EAX Systems

22/06/2023

لأكثر من 36 سنة واي شركة او مؤسسة او حتى مشروع صغير معتمده اعتماد كلي وأساسي على برنامج الإكسل سواء من مايكروسوفت أو جوجل او libreoffice …إلخ, سواء لإدارة شؤون الموظفين او المبيعات او المخازن والمنتجات وما إلى ذلك من باقي نواحي الشغل.
وده بسبب سهولة استخدامه وقلة تكاليف استخدامه ان مكنتش منعدمة, وده على فكرة كويس اوي لو انت بزنس صغير اوي والدنيا عندك على أد الإيد ومفيش نمو كبير محتمل.

بس لو انت عندك بزنس أيا كان حجمه ومهتم البزنس ده يكبر بسهولة ومتقابلش أي مشكلة قدام فأنت مينفعش إطلاقا تعتمد على حاجة زي الإكسل أبدا. ولازم تبدأ في استخدام ERP System, وده بيسمى في علم الإدارة Ability to grow , يعني مدى قابليتك للنمو وتحملك للنمو الفترة الحالية والقادمة.
كمثال شهير أوي على كده أول ما مطعم ماك الشهير قرر يبدأ يشتغل, كان فاتح في نفس مكان برجر كينج واللي ساعتها كان أشهر مطعم برجر.
وبسبب قلة خبرة ماك وعظمة خبرة فريق ادارة برجر كينج, قفلوا الفرع ده وكتبوا عليه "مغلق للصيانة لمدة اسبوع"
تفاجأ الجمع الغفير اللي كان بيجي لبرجر كينج بالإغلاق المفاجئ ده. فقرروا انهم يتجهوا للمكان الجديد ده بما انه كده كده بيقدم نفس نوع الأكل
طبعا من وجهة نظر ماك : ياااه الصدفة العظيمة دي, كل الزباين دي هتيجي لينا, بس ماك في الحقيقة فشل في انه يتحمل الكم الهائل ده من الطلبات لانه مكنش عنده ability to grow بسبب سوء تقدير الموقف.

ولذلك اعتمادك على حاجة صغيرة وضعيفة (في بعض النقاط الهامة) زي شيتات الإكسل هيلغي عندك ال ability to grow نهائيا وده لشوية أسباب:

1- اخر وضع , اخر وضع تماما, نهائي بعد التعديل:
شغلك بشيتات الإكسل بيخليك شغال على اكتر من ملف وكل ملف محدث لوقت معين وكل شخص بيشوف نسخة من الملف بتحديث مختلف
حتى لو استخدمت نسخة اكسل سحابية زي اوفيس365 او جوجل شيت, فانت قللت المشكلة شوية مش اكتر, يظل الملف لازم يحدث يدويا
يعني لو موظف عمل عملية بيع ونسي يحدث الإستوك او حصلت عملية بيع تانية قبل التحديث فانت حرفيا بتخسر عملاؤك بمعنى الكلمة.

2- بسبب التعديل اليدوي وتدخل العامل البشري بشكل كبيييير في الموضوع فده بيخلي الشيت فيه كمية اخطاء غير طبيعية, وعدم دقة البيانات المدخلة او حتى خطأ بسيط من الداتا انتري.

3- الإكسل فقير جدا في موضوع التقارير, متقدرش تاخد منه تقارير مفيدة وقيمة تعتمد فيها على اتخاذ قرار ابدا, زائد انه مفتقر لخاصية ال real time data tracking بمعنى ان الداتا بتتحدث بشكل متاخر عن وقت حدوثها, وده طبعا بفرض ان الموظفين شغالين في لحظتها على الشيت ومحدش ناسي يحدث الداتا او بيفكر مثلا يجمع شوية تحديثات ويدخلها.

صحيح ال ERP يعتبر من أكبر الاستثمارات اللي ممكن اي شركة تعملها, لكن زي ما قلتلك هو "استثمار" يعني اللي بتدفعه فيه مش هيروح بالعكس هيرجع عليك بالفائدة الكبيرة جدا, ومش شرط تستتخدم حل ERP بالشكل المعروف, ممكن تخلي اي software house يعمل لشركتك custom solution يناسب طبيعة شغل شركتك ويكون مناسب لميزانيتك.

