31/07/2016
Introduction
ما هو السوفت وير ؟
يعنى ايه سوفت وير يا برنس
بص يا سيدى
كل الاجهزة الحديثة سواء موبيل او كمبيوتر او ريسيفر او غسالة اوتوماتيك :-)
اه غسالة
الحاجات دى بتشتغل ب ايه مكونات مادية او اجزاء اللى بنقول عليها "قطع الهارد وير"
وقطعة هارد وير مهمة اسمها المايكرو بروسيسور هى دى بقى المدير اللى بيوزع الشغل على الموظفين بتوعه اللى هما باقى قطع الهارد وير
احنا لسة اهو مجبناش سيرة الموبيل ^_^
المهم الميكرو بروسيسور ده عشان يفهم انه ميكرو بروسيسور ويعرف يعالج ويتفاعل مع باقى الفريق بتاعه لازم يكون ليه نظام
Os. : operating system
نظام تشغيل خاص بيه
هو ده بقى السوفت وير
نظام اتكتب مخصوص بوظائف وأوامر معينة عشان يقوم بعمليات محددة واللى بيتحكم فى الكلام ده المبرمج اللى كتب نظام التشغيل ده
السوفت وير هو حاجة مش ملموسة بس موجودة
ولولا وجوده
قطع الهارد وير دى مش هتلاقى حد يعرفها ايه المطلوب منها
ها استوعبت ايه هى فكرة السوفت وير ؟
طيب
لو حبينا نتكلم بطريقة عملية شوية الموبيل بقى يا عم
انا حابب أبدأ بالموبيل النوكيا على سبيل المثال
جهاز 1100 ^^
ابو كشاف ده
مش ده جهاز مكون من قطع هارد وير مادية
اه
شاشة وسماعة والكشاف وكل الأجزاء الداخلية من ic ومقومات وليلة
حلو الكلام
والجهاز ده كمان شغال بميكرو بروسيسور
جميل
يبقى اكيد ليه نظام تشغيل خاص بيه
السوفت وير بتاعه يا معلم
طيب بيتكون من ايه بقى
بص يا سيدى الجهاز ده بيقع تحت فئة اسمها اجهزة الDct4
هنفهم الكلام ده بالتفصيل بعدين
المهم
مكونات سوفت وير الفئة دى 3ملفات رئيسية
هى :-
Mcu : ودى ملفات النظام الاساسية والملف الأكبر حجما
Ppm : وده بيكون فيه ملفات اللغة والمودم واجهة المستخدم
Cnt : وده شوية الاوبشن زى التطبيقات الألعاب المنبه والاكتشاف :-)
ده توضيح بسيط عن مكونات السوفت وير الخاص بجازان نوكيا 1100 ابو كشاف
طولنا عليكم بس ياريت يكون المعنى من المقدمة وصل والناس تفهمه بكل بساطة المرة الجاية
هيكون فيه الشرح لكيفية كتابة ملفات السوفت وير دى على الموبيل وايه هى الأدوات المستخدمة فى العملية دى وحاجات تانية كتير
استنونا الاربع ان شاء الله
