Ultra Technology

21/03/2023

البرنامج اليومي للـ ٣٠ يوم رمضان ان شاء الله

بسم الله :

١- الـ ٥ صلاوات في المسجد للشباب.
الـ ٥ صلاوات في وقتهم بدون تأخير للبنات.

٢- السُنن الراتبه ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء )

٣- صلاة الضحي ( بتبدأ من بعد شروق الشمس بـ ربع ساعه ... لحد قبيل أذان الظهر بـ ربع ساعه ..... أقلّها ركعتين لحد ٨ ركعات ..إنت وهمّتك )

٤- أذكار الصباح والمساء ( أذكار الصباح بعد الفجر .... وأذكار المساء بعد العصر ..... لو نسيت تقولهم في ميعادهم قولهم مجرد ما تفتكر المهم متسبهمش )

٥- صلاة التراويح
- للشباب .... في المسجد طبعا مع الإمام واختار إمام يكون صوته حلو علشان تحسّ بالصلاه

- للبنات .... الافضل إنك تصليها في البيت ... بس لو عاوزه تنزلي إنزلي باللبس المنضبط وبكامل وقارك ...مش هتعرفي خلّيكي في بيتكوا أفضل

٦- الصدقه ( جنيه واحد يوميا ... وانت خارج من صلاة العصر إعطيه لأول سائل يقابلك ..... يبقي عندك ٣٠ جنيه في الشهر كله ....ولو انت مُيسّر الحال وربنا موسّعها عليك تصدّق بما يليقُ بك ...وافتكر في النهايه ان انت احوج للصدقه وأجرها من الففير )

٧- عمره او حج أسبوعيا ( إختار يوم في الاسبوع بعد ما تصلي الفجر متطلعش من المسجد ... خلّيك في المسجد لحد الشروق ورمضان ده ساعه واحده فاصله بين الفجر والشروق يعنى تقدر تعملها كل يوم باذن الله ... قول الاذكار واقرأ قرآن ... لك بذلك أجر حجه وعمره تامه تامه تامه .... اعمل الموضوع ده ٤ مرات في الشهر )

٨- قراءة القرآن

- لأصحاب الهمم العاليه مش أقل من ٥ ختمات في الشهر .... بواقع ٥ أجزاء يومياً ... يعني هتختم كل ٦ أيام مره

- لأصحاب الهمم المتوسطه مش أقل ٣ ختمات في الشهر ... بواقع ٣ أجزاء يوميا .... يعني هتختم كل ١٠ أيام مره

- للمبتدئين وأصحاب المشاغل ... مش أقل من ختمه في الشهر .... بواقع جزء كل يوم فقط

٩- الدعاء ( عندك ٣ أوقات انا مسمّيهم وقت تحقيق المعجزات )

- الربع ساعه قبل الفطار
- الساعه اللي قبل الفجر
- اخر ساعه بعد العصر من كل جمعه

( طبعا إنت محضّر الادعيه والحاجات اللي نفسك فيها وبتتمناها في ورقه ...... لحّ علي ربنا في ال ٣ أوقات دول .... هتشوف دعائك بيتحقق بعد رمضان كفلق الصبح ) شرط انك تدعي بإخلاص ويقين وصدق

١٠- ركعتين في جوف الليل ( عاااااارف ياسيدي والله إنك صليت التراويح .... بس ده ميمنعش انك تصلي ركعتين خفاف في وقت النزول الالهي ... علشان تبقي مُميّز مش زيك زي الناس ) .... وكمان ربنا بيقول ( وتزوّدوا فإن خير الزاد التقوي )

--------------------

دول ١٠ خطوات .... قسماً غير حانث ... إنك لو داومت علي الـ ١٠ دول ....خلال الـ ٣٠ يوم ..... هيكون أحسن رمضان عيشته في حياتك ....وهتخرج من رمضان إنسان نقي تقي ..... كأنك لسه مولود .... مين عارف مش جايز رمضان السنه دي هو نقطة انطلاقك اللي كنت مستنّيها من زمان ؟ جايز

---------------------
وأخيرا

عاوز اطلب منك طلب

- إنك تشيّر الكلام ده ... علشان يوصل لأكبر عدد ممكن ..... وعلشان أجرك يزيد ( الدال عالخير له أجر فاعله )
🌹🌹🌹🌹🌹🌹🌹🌹🌹

