüf hissi ilə bildirmək istəyirik ki, təcrübəmizdə başı bağlı müştərilərimizə gələn pozitiv cavabların sayı, digər müştərilərimizlə müqayisədə, dəfələrlə daha az olur və bəzən heç olmur.
CV-dəki məlumatlara gəldikdə isə, ailəli olan şəxslərə cavablar subay olanlarla müqayisədə daha az gəlir. Daha bir müşahidə: xarici (Almaniya xaricində) ünvan göstərən müştərilərimizin cavab alma ehtimalı, Almaniya ünvanı göstərənlərə nisbətən daha aşağı olur.
5. “Müraciət zamanlarının önəmi varmı?”
Cavab: Əlbəttə, həm də yüksək dərəcədə önəmlidir. Məsələn, Weihnachtsfeier dövrlərində — yəni təxminən dekabrın 10-dan yanvarın 10-na qədər olan aralıqda — və ya yazda Osterferien zamanı (martın sonu – aprelin ortaları, tarixlər bəzən dəyişir), eləcə də yay aylarında çox şəxslər — şeflər, sekretarlar və ya kadrlar şöbəsinin işçiləri — məzuniyyətdə olur. Buna görə həm cavablar, həm də işlərin gedişi əhəmiyyətli dərəcədə azalır.
6. “Müraciət edən şəxslərin ölkələrə görə fərqləri olurmu?”
Cavab: Əlbəttə, önəmli dərəcədə fərq yaranır. Türkiyədən və ya ərəb ölkələrindən olan müştərilərimizə, Azərbaycan müştərilərimizlə müqayisədə, daha çox cavab gəlir. Daha maraqlı bir hal isə budur: Rusiya müştərilərimizə digər ölkələrlə müqayisədə kifayət qədər daha tez görüşlər və dəvətlər gəlir.
7. “Şeflərin milliyyətinin təsiri varmı?”
Cavab: Əlbəttə, təsiri var. Əsasən postsovet ölkələrindən olan şeflər Azərbaycanlı həkimlərə dəvətləri digər ölkələrlə müqayisədə önəmli dərəcədə daha çox verirlər. Daha maraqlı bir məlumat isə budur: Türkiyəli şeflərdən gələn dəvətlərin sayı elə də çox olmur, yəni digər millətlərdən olanlardan həmişə daha az olub.
Məlumatlarımız davam edəcək. Siz də maraqlı gördüyünüz mövzuları və ya əlavə sualları kommentlərdə paylaşaraq növbəti statuslarımızın məhz bu mövzulara aid olmasına kömək edə bilərsiniz.