#شغل #المبيعات

16/01/2023

كتير من الدراسات بتقول أن قرابة ٨٠٪؜ من الشركات الناشئة بيكون مصيرها الفشل, بسبب التحديات اللي بتواجهها في مرحلة تأسيس الشركة. واللي لازم متغفلش عنها أبدا, لذلك من المهم تفهم أهم أسباب فشل الشركات الناشئة واللي ممكن نلخص أهمها في 4 نقاط:

1- إهمال العملاء

عميلك لو موصلوش انك مشغل البزنس كله عشانه لوحده وبس وانه محور الكون بالنسبالك, مش هيحس باي انتماء ليك وبالتالي انت كده حطمت مبدأ من أهم مبادئ التسويق وهو ولاء العميل, ببساطة العميل هيشوف حد ميحسش معاه بالشعور ده, وده اللي شركة Apple بتعمله مع عملاؤها لدرجة ان كل عميل بتحس ان فيه علاقة عاطفية بي كل عميل وبين منتجات الشركة, وعشان تحافظ على عميلك وتعرف تهتم بيه لازم يبقى عندك CRM وده نظام كل مهمته الاهتمام بالعملاء وتجميع البيانات عنهم وتحليلها وتحسين علاقتك معاهم.

2- الإعتماد على أساليب الإدارة التقليدية

لو انت لحد دلوقت معتمد على حاجة زي Excel في إدارة مشاريعك وحساباتك المالية ..إلخ فانت حرفيا بتهدر وقت ومبالغ وعمالة عالفاضي, كتير من المهام دي واكتر ممكن تتنفذ عن طريق نظام ERP واللي بيجمعلك إدارة الشركة كلها في مكان واحد وبيختصر كتير من الوقت في مهام تقليدية بكفاءة اكبر ووقت اقل وتكاليف اقل بكتير, وهتلاقي على الصفحة مقالة عن يعني ايه ERP بالتفصيل.

3- ضعف التسويق

منتجك او خدمتك لو أروع حاجة فالدنيا بس مسوقتش ليه صح يبقى قيمته صفر, والتسويق مش مجرد إعلان هتعمله او بوست هتكتبه, ده خطة واستراتيجيات وصبر وتحليل نتائج, فلازم تختار ال marketing agency المناسب واللي يقدر ينفذ خطة تسويقية بإحترافية.

4- الإفتقار للخبرة

ممكن تكون فكرتك عبقرية وملهاش مثيل والفائدة منها كبيييييرة جدا بس انت لو معندكش خبرة في المجال ده مش هتعرف تتخطى اي مشكلة او عقبة تقابلك, زي بالظبط شركة " Le Planneur"، المتخصصة في تنظيم الاحتفالات والمناسبات, منجحتش انها تنظم اي مناسبة إطلاقا لان اصحاب الشركة مكنش عندهم اي خبرة في المجال وكان بالنسبالهم مشروع فلوس وبس, وطبعا الشركة قفلت سريعا.

دي مش كل الأسباب بس أهم الأسباب اللي ممكن تلخص حال الشركات الناشئة اللي فشلت في إكمال مهمتها, حاول متبقاش منهم وتخطى المشاكل دي

11/01/2023

لو انت صاحب شركة مقاولات او مدير لشركة في مجال البناء عموما
فأنت أكيد فاهم كويس انك بتدير عمليات أعمال البناء الشاملة ، بدءًا من إدارة المشاريع والعقود ، وإدارة المحاسبة ، وإدارة المخزون ، وإدارة الأصول ، إلى إدارة الموارد البشرية. بالإضافة إلى حساب مخطط تسعير لمساعدتك في جمع جميع المعلومات عن تكاليف الإنشاء.
إلى جانب طبعا الخامات وإنتاج أعلى جودة بأقل التكاليف وأعلى مرونة.

