31/05/2026
ازاي "المنظرة الكدابة" تخليك مديون لـ 5 سنين قدام.. وازاي تنقذ نفسك من الفخ ده .!
جالي شاب في الاستشارة.. عنده 28 سنة.. بيقبض 12 ألف جنيه..
متجوز من سنة.. بس بيقولي: أنا عليا أقساط وقروض بـ 8 آلاف جنيه كل شهر.. ومش عايشين، وكل يوم خناق أنا ومراتي بسبب المصاريف .!
سألته: الديون دي كلها بتاعت إيه؟
قالي: فرح في قاعة بـ 80 ألف، وعفش مبالغ فيه عشان كلام الناس، وعربية قسط عشان البريستيج قدام نسايبي .!
بقوله:
أنت دمرت حاضرك ومستقبلك عشان ترضي ناس مش هتنفعك لما تتسجن بوصولات الأمانة..
أنت محتاج تعمل حاجة اسمها "الانسحاب التكتيكي" وفوراً .!
قولتله:
1- العربية دي تتباع فوراً.. تسد قسطها وتاخد المتبقي تسد بيه أكبر قرض عليك (طريقة كورة الثلج).. واركب مواصلات، مفيش حد أحسن من حد.
2- الكماليات اللي في البيت اللي ملهاش لازمة (شاشات زيادة، أجهزة متفتحتش) تتباع وتتسد بيها الديون الصغيرة.
3- تقعد مع مراتك وتفهمها إنكوا في "حالة طوارئ مالية" ومفيش خروجات ولا هدايا لمدة سنة لحد ما تفوقوا..
الشاب كان مصدوم من قسوة الحل.. بس نفذه لأنه مكنش قدامه حل تاني..
بعد سنة وشهرين بيكلمني.. صوته مرتاح وهادي..
بيقولي: يا كوتش احنا بعنا العربية وخلصنا 80% من الديون.. وبدأنا نتنفس ونعيش بمرتبي، ومراتي نزلت اشتغلت بتساعد، وعرفنا إن راحة البال ملهاش تمن .!
نام جعان وراسك مرفوعة.. ولا تنام شبعان والديون كاسرة عينك..
بلاش تلبس بدلة واسعة عليك عشان تعجب ناس مش هتدفعلك فاتورة الكهربا آخر الشهر .!
