https://www.facebook.com/100936214912173/

Alt Shift, Al Qahirah (2026)

07/06/2020

Hey man, this PCs graphics card is 2 GB Up to 18 GB.
have you ever encountered one of those sellers ?
please stay away from them.
and read this article as it will guide you step by step to get your new graphics card
http://ow.ly/3xky50A12AF

20/05/2020

النهارده هنكلمكم عن الـ VRM أو Voltage regulator module
ايه هو دورها وليه هى عامل أساسى فى اختيار الـ MotherBoard !!

أولا كده الـ VRM بيشتغل بنفس الطريقة اللي الـ Power Supply بيشتغل بيها لأن ببساطة كده الـ Power Supply بيسحب 220 فولت من الكهرباء العادية و يحولهم لـ 12 فولت.

بس الرقم ده كبير على البروسيسور وبالتالي يجي الـ VRM يحولهم من 12 فولت لـ 1.2 او 1.3 فولت على حسب البروسيسور اللي عندك.

طيب هو الـ VRM ده موجود فين فى ال MotherBoard وشكله عامل إزاي؟
أولا كده لازم تعرف إن هما أيوه متشابهين فى الوظيفة بس هما غير متشابهين في الشكل تماما.

بالنسبه لشكله فهو متقسم لأكثر من جزء (مرحلة).
أول جزء هى الـ Mosfet وبتكون موجوده تحت الهيت سينك فوق البروسيسور و على شماله
ووظيفتها بتتمثل في إن لما البروسيسور يطلب منها فولت معين تشتغل و تبدأ تبعت للبروسيسور الفولت اللي هو محتاجه بالظبط.
تاني جزء هى الـ Chokes وبتكون موجوده جنب الهيت سينك إلي تحتها الموسفيت بالظبط ووظيفتها هي إنها تحافظ على استقرار تيار الكهرباء و ميكونش في اي تردد في الكهربا اللي داخله للبروسيسور
والجزء الأخير هو الـ Capacitors ودي مسئولة عن تخزين الطاقة قبل وصولها للبروسيسور عشان يحافظ على استقرار الفولت الواصل للبروسيسور.
واللي بيفرق MotherBoard عن التانية هو التبريد لأن كل ما كان تبريد الـ VRM احسن كل ما البورده قدرت تشتغل على ضغط 100% لفترات أكبر من غير ما يحصل مشاكل في الـ PC.
ولو لسه عندك اي استفسار تقدر تقولنا فى الكومنتات واحنا هنساعدك.

13/04/2020

من أكبر مميزات الـ PC هي ال customisations اللي ممكن تطبقها عليه, (Intel ولا Amd) أو (Nvidia ولا Amd) تختار(RGB ولا Stock) (تبريد مائي ولا هوائي).
وعلشان التبريد مهم جدا لكل ال PCs احنا النهارده فى Alt Shift هنعرفكم الفرق بين أنواع المبردات وازاي تختار المبرد المناسب لجهازك.

علشان تعرف ايه اللي يناسبك لازم الأول تعرف مميزات كل نوع.
أولا التبريد المائي:
من أهم الحاجات اللي بتميز التبريد المائي هي الشكل.
ثانيا بقي وده الأهم:
السعة الحرارية حيث إن المبرد المائي عبارة عن radiator مرتبط ببلوك متصل مباشرة بالبروسيسور وسائل بيدور فى دايرة مغلقة بين المعالج والرادياتير ووجود مساحة تبريد أكبر (فى الرادياتير) بيساعد على بقاء درجات الحرارة الحرارة منخفضة من غير ما يسرع دوران المراوح وهو اللي بيدي توازن ممتاز ما بين درجات الحرارة والصوت اللي خارج من المراوح.
ثالثا:
تبريد الجهاز ككل بيكون أكثر كفاءة حيث إنه في الغالب إنت هتركب المراوح داخل الكيس بحيث يكون ال هواء اللي هيعدي على الرايدياتر خارج من الجهاز وده هيؤدي لسحب الهواء الساخن من الداخل و هيوفر عليك المراوح الزيادة لزوم تظبيط ال AirFlow وبالتالي الصوت كمان هيقل.