ولذلك اعتمادك على حاجة زي الإكسل Excel مثلا هيكون عمل شاق وغير مجدي إطلاقا
وطبعا مش محتاج أقولك انك مينفعش تعتمد على الورق فقط :)

خلينا نلخص فوائد استخدامك للـ ERP في حالة شركات أعمال البناء في 5 نقاط:

1- أفضل تخطيط للمشروع
التخطيط الغير سليم في إطار شركات الإنشاءات شيء كارثي, نتيجته إتمام المشاريع دون المستوى المطلوب وحتى انهيار الشركة. بجانب خسائر فادحة في شكل تكاليف العمالة وخسارة العملاء بسبب تأخير التسليم. والأهم إن التأخير في تسليم المشروع بسبب نقص التخطيط ينعكس بشكل سيء جدا على سمعة الشركة.
كمان التخطيط للمواد الخام المطلوبة والاستخدام الفعال للعمالة والجداول الزمنية أمر مهم جدا.
الERP يقدر يقيس نسبة اكتمال المشروع والموارد المستخدمة والمهدرة والمتبقية في الميزانية. بالإضافة طبعا لإدارة الرواتب ومحاسبة العمالة اليومية.

2- تبسيط إدارة المشروع
توزيع المهام ومراقبة تقدم المشروع في مختلف مواقع البناء هو تحدي مهم لشركات المقاولات.
الـ ERP بيمكنك من تتبع الوقت اللي بيقضيه كل موظف في كل مهمة. ومتابعة تقدم تنفيذ المشروع ومراقبة إستهلاك الموارد والمواد.

3- تسهيل التقديرات المالية (التكاليف - والأرباح)
معظم شركات المقاولات بتشتغل على أساس تعاقدي مع عملائها. وبالتالي قبل كسب عطاء معين لمشروع ما ، لازم شركتك تقدم العطاء بالتكاليف المقدرة للمشروع.
نظام الـ(ERP) يقدر يقدرلك احتياجاتك المطلوبه للمواد الخام والعمالة ومدة تنفيذ المشروع والمراحل. والأهم التكاليف المتوقعة. وبالتالي حساب مقدار الإيرادات والخسارة والأرباح من كل مشروع, وبالتأكيد إصدار الفواتير والعقود بشكل تلقائي وسلس.
كمان تقدر تدير العهد المالية لكل موظف وإنفاقاته ومتابعة الإنفاق بالفواتير.

4- تبادل المعلومات بين أقسام شركتك
نوعية العمل في شركات المقاولات تتطلب التعامل مع أكثر من عميل في وقت واحد وكل عميل التعامل معاه ممكن يمتد لسنين. وبالتالي. إدارة البيانات وتجميعها لأكثر من عميل وأكثر من مشروع وعلى مدى طويل في شكل جداول Excel أو عروض PowerPoint غير فعالة إطلاقا وغير عملية ، ناهيك عن أن دي مش طريقة آمنة.
لكن الـ (ERP) بيسهل إدارة وتبادل البيانات بشكل آمن وتجميع بيانات مشاريع كل عميل وكمان تقدر تعمل قيود للبيانات دي مين يطلع عليها أو يعدلها .. الخ.

5- إتخاذ القرارات المناسبة
كون الـ ERP نظام مركزي سواء داخلي او سحابي (على الانترنت) ده بيوفرلك رؤية شاملة قبل اتخاذ القرارات. غير السهولة الكبيرة في استخراج التقارير في ثوان من مكتبك أو حتى بيتك !
على سبيل المثال لو المشروع محتاج في الوقت الحالي شراء مواد خام يقدر مدير المشتريات يعمل امر الشراء على النظام للمشروع وبالمواد المقدرة ويرسل الطلب لقسم المحاسبة يتوافق عليه كل ده من غير ما أي شخص يغادر مكتبه. وطبعا انت تقدر تتابع وتشوف كل ده.

الخاتمة
الـ ERP بيخلصك من العمليات اليدوية والمستهلكة للوقت والعمالة. ومتابعة حالة مشاريعك بدقة من اي مكان, وبالتالي نفقات اقل, ارباح اكتر, سمعة افضل

#إدارة
#المحاسبة #مقاولات

31/12/2022

ازاي الذكاء الاصطناعي ممكن يساعدك في شركتك

الذكاء الاصطناعي Artificial intelligence

هو محاولة من أجهزة الكمبيوتر لمحاكاة طريقة التفكير البشرية، بحيث يساعدك في معظم الأعمال ومعظم أقسام شركتك

بس الاول لازم تفهم أن الذكاء الاصطناعي هو مجرد أداة هتساعدك وهتقدملك مساعدة كبيرة كمان، بس لايمكن الاعتماد عليها كليا من غير تدخل بشري.

