02/04/2026
كيفاش نحسبوا حق "تطوير التطبيق" تاعك؟ 📱💰
باش تبدأ مشروعك التقني، لازم تعرف بلي كاين مرحلتين أساسيتين، وكل وحدة وسعرها على حسب واش تحتاج:
1. النسخة التجريبية (Prototype):
السعر: بين 10,000 دج و 20,000 دج.
هذي نديروها باش نشوفوا "الديزاين" والشكل النهائي كيفاش يكون، يعني "ماكيت" تفهمك في الفكرة قبل ما نبداو البرمجة .
2. النسخة الأولية القابلة للخدمة (MVP):
السعر: من 20,000 دج حتى لـ 50,000 دج (تتغير على حسب الخدمة).
هذي هي النسخة اللي تقدر تطلقها في السوق ويبداو الناس يخدموا بها، وتكون فيها البرمجة والبيانات الحقيقية.
واش هي الحاجات اللي تطلع ولا تهبط السعر؟ 📈
السعر ماشي عشوائي، كاين عوامل تقنية تحكم فيه:
الذكاء الاصطناعي (AI): إذا كان التطبيق يخمم في بلاصتك ولا فيه ميزات ذكية.
خدمات Google Console: ربط التطبيق بخرائط جوجل، التنبيهات (Notifications)، ولا خدمات السحاب.
عدد الواجهات: شحال كاين من صفحة (صفحة الزبون، صفحة الادارة، صفحة التوصيل...).
اللغات: إذا كان التطبيق بالعربية برك، ولا فيه فرنسية وانجليزية ثان.
تعقيد البرمجة: شحال كاين من خدمة (Service) داخل التطبيق وكيفاش يتربطوا مع بعضهم.