وزي ما كل حاجة ليها عيوب ومميزات التبريد المائي هو كمان ليه للاسف بعض العيوب زي إن ممكن يحصل فيه تسربات تأدي لتعطل المضخة أو حصول تسريب ممكن يأدي لحرق القطع اللي جوه الجهاز بتاعك بس تقدر تتفادى المشاكل دي لو اشتريت مبرد كويس من شركة معروفة,
بس للأسف ساعتها هيقابلك عيب تاني ألا وهو السعر حيث إن سعر المبردات المائية الكويسة اللي من الشركات المعروفة واللي تقدر تعتمد عليها بيتراوح ما بين 100 إلى 150 دولار وده سعر كبير مقارنة بالتبريد الهوائي اللي هنكلمكم عن مميزاته الوقت.

أولا القيمة مقابل السعر:
زي ما قلنا فوق أن المبردات المائية الرخيصة بتأدي لمشاكل كتير اللي هيضطرك لشراء واحد غالي.
بس هل تعلم إنك ممكن تشتري مبرد هوائي يديك 90% ألي 100% من أداء المبرد المائي بنص التمن بس.
عندك مثلا المبرد المائي (Corsair H100i) اللي بيجي بسعر 90 دولار واللي تقدر تستبدله بالمبرد الهوائي (Enermax ETS-N30) اللي هيديك من 90% إلي 95% مقابل 50 دولار بس.
وحتي إن فيه مبردات هوائية أقوى من كل المبردات المائية المعروفة في السوق زي (Noctua NH-D15 - Noctua NH-D15).

تاني ميزة من مميزات المبردات الهوائية هي الاستقرار حيث إن المبردات الهوائية أغلبها عبارة عن قطع معدنية ثابتة مفيش غير المروحة بس اللى بتتحرك ولو كان المبرد من نوع كويس المروة ممكن تفضل سنين وسنين من غير مشاكل. وده اللي يخليك متستغربش لما تعرق إن السيرفرات الكبيرة والسوبر كمبيوتر بيتم تبريدهم هوائيا مش مائيا.

بس زي ما بيقولوا الحلو مبيكملش المبردات الهوائية الكويسة عندها مشكلة صعبة شوية, ألا وهي الحجم بحيث إن مثلا لو اشتريت مبرد مائي قوي ممكن يكون حجمه كبير بحيث انه ميسمحلكش تركب رامات RGB (رامات الـ RGB بيكون ارتفاعها أعلى من الرامات العادية) أو إنه حتي يكون أكبر من عرض الكيس ومتعرفش تقفل الغطا بعد ما تركب المبرد.
وزي ما قلنا فوق إن المبرد المائي بيسحب الحرارة من كيس يخرجها بره المبرد الهوائي بيعمل تقريبا عكس كده لأنه بيسحب الحرارة من المعالج ويطلع الهواء جوه الكيس فبالتالي لازم يكون عندك AirFlow كويس علشان تحافظ على حرارة الجهاز.
وفي النهاية نحب نقولك: لو عايز تبريد محترم بسعر قليل يبقي انت محتاج تبريد هوائي أما لو عايز شكل وهدوء على حساب السعر تقدر ساعتها تختار المائي بس هلي فى بالك دائما (أياك ثم إياك التبريد المائي الرخيص)
ولو لسه عندك اي استفسار تقدر تقولنا فى الكومنتات واحنا هنساعدك.

11/04/2020

ما بين كل القطع الهامة اللي بيتكون منها الـ PC, الهارد يعتبر من أهم القطع اللي بيتكون منها الجهاز. وجودة الهارد بتأثر على الجهاز ككل.💪
واحنا النهارده فى Alt Shift هنقولك ازاي تختار الهارد المناسب لاستخدامك والفرق بين انواع الهاردات (HDD, SSD, M.2, NVMe)

هنتكلم فى الأول عن هارد الـ HDD:
أول ظهور لهارد الـ HDD كان عام 1956.
ايوه بالظبط كده ال HDD موجود من أكثر من 60 سنة.ولكن بيتم تطويره باستمرار ولحد الان مازال مستخدم بشكل واسع جدا وليه حضور قوي فى السوق. وال HDD ببساطة هو عبارة عن قرص معدني بيدور بسرعات متفاوتة على حسب نوع الهارد.
ومن أهم مميزات ال HDD هي السعات الكبيرة جدا اللي بيقدمها اللي بتوصل لأكتر من 20 GB, وأسعاره اللي بتعد أرخص بكتير جدا من ال SSD اللي هنكلمكم عنه الوقت.👇

