25/12/2024
ليه البروسيسور مهم وإزاي تختار المناسب؟
لو ناوي تشتري كمبيوتر أو لابتوب جديد 💻، أكيد سمعت عن حاجة اسمها "البروسيسور" أو المعالج. طيب هو إيه ده؟ ببساطة، البروسيسور هو اللي بيشغل كل حاجة في الجهاز، سواء كنت بتفتح برنامج 📂، تشغل لعبة 🎮، أو تتفرج على فيديو 📺، البروسيسور هو اللي بيخلي ده يحصل.
كل ما البروسيسور يكون أسرع ⚡، كل ما الجهاز هيشتغل أسرع ومش هيهنج معاك 🚫. ولو البروسيسور ضعيف، هتلاقي الجهاز بطيء 🐢 ومش قادر يشغل حاجات كتير في نفس الوقت.
---
يعني إيه بروسيسور وبيعمل إيه؟
البروسيسور هو الجزء المسؤول عن تشغيل كل حاجة في الكمبيوتر أو اللابتوب. يعني لما تفتح برنامج، تشغل لعبة، أو تتفرج على فيديو، البروسيسور هو اللي بيخلي ده يحصل.
كل ما البروسيسور يكون أسرع ⚡، كل ما الجهاز هيكون أسرع في تنفيذ المهام 🚀.
---
أنواع البروسيسورات
فيه شركتين كبار في السوق بيتنافسوا في مجال تصنيع البروسيسور :
1. إنتل (Intel):
شركة انتل ليها فئات كتير في تصنيع البروسيسور هناخد اهمها والمنتشر منها
Intel Celeron (بروسيسور ضعيف جدًا) 💻❌
Intel Pentium (بروسيسور ضعيف) 💻❌
Core i3 💪
Core i5 🚀
Core i7 ⚡
Core i9 💥
2. إيه إم دي (AMD):
نفس القصة في amd في فئات كتير
AMD Athlon (بروسيسور ضعيف) 💻❌
Ryzen 3 💪
Ryzen 5 🚀
Ryzen 7 ⚡
Ryzen 9 💥
---
فئات لازم تبعد عنها لو هتشتري
لو بتدور على بروسيسور يشتغل معاك كويس من غير مشاكل، خلي بالك:
Intel Celeron 💻❌
Intel Pentium 💻❌
AMD Athlon 💻❌
الفئات دي ممكن تكون رخيصة 💸، بس هتخليك تحس إن الجهاز بطيء جدًا على المدى الطويل ⏳⚠️
لما تخلص قراءة المقال ممكن تسال نفسك ليه استبعدنا الفئات دي عشان تعرف انت وصلت للفهم لحد فين .
---
مثال
التاجر رشح لي جهازين
دخلت على التاجر وقلت له إنك عايز لابتوب استيراد خارجي أو جديد 💻، وقام التاجر بكل بساطة رشح لي جهازين:
جهاز استيراد خارجي بمعالج i7
جهاز جديد بمعالج i5
---
---
طبعا مغمض بتختار الCore i7
في الحالة دي، لو التاجر رشح لك جهاز استيراد خارجي بمعالج i7 وجهاز جديد بمعالج i5، يبقى من الواضح إن i7 هو الخيار الأفضل من حيث الأداء 💥.
لكن هنا هقولك حاجة: أنا بنسبة 95% اختيارك هيكون غلط!
طيب فيه طريقة احدد فيهم مين البروسيسور الاقوي
اكيد طبعا يلا نبدأ.
---
إزاي تحدد مين فيهم البروسيسور الأقوى؟
هتسألني: طيب إزاي أعرف البروسيسور الأقوى؟! 🧐
الجواب بسيط:
الأنوية (cores): في المعالج هي المسؤولة عن تنفيذ المهام زي فتح الملفات، تشغيل الألعاب، والتطبيقات. كل ما كان عدد الأنوية أكبر، كل ما تقدر تعمل مهام أكتر في نفس الوقت. 🔄
لو عندك بروسيسور بـ 4 أنوية، هتقدر تنفذ 4 مهام في وقت واحد.
لو البروسيسور فيه 6 أنوية أو أكتر، هتقدر تنفذ مهام أكتر بنفس الوقت.
شوفت الموضوع سهل ازاي 😁.
واغلبية البروسيسورات بيبقي معاه تقنية Hyper-Threading (من Intel) أو Simultaneous Multithreading (من AMD)، ده بيخلي كل نواة تشتغل وكأنها نواتين، وبالتالي بيساعد في تحسين الأداء.
مثال :
البروسيسور عندي فيه 4 انوية وبيدعم خاصية hyber threading يبقي كده عندي
النواة الواحد بتشتغل كانها 2 يبقي عندي 8 انوية
طيب ليه ميشتغلوش ع طول 8 انوية ؟
لان لما الخاصية دي بتشتغل بيستهلك البروسيسور طاقة اكبر وبالتالي سخونية اكتر هو بيشتغل عند الحاجه عشان يزودلك العمر الافتراضي للبروسيسور ويحافظ ع الحراراة
بس كده خلصنا الانوية (cores).