خلينا نرتب أفكارنا واعرفك ازاي هتقدر تستفيد من الذكاء الاصطناعي في شركتك

١- المبيعات

حسب إحصائية من جامعة هارفارد أن الشركات اللي اعتمدت على الذكاء الاصطناعي في المبيعات قلت الاتفاقات عندهم من ٤٠ ل ٦٠٪ وده رقم ضخم جدا

الذكاء الاصطناعي يقدر يحلل بيانات عملائك ويخلق نشرات اخبارية ورسائل مناسبة لكل شريحة عملاء وممكن لكل عميل على حدة لو انت بتتعامل مع عملاء محددين بس لفترات طويلة زي شركات المقاولات مثلا

وبكده كل عميل هيكون واصله فكرة انك مجهز حد يهتم بيه لوحده باستمرار وده بيدي انطباع جيد جدا للعميل، بس طبعا لازم يكون عندك نظام CRM قوي لمتابعة العملاء وتجميع بياناتهم

٢- التسويق

أما عن استخدام الذكاء الاصطناعي في التسويق فحدث ولا حرج ، وأشهر مثال عليه هو تحليل بيانات الحملات التسويقية وتحسين تلقائي لمحركات البحث وتوليد كلمات دلالية keywords مناسبة.

٣- خدمة ورعاية العملاء

أهم ما في الأمر هو العميل، لازم عميلك يحس انك مهتم بيه اهتمام خاص وقلبك عليه، وهنا الذكاء الاصطناعي قدر يخرج لنا بحل رائع وهو ال chatbots

وده عبارة عن برنامج بيرد على رسائل العملاء وتعليقاتهم بس مش بردود جاهزة وانت كاتبها مسبقا، لا هو بيحلل التعليقات والرسائل وبيخرج بأفضل رساله ممكن يكتبها تخلي العميل يحس أنه بيكلم انسان وده بيدي انطباع لعميلك انك ٢٤ ساعة سهران عشانه

وحسب الاحصائيات أن الشركات اللي بتهتم بتعليقات العملاء وترد عليهم ليزيد نسبة ولاء العملاء ليهم اكتر من ٤٥٪ من باقي الشركات

٤- الحسابات

طبعا مش محتاج اقولك أن حساباتك المالية مهما كانت معقدة ومتكررة ,الذكاء الاصطناعي عنده قدرة كبيرة على إنجاز المهام المتكررة الروتينية والمعقدة شكل سريع ويعملك التقارير المطلوبة ويسيبك بس تركز على أعمالك الإبداعية

بس طبعا مينفعش شركتك تقرر تعتمد على الذكاء الاصطناعي وهي متعرفش يعني ERP system أو CRM software

متقلقش عاملين حسابنا

https://www.linkedin.com/feed/update/urn:li:activity:7014524770570387456

#التسويق #المبيعات

يعني ايه نظام ERP وليه شركتك او مشروعك محتاجه؟ نظام ال ERP هو اختصار لجملة Enterprise Resource Planning واللي معناها نظام تخطيط موارد المؤسسة طبعا انت مقرأتش…

31/12/2022

ليه شركتك لازم يكون فيها
Internal Communication system
او نظام تواصل داخلي

نظام التواصل الداخلي عبارة عن software جوا الشركة بيخلي الموظفين يتواصلوا بيه داخليا سواء مع بعضهم او مع ادارة الشركة

وده بيحقق لأي شركة 3 فوائد على سبيل المثال لا الحصر:
لو عملائك بيجولك شركتك ويقعدوا مع موظفين الشركة, فاي تواصل بين الموظف اللي قاعد قدامه وموظف تاني او مدير بالموبايل هيكون شكله ضعيف قدام عميلك ومش احترافي وهيدي احساس لعميلك ان مفيش نظام في شركتك (افتكر ان العميل بيشوف منظرك قبل جودة منتجك).
تقدر تعمل اجتماعاتك مع اي حد من الشركة سواء صوت او صوت وصورة بسهولة من غير اهدار للوقت لأنك ممكن تتواصل مع حد برا الشركة اصلا عن طريق الانترنت لو النظام سحابي.
تقدر تشارك اي تنبيه او رسالة محتاج توصلها للموظفين او لمجموعة معينة بسهولة وتوصله للكمبيوتر في مكتبه او على تطبيق الموبايل.