ال SSD صدر حديثا وبقي شبه أساسي فى أي جهاز حديث.
وال SSD بيتميز عن ال HDD بإنه مش ميكانيكال, وبيتكون من شرائح إليكترونية (NAND Flash) وده اللي بيخلي القراءة والكتابة أسرع بكتير جدا من الـ HDD.
وسرعات ال SSD بتتفاوت من SSD للتاني ومن شركة لشركة تانية.
ومن أقوي الشركات اللي متصدرة مجال ال SSD هي سامسونج عن هارد Samsung 850 Pro واللي بيقدم سرعة عالية جدا بتوصل ل 550 mps للقراءة و 520 mps للكتابة.

نيجي لل M.2 اللي بينقسم لنوعين :(M.2 , NVMe).
والفرق بين النوعين بس هو السرعات حيث إن الـ M.2 بيوصل ل 1200 إلى 2000 mps.
أما ال NVMe بيوصل ل 1700إلي 3000 أو 3700 إلي 4000 حسب نوع ال NVMe.

ومن مميزات الـ SSD إن حجمه صغير ومش بيكون باين فى ال MOTHERBOARD 🤏وتبريده أسهل وعمره الافتراضي أطول.
ولكن فى مقابل الأداء يجي السعر حيث إن أسعار ال NVMe مرتفعة جدا ولازم يتوفر عندك MOTHERBOARD بتدعم ال NVMe و M.2.
ومن أفضل الل NVMes اللي في السوق Samsung 960 Pro اللي بيجي بسرعة 3500 mps للقراءة.

وممكن نلخص سرعة الهاردات كالتالي:
1- هارد SSD اللي بيستخدم منفذ SATA 3.0 سرعته بتوصل من 350 الى 550 mps.
2- أما هارد ال Nvme اللي بيستخدم منفذ ال M.2 علشان يتصل بالـ Motherboard سرعته بتوصل ل 1700إلي 3000
علشان كده هتلاقي فيه فرق كبير في السرعة بين النوعين بالرغم من أنهم بيستخدموا نفس المنفذ.🤷‍♂️
نيجي بقي لأول سؤال هتفكر فيه وأنت بتقرأ البوست ده, ايه الاحسن! اشتري هارد SSD ولا M.2 ولا NVMe؟🙂
أولا كده انت لازم تحدد استخدامك:
يعني لو كان استخدامك مجرد (ألعاب، تصفح، أفلام) فهارد بحجم 120 GB ل 240 GB من نوع SSD Sata هيكون أكثر من كافي.
أما بقي لو كنت بتشتغل شغل تقيل مونتاج او علي الفوتوشوب وغيرها من البرامج التقيله او كنت Gamer🎮🎮 فالأحسن ليك هو هارد M.2
أما بقي لو ميزانيتك عاليه 💸💸 يبقى هارد ال NVMe هو أحسن الاختيارات اللي سعرها عالي وبتحتاج ميزانية كبيرة لكن قصاد الميزانية دي هتلاقي أفضل أداء.💪💪

قولنا فى الكومنتات 👇 بتستخدم أي واحد فيهم وعايز المعلومه الجايه تكون عن ايه؟😊

10/04/2020

يباشا اللاب ده فيه بروسيسور A10 المكافئ لـ Core i7 😎
وكارت الشاشة 2 جيجا Up to 18. 💪
No. no no no. 😡😡
اوعي تسمع كلام اي حد يقولك كده.
احنا النهارده هنجاوبك على أهم الأسئلة اللي هتساعدك فى إختيار كرت الشاشة GPU المناسب ليك.😃

:: أول حاجة لازم تعملها هي إنك تحدد استهلاكك,
بمعني: لو عايز تشتري كارت شاشة لل Gaming 🎮🎮 بس يبقي هتحتاج كارت شاشة قوي لأن الـ games بتعتمد بشكل كبير جدا على الرسوميات وطريقة معالجتها وده بيتطلب كارت شاشة قوي علشان تاخد أحسن تجربة لعب ممكنة.

لو هتشتغل Designing وشغلك كله illustrator و Photoshop ففي الغالب هيكون إعتمادك على ال Ram والبروسيسور.
أما بقي لو انت من إخوتنا أحفاد إقليدس 📐👩‍🚒 وبتشتغل على الـ CAD أو Premiere و Video Editing يبقي لازم تركز أوي على Cuda Cores لو هترندر على الـ GPU.