24/08/2022

🔔فرصه عمل 🏃

18/11/2016

التلفونات الجامدة اللى محدش يعرف عنها حاجة
وان بلس تزيح الستار عن هاتفها الرائد OnePlus 3T

قامت شركة “وان بلس” الصينية بالكشف أخيرا عن هاتفها الرائد الجديد OnePlus 3T في الأسواق بسعر يبدأ من 439$, وذلك بعد العديد من الدعاية والتسريبات.
وذكرت الشركة قائمة بمواصفات الهاتف, وأكدت أنه سيأتي بمعالج سناب دراجون 821 بسرعة استجابة 2.35 جيجاهيرتز, ويمتع الهاتف بشاشة من نوع Amoled بحجم 5.5 بوصة, وبدقة 1920×1080 بيكسل.
والهاتف مزود بذاكرة وصول عشوائية 6 جيجابايت, وذاكرة داخلية تتنوع بين 64 جيجابايت و 128 جيجابايت, كما أنه يتميز بوجود كاميرا خلفية مزودة بمستشعر Sony IMX 298, ودقتها 16 ميجابكسل, بالإضافة إلى كاميرا أمامية دقتها 16 ميجابكسل بمستشعر Samsung 3P8SP.
ويحمل الهاتف ببطارية قوتها 3.400 ميللي أمبير, ويعمل بنظام التشغيل أندرويد مارشميلو 6.0, ويتوفر الهاتف الجديد بألوان كثيرة منها الذهبي والفضي,بالإضافة إلى اللون الجديد Gunmetal, وبالنسبة لسعر الهاتف, فالنسخة التي تأتي بذاكرة داخلية سعتها 64 جيجابايت سعرها 439$, والنسخة التي تحمل ذاكرة داخلية سعتها 128 جيجابايت فيصل سعرها إلى 479$.

18/11/2016

1- التعود على الرفض. 2- ابقاء الحلمعلى قيد الحياة. 3- التركيز على الثقافة. 4- تجاهل الرجل الصغير. 5- الحصول على مصدر الهام. 6- حافظ على تركيزك. 7- أن يكون لد...

16/11/2016

من حوالى 150 سنة حصلت ازمة اقتصادية فى امريكا .. وقتها حركة البيع والشراء وقفت تماماً .. الامر كان كارثة بمعني الكلمة .. واحد من الاسباب الرئيسية اللى ساعدت فى حل الازمة دي هي التخفيضات الجنونية اللى قام بيها التجار و اللى وصلت ل 99% من الاسعار الاصلية !! ومن يومها .. آخر يوم "جمعة" من شهر نوفمبر كل سنة بقي فى نفس التخفيضات .. و اليوم دة بقي معروف بأسم " الجمعة السوداء – Black Friday " .. وكل العالم بقي ينتظر اليوم دة عشان يستغله و يوفر
و ان كان لسه باقي 9 ايام تقريباً على آخر جمعة فى شهر نوفمبر .. الا ان " Udemy " اكبر منصة للتعلم عبر الانترنت قررت ان تخفيضاتها تبدأ من النهاردة وتستمر 10 ايام كاملة مش مجرد يوم ^_^
عشان كده الخبر دة بمثابة " الكنز " لكل واحد مهتم بالتطوير من ذاته و تعلم مهارات و اكتساب خبرات جديدة .. لان من النهاردة فى خصم 95% على اكثر من 35,000 كورس على Udemy :
https://goo.gl/b9CDMV
الكورسات فى كل المجالات تقريباً.. بداية من ال marketing الفوتوشوب ل تصميم المواقع و تطبيقات الاندرويد .. و البرمجة .. وصولاً لل PMP .. للشغل من البيت و ال Freelancing .. لكورسات ال English .. لل Excel .. للدافع عن النفس و ال Kickboxing .. و اليوجا .. لكل حاجة تخطر على بالك
عشان الصورة توضح اكتر حالياً اى كورس كان تمنه 200$ بقي ( 11$ ) بس ^_^ و السعر هيزيد كل يومين دولار .. بمعني انك لو كسلت النهاردة و بكره .. ف بعد بكره الكورس هيكون سعره 12$ " خصم 94% " .. السعر كل يومين هيزيد لحد ما يوصل اقصي حاجة 15$ " لازال خصم 90% .. ممتاز جداً " الكلام دة هيكون يوم 25/11 .. و اللى بعدها الخصم هينتهي تماماً ووقتها هتضطر تنتظر للسنة الجاية
https://goo.gl/b9CDMV
ياريت كل اللى سبق ليهم و استفادوا من كورسات Udemy يشاركونا تجربتهم .. بحيث تكون مرجع لينا كلنا
شوية توضيحات بسيطة :
– تقدر تدفع باي فيزا او ماستر كارد من اى بنك ( لو ممعكش ..اتصرف من اى حد .. هتلاقي كتير )
– بمجرد ما تشتري كورس .. بيفضل متاح ليك مدي الحياة .. تقدر تبدأ فية اى وقت و تعيدة اى عدد من المرات ” ميزة من مميزات الكورسات ال Online ”
– تقدر تسأل المحاضر فى اى وقت و تستفيد من خبرتة
–بمجرد ما تخلص اى كورس بنسبة 100% .. تقدر تاخد شهادة معتمدة من udemy مجاناً

