15/01/2026
ما تنساش :
كل سمانة أمسح تلفونك من الغبرة و كل 6 أشهر حتى لعامين من حقك تبدل التلفون ، نمرو نتاع تلفونك حاول يكبر معاك ، واحد للعمل و نمرو وحداخر prv تحتاجو لأمورك الشخصية .
- التلفون نتاعك روديماريه على الأقل مرة كل 10 أيام .
- أشري تلفون قيس دراهمك بنفس السعر المتعارف عليه في السوق و كي يفتح عليك ربي ثما بدل و جيب ما خير مش انت عندك 5 تحوس تجيب بيها تلفون يدير 8 بسيف .
- لابيس نتاعك عمرك متسييها في تلفون نتاع واحد متعرفوش خصوصا الا كنت تخدم مصلح أو فلاش أو بائع تشري و تبيع .
- رقم imie نتاع الهاتف خليه عندك ولا أكتبو في ورقة و خبيه فدار نهار لا قدر الله يتودر ولا يتسرق تلفونك راك ديكلاري بيه و بلا بيه ميقدرو يديرولك والو .
- كاينة حاجة فتلفونات يسموها التقادم المبرمج هي بعد عامين او أكثر الشركة راح تبدا ترسلك تحديثات مضرة تخلي التلفون نتاعك تنقص الكفاءة نتاعو و تبدا تلاحظ أنو الحرارة نتاعو رجعت ترتفع و الباتري مرجعتش تشد كيما كانت و حتى الكميرا نقصت الكاليتي نتاعها و حتى فالأداء نتاعو راح تحسو نقص كل هذا مصصم باش يخليك تخمم تبدل تلفونك و تخمم تجيب نسخة أحسن باش تبقى دايما إنسان مستهلك .