تاني حاجه لازم تعملها هي إنك تحدد الميزانية بتاعتك,
ولازم وانت بتحدد الميزانية تراعي استخدامك وان كارت الشاشة من أهم القطع فى الجهاز بالذات لل Gamers وعلشان الكلام يكون محدد شوي,فيه 3 فئات سعرية لكروت الشاشة:
(low end - mid range - high end).
فأنت بتحدد انت هتشترى أي فئة على حسب استخدامك وميزانيتك.

ثالثا بقى وده الأهم, ابعد عن فخ الجملة العشوائية (الكارت ده كام جيجا). 🙂 فيه حاجات كتير أوي تهمك أكتر من ال VRam سواء كنت Gamer أو Designer ومن غير الدخول فى تفاصيل تقنية كتير, على سبيل المثال لازم تركز على سرعة المعالج ومعمارية الكارت وفئته ومن أهم النقاط اللي لازم تركز عليها ك Gamer هي:
1- Memory bandwidth
2- Memory interface width
3- Memory speed
4- boost clock
Ray Tracing (RTX) -5
اما لو انت Designer فانت محتاج تركز على الـ CUDA Cores لانها عامل مهم فى شغل الجرافيك.
وفيه مواقع كتير بتساعدك تعرف إمكانيات الكروت وتقارن ما بينها ومن أشهر المواقع دي: userbenchmark.com .💪

رابعا, بعد ما خلاص حددت الفئة السعرية وشوفت أحسن الكروت المناسبة لاستخدامك وقارنت بينهم وخلاص عرفت انت هتجيب إيه.
ادخل على اليوتيوب وشوف Reviews للكارت وتجارب أداء ولو انت Gamer شوف Real Time benchmark للكارت واعرف متوسط الفريمات اللي بيقدمها ودرجات الحرارة🌡واستهلاك الطاقة.⚡

وفي النهاية نحب نقولك هما شركتين ملهمش تالت مسيطرين على سوق كروت الشاشة AMD و Nvidia ولفترة طويلة كانت AMD مسيطرة على الفئه السعريه المتوسطة وفوق المتوسطة وكانت Nvidia مركزه على الفئات السعرية العالية 💪 لحد فتره قريبه AMD بدأت تنافس على الفئة السعرية العالية بعد إصدار فئة الـ RX.

وبكدا يكون عرفت كل اللي انت محتاجة للانطلاق في رحلة اختيار كارت الشاشة المناسب ليك. 🕵️‍♂️
أو بكل بساطة ممكن تقولنا طبيعة استخدامك والميزانية بتاعتك واحنا هنرشح لك أفضل الكروت المناسبة ليك.🤷‍♂️
لو عندك أى سؤال مستنينك فى الكومنتات تحت.👇

08/04/2020

وعلى حين غرة, أعلنت SONY عن يد التحكم الخاصة بجهاز PlayStation 5.
التي حصلت على غير المتوقع على اسم (Dual Sense) بدلا من (DualShock 5).
وقد وقع الاختيار على هذا التصميم بعد طرح المئات من التصاميم خلال السنوات السابقة.

وقد تم استبدال زر Share بزر Create لإعطاء اللاعبين حرية أكبر بكثير من السابق فى إنشاء المحتوي الخاص بهم وسوف يتم الكشف عن التفاصيل الكاملة لاحقاً.

وأعلنت الشركة أن عمر البطارية سيكون أكبر بكثير من (DualShock 4) مع وجود منفذ USB Type-C.

كما أنه ولأول مرة سيتواجد Microphone مدمج فى يد التحكم مما سيتيح للاعبين التحدث دون استخدام سماعات إضافية.

كما أعلنت SONY أن اليد ستحتوي على ميزة حساسية الموقف داخل اللعبة. حيث أن اللاعب سيشعر ببيئة للعبة حوله وبأدق التفاصيل مثل إطلاق النار وشدة سحب السهام وغيرها.

كما أن يد التحكم تخرج عن النهج المعهود حيث تأتي بلونين مختلفين بدلا من اللون الموحد المعتاد عليه.