والأنظمة دي بتكون سحابية او محلية حسب احتياجاتك, وبالتالي لازم تختار شركة تقدر تنفذلك النظام ده بحيث يناسب احتياجاتك بجودة عالية, زينا كده

31/12/2022

إزاي الحوسبة السحابية (Cloud Computing) مفيدة جدا لشركتك؟ و ايه هو اساسا ال cloud computing

ال cloud computing ببساطة هو عبارة عن انك تستخدم أي خدمة عن طريق الانترنت.
طب ايه الجديد يعني , ايه المبهر؟

الخدمات دي بتكون موجودة بشكل اساسي على الانترنت يعني مش محتاج تكون منزل برنامج او بتستخدم جهاز معين (كومبيوتر - موبايل - الخ) عشان تستخدمها

طب ازاي ممكن الخدمات دي تفيدك في شركتك؟

1- صفر تكاليف تشغيل
انت مش محتاج تشتري سيرفرات جوا شركتك او برامج او حتى وحدات تخزين! كل خدماتك موجودة على الانترنت وبالتالي مفيش تكاليف تشغيل ولا تكاليف صيانة .. الخ , وكمان بدون ما تتكلف تمن شراء البرنامج بشكل كامل
والاجمل في الموضوع انك بتتحاسب بمبدأ pay-as-you-go يعني ادفع اللي انت استخدمته بس!

2- التخزين
انت مش محتاج اطلاقا تخزن اي داتا تهمك في وحدات تخزين جوا الشركة او تشيل هم انك تهيأ سرفر تخزين او وحدة تخزين احتياطي, ولو حصل مشكلة فيها كل الداتا هتروح منك, غير انك بتدفع مبلغ كبير نسبيا في وحدات تخزين البيانات.

3- الوصول من اي مكان
كون ان شركتك معتمدة على الخدمات السحابية فانت تقدر تعتبر الشركة دي معاك في كل مكان
تقدر توصل لاي داتا تعوزها من اي مكان ومن اي جهاز, وفي اي وقت وتقدر تتابع شغلك لحظة بلحظة

مثال على كل اللي قلناه انظمة الإدارة السحابية زي برامج ادارة الماليات مثلا
كل اللي عليك بتشترك بشكل شهري في الخدمة وبتفتح النظام بشكل كلي من على الانترنت من غير ما تشيل هم installation او updates

30/12/2022

ازاي تستغل الهواتف الذكية لصالح شركتك
#تسويق

30/12/2022

يعني ايه نظام ERP وليه شركتك او مشروعك محتاجه؟

نظام ال ERP هو اختصار لجملة Enterprise Resource Planning واللي معناها نظام تخطيط موارد المؤسسة

طبعا انت مقرأتش الجملة أساسا ولا فهمت العربي حتى مش مهم ركز معايا وهتفهم

ببساطة ده برنامج (على الانترنت او محلي في شركتك) بيخليك تحول كل التعاملات الورقية لتعامل رقمي
يعني مش هتحتاج دفتر او حتى اكسل شيت عشان تتابع المخزن مثلا او الطلبات او صرفت اد ايه وربحت اد ايه
شئون موظفينك من بيانات واجازات ومرتبات ..الخ موجودة عليه
مش محتاج اقولك انه هيربط مع نظام الضريبة الالكتروني الجديد ويريحك من النقطة دي تماما
لو عندك فواتير او عقود النظام ده ممكن يعملها بسهولة

وممكن مثلا لو عندك موظفين بيستلموا عهد انك تتابع العهد دي كام واتصرف اد ايه وليه وفين وازاي

لو شغلك زي شركة مقاولات مثلا ومشاريعك طويلة الامد وبتتقسم لمراحل فالنظام ده هيساعدك انك تسجل المراحل دي بكل تفاصيلها (الانفاقات - العوائد - الموارد )

يعني ايه بقى (ممكن مثلا) دي , هو النظام ده بيتعملي مخصوص؟

نظام الERP مصمم انه يتبني عن طريق وحدات (Modules) زي وحدة الHR - المبيعات - العملاء - التخطيط ..الخ بحيث ايا كان البيزنس بتاعك تقدر تستفيد منه ويتظبط على مقاسك

ولو لسه عندم حاجة محتاج تعرفها, كلمنا , لا مش شرط موبايل ممكن رسالة او كومنت عادي هنرد برضو