DZ Inventors

30/04/2026

مشروع شركة ناشئة “عجلتي”
هو نظام ذكي لتتبع وتوثيق الإطارات باستعمال تقنية
RFID.
كل شخص يشري إطار جديد، يتم ربطه مباشرة بالمركبة تاعو وتسجيله في قاعدة بيانات برقم فريد (ID)، بحيث الإطار يولّي “مرتبط” بصاحبو.
في حالة يصرا أي تلاعب، كيما إعادة بيع غير قانونية أو سرقة، النظام يقدر يكشف الإطار بسهولة عبر قارئات RFID، ويبيّن بلي هذا الإطار مسجل باسم شخص آخر. بهاذ الطريقة، المشروع يساعد في حماية الإطارات من السرقة ومن التلاعبات ...
+
اذا حبيت تسرق الفكرة اسرقها واطلق المشروع ...

26/04/2026

كوارث منصات القمار
واحد في باريس قامر بأن درجة الحرارة ستكون 22C والباقي قال راح تكون 18C , هو واش دار ؟ راح لأحد حساسات الحرارة المستخدمة في المطال وشعل عليه مجفف شعر فأربك النظام و ربح آلاف الدولارات،
في السياسة واحد راهن بأن رئيس احد الدول سيتم القبض عليه وبالفعل ربح قرابة نصف مليون دولار لأنه اصل كان سيشارك في العملية ، احداث الشرق الاوسط و اسعار البترول و التصريحات اليومية كانت ارض خصبة للمقامرة و الربح اما بالاستغلال و اما بالتأثير المسبق ،
تخيل واش قادر يصرا في المستقبل بما ان الامور وصلت لهذا الحد ..

18/04/2026

الموقع تع شراء الاضحية خفيف بزااااف .
الحمد لله بدات الرقمنة تجيب نتيجة .
بالتوفيق للجميع .

11/04/2026

صراحة : منذ اكثر من سنتين وليت مانربحش العيب لل AI كي نهدر معاه غير باش مانخليش ليطراس كاش عام يستحوذ على العالم ويعتبرني تهديد..ومارانيش مستعد نستعمل هذاك السوط ضدو رغم الإغراء 😅

06/04/2026

لماذا يخاف الجميع أن تسرق فكرته ؟
هل هذا مشكل عالمي ام جزائري فقط ؟؟

06/04/2026

الجزائر غنية بالغاز الرخيص كمورد أساسي للطاقة ولها خبرة في بناء محطات الانتاج والتوربينات الغازية، يد عاملة كثيفة متنوعة خريجي جامعات وذات اجر منخفض للغاية ، قريبة لأوروبا وسهلة الربط الشبكي، مؤهلات شمسية للطاقة النظيفة ..
لما لا تكون أساس لجلب الاستثمارات في مراكز البيانات لهذا العقد؟ واش هو المانع اذا كان كاين مانع ؟؟

01/04/2026

شركة إن درايف تتعاقد مع شركة صهيونية مما يهدد بيانات الجزائريين... أظن بأن على الجميع مقاطعتها أولا و ثانيا على السلطات التدخل لحماية بيانات الجزائريين. هذه الشركة ليست الوحيدة التي تعاقدت مع شركات صهيونية، هناك شركات اخرى...
شكرا لكل الاخوة الذين نبهوا على الموضوع.

31/03/2026

تصفيات مسابقة Eurobot 2026 في جامعة البليدة التي ستؤهل للنهائيات في أوروبا ، فرصة ممتازة لرؤية الحلول المبتكرة التي يهندسها طلاب الجامعات على شكل روبوتات بحد روبوتين لكل فريق منافس ، على ملعب مليء بالمهام التي على الروبوتات انجازها خلال مدة أقل من دقيقتين لكل مباراة ، مفتوحة للجمهور على مستوى قاعة المحاضرات الكبرى Auditorium في جامعة البليدة 1 (مباشرة عند مدخل الباب الثاني ) ، كان لنا شرف المشاركة فيها في نسختين منها سابقا ، الكل مدعو وبتنظيم النادي العلمي CSCClub
6 افريل 2026

30/03/2026

السلام عليكم ورحمة الله وبركاته

راك دايماً تقول: "طبّقت الداتاشيت كيما راهي… وعلاش ما خدمش؟"
مرحبا بيك في الفخ المعروف عند قاع لي يخدمو إلكترونيك: فخ الكوبي كولي

شوف، الداتاشيت ماشي غالطة، بصح راهي مكتوبة لعالم خيالي شوية
عالم وين كلش نقي: الـ Ground parfait، ماكان حتى نويز، الحرارة متحكم فيها، وكل كومبوزون راهو يخدم وحدو مرتاح

بصح كي تجي للواقع تاعنا
الكارتة صغيرة، الكومبوزون لازقين في بعضهم، الإشارات داخلة خارجة، والنويز راهو داير خدمتو
هنا يبدأ الفيلم الحقيقي

كاين لي يروح ينسخ الشّيما من الداتاشيت ويحطها كيما هي، ويقول: "هاهو المصنع عطاهولي جاهز"
ومن بعد تبدا المشاكل:
GPS ما يلقطش مليح، Bluetooth يقطع، لاليماسيون ماشي stable، ولا في أسوأ الحالات الكارتة تتحرق

المشكل ماشي غير في الكوبي كولي، المشكل أنك تديرو بلا ما تفهم واش راهو صاري
كاين فرق كبير بين واحد غير يركب قطع كيما LEGO، وواحد فاهم واش راهو يدير
يعرف وين يدوز الكورون، كيفاش يتصرف النويز، كيفاش يدير layout مليح، ويحسب حتى للحرارة

باش نقربهالك أكثر
تخيل شريت تمثال غالي، والمانيوال يقولك حطو في الوسط وخلاص
في دار ثابتة يخدم عادي، بصح إذا حطيتو في باطو، أول موجة تطيحو وتكسروا
هنا المانيوال ما كذبش، بصح ما حسبش البيئة تاعك

نفس الشي في الإلكترونيك، الداتاشيت تفترض بلي كلش مثالي، بصح الكارتة تاعك فيها زحام، تشويش، ومشاكل حقيقية
يعني لازمك تبدل، تعدل، وتخدم بعقلك، ماشي غير كوبي كولي وخلاص

في الأخير، الإلكترونيك ماشي لعبة تركيب، هي فهم وتجربة
إذا تبقى غير تنسخ، المشاكل يطيحو عليك وحدة بوحدة
أما إذا فهمت وadaptيت مع الواقع، هنا تقول بديت تخدم صح

قولولنا، شكون صراتلو قبل مشكلة بسبب الكوبي كولي؟

29/03/2026

كي تسجل في حدث
globalafricatech
شحال لازم وقت باه يقبلوك ؟؟

28/03/2026

السلام عليكم نحوس عل كرسي مريح للخدمة كشما عندكم اقتراحات تع حاجة تعاون ف ضهر

26/03/2026