كما أوضحت الشركة أنها تهدف إلي توفير يد تحكم تساعد اللاعبين على الاندماج مع عالم اللعبة لدرجة تجعلهم لا يشعرون بيد التحكم, كأنها جزء منهم. كما أضافت أنها ستكون اليد الأكثر أريحية على الإطلاق.

كما أعلن المدير التنفيذي ل SONY: هدفنا مع DualSense هو منح اللاعبين الشعور بأنهم ينتقلون إلي عالم اللعبة بمجرد فتح الجهاز, نريد أن يشعر اللاعبون بأن يد التحكم ما هي إلا امتداد لأجسامهم وقت اللعب. لدرجة أنهم ينسون أنها حتي فى أيديهم.

::من وقع التصميم والخصائص والميزات التي ستقدمها DualSense هذه اليد ستكون إحد أهم العوامل التي ستجذب اللاعبين إلى جهاز PlayStation 5 عوضاً عن Xbox Series X الذي سيأتي بيد التحكم التقليدية ل Xbox بغض النظر عن تفوقه من ناحية ال Hardware.

كلنا مستنيين الجهاز الجديد بفارغ الصبر. قلنا ناوي تنضم للمعسكر الأبيض أم الأسود فى التعليقات.
أما بقي لو انت PC Gamer أو هتتفرج بس على الجهاز الجديد تقدر تتابع صفحتنا علشان تقدر تشترك فى السحب اللي هيتم على جهاز (PlayStation 5 + Xbox Series X) وقت الإصدار.

07/04/2020

ال RAM هي أحد أهم القطع في الجهاز بتاعك.💪💪
وسرعة البروسيسور بتتأثر بشكل كبير بسرعة الRAM .
وانهارده هنوضحلك بعض المفاهيم الغلط اللي ممكن تقع فيها وانت بتختار ال RAM.🙃
كتير من الناس عندها اعتقاد إن لما سعة ال RAM الموجودة فى جهازك تزيد الجهاز هيشتغل بسرعة وكفاءة أعلى. لكن للأسف, الاعتقاد ده غير صحيح.🤨
سعة أو حجم ال RAM مش مهمة بالدرجة اللي يكون ليها تأثير على أداء الجهاز.
عامةً لو عندك بروسيسور قوي مش هتحس بفرق بين ال 8GB RAM وال 16GB RAM لو شغال شغل بسيط زي انك تتصفح الإنترنت أو تبعت ميلات بس على الصعيد الآخر لو جينا للشغل التقيل زي الفوتوشوب و المونتاج أو الألعاب حتحس بالفرق لإن البرامج دي بتحتاج سعة RAM عالية.🤯

فيه عوامل كتير بتأثر على أداء ال RAM بغض النظر عن السعة اللي متوفرة عندك.
ومن أهم الحاجات دي سرعة ال RAM أو التردد وتأثير السرعة بيظهر بالتزامن مع البروسيسور. يعني لو بتستخدم RAM DDR4 مع بروسيسور Core 2 Duo متتوقعش أداء عالي لإن البروسيسور نفسه ضعيف.😴

ولازم تحط فى اعتبارك دائما السبب السبب اللي إنت بتغير علشانه.
فمثلا لو انت بتغير علشان الأداء والسرعة فى تنفيذ المهام يبقي لازم تخلي السرعة هي العامل الأساسي للاختيار.
أما لو بتغير علشان تشغل برامج أو مشاريع أكبر يبقي لازم تهتم شوي بمسألة السعة.🤏

أي MOTHERBOARD بيكون فيها خاصية إسمها Dual channel ✌والخاصية دي بتسمح بتوافق شريحتين RAM مع بعض علشان يقدموا أداء أعلي.💪
وللأسف فيه معتقد خاطئ عند بعض الناس ألا وهو أن المدخلين لازم يكون فيهم نفس نوع ال RAM.😥
بس ده مش شرط, عادي ممكن تضيف RAM جديد بحجم مختلف لكن مع مراعاة أن المدخلين يكون فيهم رامات من نفس الجيل.
بمعني: لو ال RAM الموجود عندك DDR4 يبقي ال RAM الجديد لازم برده يكون DDR4 ونفس المثال ينطبق على التردد والفولت.⚡⚡

موضوع الرامات كبير ومليان اسئله فلو عندك اى سؤال عن الرامات سيبهولنا فى الكومنتات وهنرد عليك.😉

