17/02/2018
كلنا بنسمع عن ال six sigma و معظمنا خلاص بقى عارفها لكن ظهر في الفترة الاخيرة حاجه تانيه اسمها lean six sigma و ناس كتير لسه مش عارفاها او فاكراها هي هي ال six sigma لكن في الحقيقة ده غلط تماما و عشان كده حبينا نوضحلكو بإختصار ايه هي ال lean six sigma عشان نفرق بينهم.
ال lean six sigma ببساطة بتتكون من جزءين ال lean و six sigma و كل جزء فيهم بيركز على حاجه معينة , اول حاجه عندنا ال lean و هي ببساطة بتركز على ازالة اي هدر بيحصل في وسط العمليات التشغيلية اللي بتحصل في المؤسسة و العمليات دي على سبيل المثال لو انت مصنع بينتج ملابس فانت عشان المنتج بتاعك يوصل للعميل بيمر بعمليات كتيره من اول استيراد المواد الخام لحد تصنيعه و تخزينة لحد ما يوصل للعميل , كل دي عمليات بتتم و عدم جودتها و قلة كفاءتها بيؤدي لهدر زي انك لما تنتج 100 قطعة ملابس تلاقي ان 60 قطعة فقط خارجين بشكل جيد و ال 40 قطعه فيهم عيوب صناعة فلما بتوصل للعميل بيرجعهم ليك تاني و ده بيؤدي لمصاريف اضافيه كتير جدا غير الصورة الذهنيه السيئة اللي بتتكون عند العميل و هنا يجي دور ال lean اللي بتركز على ازالة اي هدر بيحصل بالتركيز على جودة و كفاءة العمليات دي.
نيجي للجزء التاني وهو ال six sigma و هنا بقى بيتم التركيز على حاجه تانيه خالص و هي عبارة عن منهج بيتم القياس عليه درجة ثبات و انتظام مستوى الخدمة و الاداء عند درجه معينه متنزلش عنها يعني ببساطة لو انت شركة شحن و بتوصل المنتج لكل عملاءك في خلال ساعة من ساعة طلب المنتج فانت هنا لو مفيش منهج للقياس و المراقبة هتلاقي انك بتوصل مرة في ساعة و مرة في ساعة و نص و مره ساعتين و هو ده بالظبط عدم انتظام مستوى جودة الخدمه اللي بتقدمها واللي بيقدر يحافظ عليها و يكشفها منهج ال six sigma اللي بتتبعة من خلال قواعد و آليات صارمة بتحافظلك على مستوى الاداء و بالتالي مستوى الجودة اللي بتقدمها للعميل.
يعني ببساطة ال lean و six sigma الاتنين مع بعض بيشتغلوا لهدف واحد هو الحفاظ على مستوى الجودة العالية الي بيتم تقديمها للعميل من خلال ضمان الحفاظ على تقديم اداء قوي و ثابت للعمليات التشغيلية من خلال القضاء على الهدر و القضاء على اي تذبذب في اداء العمليات دي
لو مهتم انك تعرف اكتر عن شهادة ال lean six sigma و اهميتها و ازاي قدرت تنقل شركات كبيرة و معروفه نقلات عظيمة
سجل على اللينك ده واحنا هنكلمك 👇
https://goo.gl/x2pM76
أو أتصل بينا علي الرقم ده 01028332844 و هنجاوبك على كل استفساراتك
