Iideal System

29/06/2024

لو الكهربا قطعت وحد فالاسانسير
تتصرف ازاي
بص اولا هتطلع انت وحد معاك غرفة الاسانسير
واول حاجه تعملها لازم تنزل سكينة الكهربا
هتلاقيها فلوحة الكهربا
لانه ربما ترجع وانت بترفعه او بتنزله
بعدها الدراع اللي مكتوب عليه فرامل ده
هتسحبه يمين او شمال مش هتفرق
وتدور بايدك الحدافه اللي بالصوره هتلاقيه بيرفع معاك
او لفه الناحيه التانيه هينزل وفيه علامات علي الواير
لما تيجي عند القواعد بتاع الحدافه هيبقي كده الاسنساير
قصاد الباب بالظبط وبالتالي اللي جوا هيقدر يفتح ويخرج
ركز فكلامي كويس لو مش شادد الفرامل مش هتتحرك ركز
قولت اول خطوه نفصل ايه
الكهربا
صلي عالنبي وشير يمكن تنفع حد

21/11/2022

عشان تنجح في شغلك صح:-

1- اوعى تستنى كلمة شكرأً من مديرك او من اى حد من زمايلك .
2- ماتقارنش نفسك باى شخص - دايما المقارنات بتخلق صراعات ملهاش اى لازمة .
3- اوعى تقول ده مرتبه اعلى وانا اقل - انت رضيت تشتغل بالمرتب ده فـ ملهاش لازمة المقارنة .
4- خليك دايماً متاكد ان ربنا مش هيضيع تعبك .
5- اوعى تنسحب من مكانك و تاخد قرار انك تمشى عشان زميلك مش بيحبك او مشكلة شخصية مع حد معاك فى الشغل او مديرك متضايق منك ( كل حاجة بتاخد وقتها و بتخلص ) .
6- المقولة دى خليها دايماً قدامك ( الشغل احسن من الكلام ) فركز فى شغلك احسن .
7- اوعى تحكى موقف شخصى او اى حاجة شخصية فى الشغل مكان الشغل خاص بالشغل .
8- اوعى تدخل فى مناقشة مع اى شخص فاكر نفسة علامة عصرة و مجاله و مش بيقبل وجهة النظر.
9- للاسف معظم الادارات بتبقى عاملة احزاب وكل اتنين او تلاته بيجاملوا بعض على حساب الشغل .
10- الراتب الشهرى لو انت شايف ان مرتبك قليل - قدم طلب زيادة - شوف فرصة تانية بس هتقعد تقول شركة ظالمة وتفضل قاعد بالسنين بتتكلم و خلاص ( ده فشل ) .
11- كل 6 شهور لازم على الأقل تعمل إنترفيو - تشوف السوق وصل لايه و ثمنك في السوق و تعرف عيوبك وتطور نفسك .
12- احترام شغلك و ما تقللش منه .. إنت مهم .. سامعني ؟ .. إنت مهم .
13- اوعى تفضل تسقف و تهلل لاى حد عشان انت خايف على اكل عيشك .. صدقنى رزقك فى ايد ربنا .
14- احترامك لنفسك معناه احترام الناس ليك - اوعى تدى حد اكتر من حجمه فى اى حاجة.

21/11/2022

🙄🙄

16/11/2022