16/11/2016

تواجهنا مشكلة فى تعلم الإنجلش وعدد كبير مننا عايز يبدأ من البداية
ده كورس English على موقع إدراك بالتعاون مع المعهد البريطانى
هتتعلم ايه فى الكورس ده :D
- هتتعرف على اللغة بصورة مبسطة
- قدامك فرصة تعرف نطق الكلمات بأسلوب متميز
- هتتعلم مفردات كتير ومهمة باللغة فى الحياة بوجه عام
- سيتم عرض فيديو لأشخاص يستخدمون اللغة الانجليزية بشكل طبيعى
الكورس فيه أسبوع خاص للمراجعة وهيساعدك تحافظ على اللغة
https://www.edraak.org/…/course-v1:BritishCouncil+Eng3+Q4-…/

15/11/2016

أدوبي ان ديزاين Adobe InDesign
من أسهل البرامج في التعليم مش هيحتاج منك غير يومين فقط برغم سهوله البرنامج إلا انه الأفضل في تخصص تصميم المطبوعات ^_^
يستخدم البرنامج في تصميم " الكتب والمجلات والمنشورات والملصقات وغيرها من أشكال المطبوعات "
مجال إنديزاين كبير ومربح سواء في العمل الحر او الخاص
كـورس أدوبي إن ديزاين :
https://www.youtube.com/playlist…
ـــــــ
حمل البرنامج نسخه تجريبية 30 يوم :
https://creative.adobe.com/products/download/indesign
ــــــــ
خد فكره لبعض مشاريع أدوبي ان ديزاين علي انفاتوا :
https://graphicriver.net/search…

