24/05/2023
مؤخرا ناس كتير اتجهت للعمل الحر freelancing بشكل عام، سواءً
CS, digital marketing, trading...etc
معظم الناس في البداية بتفكر أن المجالات دي سهلة محتاج مجرد laptop وشهرين مذاكره وهتبدا تحقق أرباح خصوصا مع الحاجات إلي بتعرضها الـmedia بشكل سهل ومربح بشكل كبير وبتكون مجرد marketing لكورس مثلا أو بيقلك أنه هيبقي الـmentor بتاعك مع أن علي أرض الواقع هو بينصب عليك والناس بترجع تتصدم في الآخر.
في البوست ده هتكلم عن مجال منهم واقلك ليه صعب أوي تعمل فلوس أو تنجح بشكل عام في مجال التداول
وهبدا بأحد الأسباب الرئيسية وهي ليه أغلب المتداولين بيفشلو في المجال، وده بيكون بسبب أنهم بيقعو في حاجه إسمها دورة الموت (cycle of doom)
ودي ببساطة تبدأ بأنك كمتداول بتجيب استراتيجية سواءً عملتها بنفسك، نسختها من متداول تاني، أو حتي اشترتها مش هتفرق المهم معاك استراتيجية وهتبدا تتداول بفلوس حقيقة، تنطلق في الـ chart تبدأ تحقق أرباح وكل حاجه ماشيه كويس.
بعدين يبدأ يحصل الحاجه الي مفيش مفر منها، تبدأ تخسر فلوس، الاستراتيجية تبدأ تسحب فلوس من الـ trading account بتاعك ودي حاجه بتبقي upsetting لمعظم الناس، ففي الأغلب كأي حد بدأ يخسر فلوس هو أنه يشك في آلية الاستراتيجية بتاعته.
فتبدأ تعدل في الاستراتيجية، حاجات خفيفه هنا وهناك وبعدين ترجع تتداول تاني، تكسب شويه فلوس، تحس أنها الـ perfect strategy ويحصل إلي مفيش مفر منه تاني، تبدأ تخسر فلوس؛
كل استراتيجية بتمر بفترة خسارتها.
بس المرادي تشك بشكل أكبر في آلية الاستراتيجية فتعدل بحجم أكبر وتمر بنفس الـ loop دي تاني، وفي النهاية بعد كتير من التعديلات تفقد الثقة في الاستراتيجية نفسها وتقرر ترميها وتبدأ تدور علي واحده تانية وتستمر في الـ cycle of doom.
تلاقي غيرها ويحصل نفس الحاجه، تكسب في الأول، وبعدين تخسر، تعدل وهكذا وتفضل علي نفس الحال علي أمل انك تلاقي الـ perfect strategy لحد ما تستوعب أن الاستراتيجية المثالية doesn't exist. دلوقتي أنت محتاج تعرف ليه بتقع في الـ cycle دي وازي تتجنبها ؟
السبب الرئيسي الأول أنك هتكون محتاج يكون عندك ثقة في الاستراتيجية بتاعتك في التداول وازي تعمل ده، بأنك تعمل fully backtest للأستراتيجيه بتاعتك وتركز أنها تمر علي كل الـ historical data علشان تعرف الاستراتيجية هتأدي ازي في فترات الربح وفترات الخسارة، وفي اللحظة الي تعرف فيها فترات الخسارة مش هتفقد ثقتك في الاستراتيجية مع علمك أنها هترجع وتحققلك الأرباح إلي أنت شفتها في الـ back testing، وده كان أحد الأسباب الرئيسية إلي بتخلي المتداولين يفشلوا في تحقيق أرباح.
السبب الرئيسي التاني وهو أنه أغلب المتداولين بيبقي عندهم توقعات خطأ تماما، لأن أغلبهم قرأ عن ازي المدرسين بقا معاهم ملايين، وازي تقدر تتداول من قدام البحر من غير ما تعمل حاجه وتقدر تتخلي عن شغلك اليومي وتبقي غني وطبعا ده كلام هبل مجرد كلام marketing لأن ده عمره ما هيحصل بين ليلة والتانيه.
السبب الرئيسي التالت والي بيكون عبارة عن نصبايه وهي أنك تقدر تكسب فلوس كتير وتعمل ملايين بـ 500$ trading account من تاني ده مش هيحصل، طبعا ده لا يعني أنك متقدرش تعمل مكاسب محترمه من حساب تداول صغير لكن هيحتاج منك وقت كتير ومجهود كبير علشان تقدر تحقق ده، ليه بقلك كده ؟
لأنك هتلاقي الـ proker بيعرض عليك مكافآت علشان تنضم ليهم زي مثلا أعمل إيداع بـ 500$ وهتاخد شبهم، بيعملوا كده لسبب واحد وأنه همه عارفين أنك هتخسر كل فلوسك، لنفترض أن
الـ proker بيسجل 100 واحد كل اسبوع، كل واحد منهم عنده حساب بقيمة 500$ وده بيعتبر حساب صغير أيوه، دلوقتي همه عارفين أنك هتخسر الفلوس دي، الدولارات دي مع كمية المشتركين الجداد تُقدر مثلا بـ 2.5 مليون دولار ربح سنوياً للـ proker، ده بسبب أنك جاي بتوقعات غلط وأحلام خياليه ولما تشوف الواقع يكون عدي الوقت وخسرت فلوسك، علشان كده بنقول لازم تكون واقعي في طموحاتك أو إلي عايز تحققه من التداول.
آخر سبب موجود وهو الـ over leverage لأنه بتاخد مخاطرة ملهاش فايده وليه بيعملوا كده لأن عندهم أحلام غير واقعية محتاجة تتحق، محتاج تسئل نفسك ليه الـ porker بيعرض عليك 100,200,500 دولار leverage ده لأنهم عارفين عقلية الجشع لمعظم الناس وأنهم هيخسرو الفلوس ويقفلوا الحساب بعد ما الـ proker اخد كل فلوسهم.
في النهاية خلي بالك أنك تقع في الـ cycle of doom وخلي عندك توقعات وأحلام منطقية ولو قدرت تستوعب وتفهم الحقيقتين دول كويس هتبقي قطعت نص الطريق في أنك تكون متداول محترف.
