11/09/2020
هل فيه شركة عندها سيستم نتورك و معندهاش سنترال ؟! .. الإجابة هنا نسبية شوية و خلينا نعرف ليه ..
ببساطة أي شركة جواها عدد موظفين يتراوح من 10 فما فوق .. هتلاقي عندها سنترال داخلي .. ده شيء مفهوش نقاش .. الفكرة بقى في ايه ؟!!
إن زمان و لحد دلوقتي الشركات كانت بتعتمد على سنترالات الأنالوج .. زي باناسونيك مثلا و لحد يومنا هذا فيه شركات شغالة عليه ..
لكن زي ما احنا عارفين .. عن طريق كابل النتورك تقدر تنقل Voice عادي .. فظهرت سوليوشن سنترالات الفويب ..
سنترال الفويب ليه مميزات كتير جدا عن الأنالوج لانه الصوت بيتنقل عن طريق Digital Signals مش Analog Signals و ده بيديك جودة في الصوت ممتازة عن ال Analog
و شركات كتير (خصوصا خلال آخر 15 سنة) اتجهت لتحديث السنترالات بتاعتها من أنالوج ل VOIP
و خلي بالك إن أي سنترال في الدنيا .. عبارة عن جزئين مهمين :
أولا : ال VOIP Server
ثانيا : ال VOIP Phone
فيه شركات كتير بتقدم حلول في ال VOIP زي سيسكو مثلا .. زي دي لينك .. زي أفايا .. بس المشكلة و اللي بتقابل شركات كتير مكونة من جزئين:
الجزء الأول: إرتفاع التكلفة
الجزء الثاني: قلة المرونة .. و هنا أقصد إن لو هتعتمد على سيسكو .. فلازم VOIP Server من سيسكو و لازم عدد التليفونات برضه من سيسكو .. نفس الكلام على أفايا و هكذا
و من هنا بدأت شركات كتير تعتمد على نظام ال Asterisk .. و أقف بقى لحد هنا و ركز معايا
ال Asterisk عبارة عن VOIP Server متكود بلغة ال C و اهم ميزة فيه انه Open Source ..
و كون إن ال Asterisk Open Source ده فتح باب التطوير و شركات كتير اشتغلت على تطويره زي مثلا Elastix و Issabel و غيرهم
ميزة ال Asterisk إنه مفتوح المصدر و مجاني و بالتالي قليل في التكلفة للشركات سواء الصغيرة او المتوسطة او حتى الكبيرة ..
و ميزته بقى إنه بيقبل أي VOIP Phone بتشتغل على بروتوكول ال SIP و ال RTP
و ده في حد ذاته عمل طفرة لأن شركات كتير انتجت عدد تليفونات بتدعم ال SIP و ال RTP و تقدر تربطها بال Asterisk عادي جدا
و ده طبعا بيحقق معادلة قوية جدا و هي القيمة مقابل السعر ( منقول)
واحنا فى ITSworx بنقدم لكم مجموعة كبيرة الاختيارات اللى تناسب حجم اعمالك .