15/11/2016

ازاي تكمل كورسOnline للـ آخر ؟ ^_^
قبل ما تعرف ازاي تكمل كورس اونلاين لآخره، لازم تعرف انك مش لوحدك ^_^ .. وان دي مشكلة عالمية في نظام التعليم الاونلاين ان نسبة كبيرة مش بتكمل الكورس لآخره، وفي أحسن الظروف النسبة بتوصل من 10 ل 15 % ..
مصريًا بقى ..
في دراسة عملها طلاب من كليات الطب في مصر عن استخدام طلاب الطب للكورسات الاونلاين، من بين 2106 طالب جاوبوا ع الاستبيان، 456 طالب سمعوا مصطلح MOOC وعارفينه قبل كدا، منهم 136 طالب انضموا لكورس اونلاين واحد على الاقل سابقًا، منهم 25 طالب فقط اللى أنهوا كورس وحصلوا على شهادة :"D فالموضوع مشكلة حقيقية.. هنا بقى لزتونة اللى هتساعدك عشان تكمل كورس للآخر..
1 - حدد الاول انت عايز تتعلم ايه، ويا سلام لو اللى هتحدده دا هيكون مفيد ليك سواء في مجال دراستك اللى بتحبها، او شغلك او اي شكل من اشكال الافادة.. اكتب كل الحاجات في ورقة ورتبها حسب الاهمية والاولوية..
2 - ابحث عن الكورسات اللى انت محددها مسبقًا في خطوة 1، عشان لو دخلت على موقع زي كورسيرا او ايدكس وانت مش محدد انت عايز تتعلم ايه بالظبط هتلاقي نفسك فجأة انضميت لخمس ست كورسات وطبعا مش هتكمل اي حاجة فيهم..
3 - شوف الفيديو التعريفي بالكورس، والوصف بتاعه، والمنهج اللى هيتشرح، ومين المحاضرين، واسم الجامعة.. بعد ما تشوف الكلام دا كله حدد بقى اذا كان الكورس دا على قدر توقعاتك للي عايز تتعلمه ولا لا.. جمع كل الكورسات بالمحتويات بتاعتها في ورقة محترمة كدا عشان تفاضل بينهم...
4 - متنضمش لكورس بشكل مباشر من عنوانه او وصفه! اصبر على نفسك يومين تلاتة كدا وقارن بين كل الكورسات المتاحة حسب المنهج بتاع كل كورس، وشوف الانسب ليك وبعدين قرر هتنضم لأيهم..
5 - أحيانا في كورسات بيبقى ليها متطلبات ودراسة سابقة وبيبقى متوضح دا في وصف الكورس. لو لقيت حاجة بالشكل دا يبقى الاول تتعلم وتوفر متطلبات الكورس وبعد كدا تنضم ليه، هما مش بيبقوا كاتبين الكلام دا منظرة يعني :"D.
6 - ادرس الكورس مع مجموعة من اصحابك، سواء بقى اصحاب في الحياة الواقعية او الافتراضية عشان تحمسوا بعض انكم تكملوا الكورس وتتناقشوا في محتويات المنهج اللي بتتعلموه..
7 - التخطيييط: مينفعش تسيب الموضوع عشوائي.. اعمل خطة محترمة كدا وجدول تمشي عليه بشكل ثابت كأنك رايح الجامعة بالظبط.. يعني مثلا يوم الجمعة من الساعة 7 للساعة 9 هتكون بتشوف كورس اونلاين وبتذاكر ليه عشان خلال خمس اسابيع تكون أنهيت الكورس مثلًا. مينفعش تسيب الموضوع عشوائي كدا وتقول انا فاضي النهاردة خمس دقايق اما ادخل اخطف فيديو ع السريع :"D.
8 - صفحات النقاش، والاسئلة، والامتحانات مش محطوطة غتاتة كدا بدون سبب والله! ابسلوتلي.. لازم تشارك في النقاشات، اطرح اسئلة، جاوب على اسئلة غيرك، حل الاختبارات، سلم مشاريع، شوف المشاريع اللى زمايلك بيسلموها...الخ دا هيخليك تلتزم شويتين تلاتة..
9 - خليك على تواصل مستمر مع زمايلك اللى بيدرسوا الكورس، والمحاضرين وفريق العمل وحاول تكون علاقات من الكورس دا على قد ما تقدر...
10 - حاول تعلم كل اللي هتتعلمه في الكورس للناس سواء بقى هتعلمه لزمايلك، جمهور عام، هتنشر بوستات عن كل محاضرة، هتعمل مدونة تحط عليها تلخيصات.. الخ.. افضل طرق التعلم على الاطلاق هي انك تعلم الناس الحاجة اللى انت بتتعلمها..
11 - أثناء الوقت اللى انت مخصصه للتعلم الاونلاين، اقفل كل وسائل ومواقع التواصل الاجتماعي وتجنب اي حاجة ممكن تشتتك.. وعشان انت مش هتقدر تعمل كدا ممكن تستخدم ادوات زي Stayfocused، self control وغيرهم..
12 - سجل ملاحظات أثناء مشاهدة الفيديوهات، وأفضل طرق تسجيل الملاحظات هي Cornell system، ابحثوا عنها على جوجل هتعرفوا بتتعمل ازاي، وممكن تستخدموها بردو في تسجيل المحاضرات في الكلية ورا الدكاترة...
لو عملت الحاجات دي فانت بنسبة كبيرة ان شاء الله هتضمن انك هتكمل الكورس لحد آخره وتحصل على شهادة، وخليك فاكر ان الموضوع كله شخصي أولًا وأخيرًا انت المتحكم الوحيد في مقدار تقدمك في عملية التعلم، عشان كدا لازم تكون حريص جدا انك تختار حاجة بتحبها او مفيدة ليك عشان تزود من قابليتك لإنهائها

14/11/2016