07/04/2020

💪💪أكيد هدفنا كلنا واحنا بنلعب هو الفوز
بس هل دايما بيكون متوفر لينا متطلبات الفوز؟!
المهارة حلوة مفيش كلام. بس لازم برده يكون عندك الأدوات اللي تساعدك على الفوز.
ومن أهم الأدوات دي السماعات.🎧🎧
الصوت هو نصف تجربة اللعبة, هو اللي هيخليك تندمج مع المشهد أو تعرف عدوك فين وتفلانك عليه. بيو بيو😅
لو بحثت عن أنظمة الصوت هتلاقي مصطلحات كتير واحنا النهارده هنشرحهم لك و هنساعدك تختار السماعة ونظام الصوت المناسب ليك.🎧🎤

أولا ال Stereo:
ال Stereo هو أبسط الأنظمة اللي هنكلمكم عنهم إنهارده.
الصوت فى النظام ده بيخرج من 2 drivers (يمين - يسار) وبيكون أكثر شيوعا بين ال Stremers و ال Esports Gamers 🎮🎮 بسبب التطور الرهيب اللي حصل في الفترة الاخيرة وتطور ال Hardware المسؤول عن انتاج الصوت زي كارت الصوت اللي بيجي مدمج في ال Motherboard أو ال Amplifier الخارجي.
والنظام ده مشهور جدا بين ال Music Composers
لإن النظام ده دقيق جدا فى الأغاني 🎤🎼🎹

ثانيا ال 5.1 Surrounded System:
والفرق بين النظام ده ونظام ال Stereo هو أن النظام ده بيعتمد على 5 قنوات (2 يمين (امامي - خلفي) - 2 يسار (امامي - خلفي)).
والنظام ده عمليا وتقنيا أفضل من الستريو وناس كتير بتفضله لمشاهدة الأفلام 🎞🎞 علشان بيقدم تجربة صوت ممتازة. بس للأسف النظام ده مش منتشر بشكل كبير بسبب أخوه الكبير اللي هنكلمكم عنه الوقت.

ثالثا وأخيراً ال 7.1 Surrounded System:
النسخة المحسنة 💪 من ال5.1 واللي تم استخدامه أول مرة عام 2009 فى فيلم AVATAR .
والنظام ده عبارة عن 7 قنوات صوتية (2 يمين - 2 يسار بين الأمامية والخلفية).
وهو النظام الأفضل حاليا.👌
بس زي ما بيقولوا (الحلو مبيكملش)😢, مشكلة النظام ده بالنسبة للجيمرز هو إن العاب كتير مش بتدعمه بسبب إن قطعه اغلى من سماعات الـStereo. و بناءاً عليه مش هيكون فيه حيادية فى اللعب خصوصا فى ال Esports games, لأن صاحب السماعة الأغلى هو اللي هيسمع افضل و ادق وبالتالي هيكون ليه الفرصة الأكبر و ده مش عدل.🙁 علشان كده اللألعاب اللي زي PUBG مثلا لما تشغلها بالنظام ده. سماعتك لو من الفئات ( الـHigh End Headset ) هيحولها لنظام stereo مضخم و غير دقيق اطلاقاً.😥
و ده سبب اختيار اللاعبين المحترفين للـstereo رغم وجود ما هو أفضل منه.

شوية نصايح تساعدك :
• اختيارك لسماعة في الفئة المناسبة ليك هيساعدك على تحسين أداء لعبك و مهارتك و اسلوبك الخاص
و التناغم ما بينك و بين اللعبة هيزيد وركز على جودة صوت الميكروفون بردو عشان تتواصل مع صحابك بشكل احسن وادق.🤝
• الراحة ف السماعة و عدم التعرق بعد ساعات لعب قليلة, ومناطق الضغط على الرأس كلها من الحاجات اللي لازم تركز عليها مع اختيارك للسماعة.
• عدم استخدام برامج(Software) لتحسين جودة الصوت. كلها برامج بتأثر على السماعة بالسلب و بتقلل من جودة الصوت.😞
•السماعة بتساعدك على اتخاذ القرار الصح في الوقت الصح فحاول ماتكونش لابس Cap أو Ice Cap تحت السماعة لانه بيأثر على الصوت و على ترددات الصوت اللي انت هتسمعها.😊
لو لسه عندك أي سؤال تقدر تسيبه في التعليقات وقولنا عايز البوست الجاي يكون عن ايه.

