01/12/2020
كونيكتور الشحن وانواعه والمشاكل التي تصادفك مع كل نوع
كيما قلتلكم على المشكل لي قادر يصرالك فالusb type c وين يتحرق ويموت الهاتف في بعض الاحيان والبعض الاخر يولي مايشارجيش..
هذا مثال لهاتف Samsung A20 دخل اليوم برك مشكل تاعو كان مايطلعش الفاست شارج fast charge من بعد ولا مايشارجيش
الزبون سخنلو الكابل لي يشارجي بيه وشم ريحة الحريق فالكونيكتور...
وكيما راكم تشوفو الخدمة تاعو كيفاه وهنا نوضح امر مهم جدا الكونيكتور كاين سلعة وحدة فالسوق مكانش كونيكتور دوريجين واخر مذرح
مي كاين الخدمة المتقونة والخدمة الممرمدة تع المهم يشارجي برك..
لازم تخدم تيليفونك عند ريباراتور كاليفيي يرجعلك الكونيكتور ويسوديه تماما كالاصلي وربما احسن 😆
هكذا ماتبقاش كل شهر دور من ريباراتور لريباراتور كيما قاعد يصرا للكثير من الناس كاين فيهم لي مايعرفش لمن يدي وكاين لي يغلبو الطمع ويخدم عند ارخس واحد وتبانلو بلي كامل يخدمو كيف كيف.
هذا من بين المشاكل لي ممكن تصادفك في مدخل الشحن type c.
لاستفساراتكم حول هذا الموضوع تفضلوا.
