24/01/2022
مساء الخير ♥️
بوست طويل شوية بس هيفيد ناس كتير ويعرفهم هما بيدفعوا فلوس في ايه بالظبط وهما بيشتروا ايفون
في ناس كتير متعرفش الفرق بين أنواع الأيفون ✅
✅وسؤال متكرر الايفون دا اصلي ولا لا
مفيش حاجة اسمها الايفون دا اصلي ولا لا الايفون لو شغال بنظام ios ف دا اصلي غير كدا يبقي اندرويد لكن الشكل يس ايفون
✅في ٤ انواع ف الايفون ولازم نبقي عارفينهم عشان واحنا بنجيب ايفون
النوع الأول : دا الإصدار الطبيعي جدا من الشركة اللى حضرتك بتشتريه جديد ومفيهوش اى مشكلة وبتمنه الطبيعي ال ابل اعلنت عنه وبيكون جديد تماما، ومفيش فرق ف الجوده فيه من اى دولة هتجيبه منها ، مصر زي امريكا زي الصين كله واحد ف الجودة وعلبته بالشكل الطبيعي ومرسوم عليه شكل الفون.
refurbished /النوع التاني ✅
ودا جهاز تم بيعه وظهر فيه عيب صناعه وتم ارجاعه للشركة، من خلال الضمان وتم اصلاح المشكلة وابل بتعرضة للبيع تاني بسعر اقل بحوالى ١٠٠ دولار او اكتر عن السعر الطبيعي وبيكون عليه ضمان سنه من ابل زي اي جهاز جديد ومفيش ان حد يشتريه مفيش مشاكل يعني ولا خوف المشكلة ان فى مصر المحلات بتبيعه على انه جديد ويقولك نو اكتيف بس اصل العلبة اتاخدت ف المطار 😂 وساعات بيكون ضمانه منتهي كمان ، فمفيش اي مشكلة انك تشتريه لو حابب بس تكون فعارف انت بتشتري ايه وانا الجهاز دا سعره اقل بكتير من العادي والنوع دا بيكون علبته لونها ابيض بالكامل ومكتوب عليها apple certified refurbished .
وطبعا بما انهم بيشيلوا العلبة ويرموها ويقولك من غير علبة ممكن تعملوا تشيك علي برنامج 3u tools او الافضل تتواصلوا مع دعم ابل
pre owned النوع الثالث ✅
ودا حهاز بيكون بتاع شخص وحابب انه يبدله من الشركة لاى سبب زي ان الجهاز وقع اتكسر فبيروح ابل يبدل الجهاز ويدفع فرق وياخد جهاز جديد ابل بتصلح الفون وتقفلة وتغلفه تاني وتبيعه بسعر اقل بردو حوالى ١٥٠ دولار وبيكون مكتوب علب
علبته Apple certified pre owned
وطبعا زي ماقولت ف مصر مفيش علب😁
✅النوع الرابع التجميع ودا علي الله حكايتة😂
هو ايفون وكل حاجة بس
بوردة من تحت السلم علي كاميرا من تحت السرير دا علي شاشة معرفش ايه كل حاجة من ناحية شكل وجهاز ملوش ملامح بس الناس اللي مش عارفة هتشوفه هتقول الله ايفون جديد بعلبته ورخيص ودا مش موجود ف مصر كتير بس موجود واللي بيشتغل فيه دول بقي اللي بينص بـــوا علي الناس رسمي وبيبعوه بنفس سعر الجهاز العادي
والجهاز دا لو ف علبة هيبقي حاجة من الاتنين يبقي السيريال اللي علبه غير اللي ع الفون يااما العلبة مضروبة والسريال مطبوع
✅النوع الاخير الايفون الهاي كوبي او ٢٥٠٠ و٣٠٠٠ جنية بتاع قناة حبيشة
ودا مش ايفون دا جهاز اندرويد علي شكل ايفون من بره حتي الفريم بتاعه مختلف 180 درجة واي حاجة مفروض يشوفة يعرفه لان بيبقي واضح جدا
ودا بقي انت تجيب واحد بزرار احسن واقيم منه😁
✅✅انك تعمل تشيك علي موقع ابل ف دا مش كفاية لانه هيقولك ان الجهاز اصلي عادي مش هيديك اي بيانات الجهاز دا اصلي ولا تجميع ولا معاد تصنيعه ولا اي حاجة
ف في حلين الحل الاول انك تعمل تشيك علي 3u tools ودا احيانا مش بيظهر البيانات دَقِيقة
او انك تكلم دعم ابل وتعمل تشيك معاهك بالسيريال ورقم الموديل او تعرضة علي حد فاهم ومتخصص ف المجال