05/04/2020

اشتريت تجميعة جديدة أو حدثت الجهاز بتاعك وخلاص الزهر هيلعب وهتشغل الألعاب على 144 FPS 💪💪.... ايه ده ليه اللعبة مش بتجيب غير FPS 80 ؟!؟! 😭😭
اللي حصل ده Bottleneck/عنق الزجاجة. وأبسط مثال على عنق الزجاجة هو عنق الزجاجة 😅 حمادة هلال أوي.😅
تعال أشرح لك :
تخيل معايا كده ان انت عندك ضيوف وبتقدملهم Coca Cola🥤تمم.
لما تيجي تصب الكولا في الكاسات هتلاقي ان كمية الكولا اللي خارجه من الزجاجة بتقل عند العنق بسبب ان نصف قطر العنق أقل من نصف قطر الزجاجة.
ونفس المثال ده تقدر تطبقه علي PC. 🖥 وغالبا بيكون البروسيسر وكرت الشاشة هما المشكلة.
يعني لو عندك معالج قديم وضعيف وركبت عليه كرت شاشة قوي
أثناء اللعب البروسيسر هيخفض أداء كرت الشاشة للحيز اللي يقدر فيه يستوعب الداتا ويكمل معالجه (المعالج بيتجاهل بعض الفريمات اللي مقدرش عليها)😔 وهو ده ال Drop Frames

الفكره ان المعالج بيعالج بعض الداتا وللأسف مش بيقدر علي الباقي فالكارت وصله داتا ناقصة فبيحاول علي قد ما يقدر يرندر الداتا دي بس خليك عارف ان البروسيسر هو المسؤول عن الـ AI وال physics بتاعة اللعبة.

بس تعال معايا كده نتخيل السيناريو ده بالعكس:
(البروسيسر حديث وقوي - كارت الشاشة قديم وضعيف) مش هيحصل حاجه 🤨 اه زي ما بقولك كده. البروسيسر هيشتغل بكل قوته والكارت هيقدم كل اللي يقدر عليه بشكل كامل وسلس 😊 وفي الحالة دي اي Drop Frames هيكون بسبب ان اللعبة أصلا أعلي من إمكانيات الكارت.

طيب انا الوقت عرفت يعني ايه Bottleneck, إزاي بقي أعرف ان كان جهازي بيعاني من المشكلة دي ؟؟
اولا كده: هتحتاج برنامج يساعدك على قياس أداء القطع اللي عندك
(MSI Afterburner ✈️) كمثال
و تظبط اعدادات البرنامج بحيث يظهر لك البيانات اللازمة أثناء اللعب زي ال gpu usage وال cpu usage وبعد كده تفتح اللعبة من غير ما تعدل اعدادات الجرافيكس فيها.🔧
لو كان استهلاك البروسيسور دائما أعلى من كرت الشاشة فللأسف إنت عندك bottleneck.🙁 وبيكون مؤثر لو كان استهلاك المعالج 90% الى 100% وبيكون غالبا مش مؤثر لو كان تحت ال 90%

طيب ازاي اتجنب ال bottleneck ؟🥺
جملة واحدة عزيزي المتابع (خلي تجميعتك متوازنة)
متروحش تشتري TITAN وتركبه علي i7 الجيل الثاني بحجة أنه i7 وهيستحمل.😅😅
وعلشان متتعبش نفسك, فيه مواقع بتساعدك تعرف ان كانت القطع اللي انت هتشتريها هتسبب bottleneck ولا لا زي (Bottleneck Calculator)
بس للأسف غالبا مش بتكون دقيقة 100% 🙂
بس التارجت مش لازم يكون تجميعة مثالية المهم ال bottleneck يكون اقل ما يمكن.
كدا تقريبا احنا شرحنا كل ما يخص ال bottleneck
لو لسه عندك أي سؤال تقدر تسيبه في التعليقات وقولنا عايز البوست الجاي يكون عن ايه 😎

Alt Shift

07/06/2020

20/05/2020

13/04/2020

11/04/2020

10/04/2020

08/04/2020

07/04/2020

07/04/2020

05/04/2020

Address

Telephone

Website

Alerts

Shortcuts

Share

Category