15/08/2026
Son vaxtlar DevOps vakansiyaları üçün kifayət qədər müsahibə aparıram.
Hər müsahibədən sonra bir daha əmin oluram ki, yaxşı DevOps mühəndisini təkcə bildiyi alətlərə görə qiymətləndirmək düzgün deyil. Docker, Kubernetes və ya Terraform vacibdir, amma daha vacibi namizədin problemə necə yanaşdığı, düşüncə tərzi və real vəziyyətlərdə qərar vermə bacarığıdır.
Müsahibələrdə adətən bu sualları verirəm:
1. Git-də merge ilə rebase arasındakı fərq nədir?
2. Docker image, container və volume anlayışlarını necə izah edərdiniz?
3. Kubernetes-də Deployment, StatefulSet və DaemonSet nə vaxt istifadə olunur?
4. CI/CD pipeline qurarkən təhlükəsizliyi necə təmin edirsiniz?
5. Terraform və ya digər IaC alətləri ilə hansı təcrübəniz var?
6. Production serverində CPU istifadəsi qəfil 100%-ə qalxarsa, problemi necə araşdırarsınız?
7. Monitoring və logging üçün hansı alətlərlə işləmisiniz?
8. Uğursuz deployment zamanı rollback prosesini necə idarə edirsiniz?
9. AWS, Azure və ya GCP-də hansı xidmətlərlə işləyirsiniz?
10. İndiyə qədər həll etdiyiniz ən çətin DevOps problemi nə olub?
Mən bu sualların “kitabdakı düzgün cavabını” axtarmıram.
Mənim üçün əsas olan namizədin necə düşündüyünü, problemi necə analiz etdiyini, prioritetləri necə müəyyənləşdirdiyini və öz təcrübəsindən nümunələr gətirə bilməsini görməkdir.
Çünki real iş mühitində bizi fərqləndirən alətləri əzbər bilmək deyil, gözlənilməz problemləri düzgün idarə edə bilməkdir.
Maraqlıdır, siz DevOps müsahibələrində namizədlərə ən çox hansı sualı verirsiniz?