التردد (Clock Speed) ⏱️
التردد هو سرعة المعالج في تنفيذ العمليات. كل ما الرقم كان أكبر، كل ما المعالج هينفذ المهام بسرعة أكتر.
لكن فيه حاجة اسمها Base Clock (السرعة الأساسية) و Turbo Clock (السرعة القصوى).
Base Clock: هي السرعة العادية للبروسيسور وبتكون بالجيجا هرتز
يعني مثلا (1.8ghz ) دي السرعه الاساسية .
Turbo Clock: هي السرعة القصوى اللي بيشتغل بيها البروسيسور لفترة قصيرة في الحالات اللي بتحتاج أداء عالي
وليكن مثلا (4.2ghz )
يبقي كده انا عندي البروسيسور سرعته الطبيعية (1.8ghz ) وفي حالة اني فتحت حاجات كتير ع الجهاز بيبدأ يعلي السرعه تدريجيا لحد ما توصل (4.2ghz )
طب ليه ميشتغلش ع طول بالتردد الأعلي ؟
الخاصية اللي فوق اسمها turbo boost مش بتشتغل ع طول عشان تحافظ ع البطارية السخونية مش معقول هتكون بتتفرج ع فيلم واشغلك الجهاز ع اقصي سرعه
الكاش (Cache) 🧳
مش قولنا قبل كده ان البروسيسور زي عقل الانسان وطب عقل الانسان مش ليه ذاكرة ( الكاش ده بقي ذاكرة البروسيسور )
بيتخزن عليه كل البيانات والامر اللي بيستخدمها الجهاز . وبيقي عبارة عن ٣ مستويات من الذاكرة في اغلب البروسيسورات ماعدا الاجيال القديمة ممكن يبقي مستوي او اتنين
أنواع الكاش (المستويات):
1. L1 Cache (Level 1):
الأقرب للمعالج والأسرع، لكنها صغيرة جدًا (عادة من 32KB إلى 128KB).
تخزن البيانات الأكثر استخدامًا.
مثال ( يعني ده الجزء اللي في عقلك فيه اسمك وسنك وعنوانك وساكن فين ومين اهلك )
2. L2 Cache (Level 2):
أبطأ من L1 لكنها أكبر (تتراوح بين 256KB إلى عدة ميجابايت).
تخزن بيانات إضافية تُستخدم بشكل متكرر.
مثال ( اصحابك وشغلك و القهوة اللي بتقعد عليها والمطاعم والاماكن اللي بتحب تروحها )
3. L3 Cache (Level 3):
أكبر وأبطأ من L2 (تصل إلى عشرات الميجابايت).
تشترك فيه جميع أنوية المعالج لتحسين الأداء.
مثال ( الاماكن الجديدة اللي اصحابك بيقترحوها - التاسكات اللي بتاخدها في شغلك بشكل متغير )
الجيل (Generation) والنوع (series ):
الحاجتين دول لما تفهمهم هتبقي عامل زي شامبليون اللي فك رموز حجر رشيد 😁 وهتعرف تفك رمز اي بروسيسور وتفهمه
هما حاجتين منفصلتين عن بعض لكن حسيت انهم لو اتشرحوا مع بعض الفكرة هتكون أحسن .
كل سنة intel و amd بي يصنعوا بروسيسورات جديدة وعشان نعرف البروسيسور ده تصنيع حديث ولا قديم وده بنسميه الجيل (سنة الإصدار ) .
النوع(series)
البروسيسور عموما مش بيتصنع لحاجه واحدة كل بروسيسور بيبقي موجه لحاجه معينة(جيمز - دراسه - مشاهدة يوتيوب وافلام ...)
دايما في التعليقات لو حد بيسال ع لاب تلاقي تعليق (بلاش بروسيسور فئة u وهات h احسن ) فتبدأ تقول ايه اللوغارتمات دي ومعناه ايه يلا بينا
هنذكر هنا 3 انواع رئيسية وباقي الانواع هنحطها في الكومنتات
H (high performance ) : بروسيسور مخصص للشغل التقيل سواء كان تصفح او مذاكرة ومتعدد المهام ومناسب جدا للالعاب وبرامج التصميم الهندسي ) في حالة وجود كارت شاشة قوي معه
U (ultra power saving ) :
معناه إن البروسيسور يستهلك طاقة قليلة، عشان البطارية تعيش أطول.
مناسب للشغل العادي زي التصفح والكتابة، مش للألعاب أو البرامج التقيلة.
عاوز تحس الموضوع وصلك ولا لا اختار اي نوعين بروسيسور وادخل قارن بينهم ع موقع (technical city - nano review )
او ابلكيشن ( cpu z )
انواع بروسيسور تقدر تختار اي اتنين وتقارنهم
I5 1135g7
I7 11800h
I7 13700h
I7 13650hx
R7 6800h
R5 5500u
R3 7320u
R5 7520u
R7 7730u
