Ahmed Sarhan

03/04/2020

خلينا نتفق ان معظمنا قبل كورونا ماكنش مكسر الدنيا بنجاحه بالعكس أغلبنا كان مقصر في حق دينه ودنياه !

أغلبنا كان عايش في نعم جاهل بيها وعرف قيمتها بعد ما حس انها ممكن ف لحظة تروح منه.

انت زعلان ليه؟؟!

زعلان على المسجد اللي اتقفل وانت بتدخله يوم الجمعة فقط!

زعلان على الجيم اللي انت بتدفع اشتراكه مجرد زكاة عن صحتك لكن لا بتروح ولا بتيجي!

زعلان على الخطط المستقبلية وانت كسول ومتواكل ومش عاجبك العجب!

أنت دلوقت أمامك فرصة ممكن جدا ماتجيش تاني

فرصة تقعد فيها مع نفسك قعدة مصارحة من الأخر عري نفسك قدامها وأعرف حدود امكانياتك حط ايدك على مكانك الحالي.

لازم تفهم انك لو منتظر الأزمة تعدي عشان حياتك ترجع زي الأول يبقى فاتك الدرس كله ومفيش داعي من الكلام

انسى موضوع التخطيط لان مفيش اي مؤشرات لخطط مستقبلية فقط استغل وقتك اليومي وخصص جزء لدينك وصحتك وأسرتك.

خصص جزء للتعلم وادفع زكاة علمك بانك تعلم غيرك.

انسى الحقد والغل والسواد اللي ملى الصدور عشان مفيش حاجة دايمة زي ما انت شايف لا المكر ولا الخديعة هتنفع في شيء.

الكل يتساوى في السراء والضراء وكفة الدنيا بتميل بميزان اللي خلقها.

من الأخر تدباير البشر مش هتغير تدابير رب البشر

لا إله إلا أنت سبحانك إني كنت من الظالمين

26/03/2020

وانت بتعلم الموظفين ازاي يشتغلوا من البيت

21/02/2020

ربنا يسامحنا على كل Dear all كتبناها في إيميلاتنا واحنا لا طايقين ال all ولا اللي خلفوهم

25/12/2019

30/09/2019

‏ال IT أول ما يشوف ال Users قاعدين مع بعض:

متجمعين عند النبي ولو إن اللي زيكم مايتجمعوش غير فى جهنم إن شاء اللَّه

02/08/2019

أطالب مايكروسوفت بتطبيق خاصية ال VAR في الويندوز عشان نأكد ان اليوزر هو اللي بيخرب جهازه قبل ما يطلب سبورت

29/07/2019

في مقابلة مع بيل جيتس أغنى رجل في العالم سألته المذيعة ، ماهو سر نجاحك ؟ فأعطاها شيك من دفتر شيكاته و قال لها اكتبي المبلغ الذي تريدينه ، فاندهشت المذيعة وقالت أنا لا أقصد هذا سيدي ، ثم عرضت عليه السؤال بطريقة أخرى ، فأجاب نفس الإجابة أعطاها شيك فرفضت أن تأخذه ، فمزق الشيك ثم قال لها ، سر نجاحي هو أنني لا أضيع الفرص كما فعلت أنت الآن .. كان من الممكن أن تكوني أغنى مذيعة في العالم ، فكرت المذيعة وسألته : هل من الممكن أن تعاد الحلقة؟ فرد لا مشكلة ولكن الفرصة لن تعاد مرة أخرى.
ذهبت إليه المذيعة بعد البرنامج تستعطفه ليمنحها فرصة أخرى فاعطاها بيل جيتس ورقة وقال لها إذهبي إلى الحمام ثم إقرأيها ، فذهبت المذيعة وعندما فتحتها وجدت مكتوب عليها " كده كده يا زمالك الدوري في الجزيرة .. عامل فيها بطل و هو بتاع بليلة "

13/06/2019

قابلت صدفة واحد كان بياخد معايا كورس بسأله عامل إيه قالي غيرت المجال وفتحت منجد

05/06/2019

كل سنة وانتم طيبين يا ولاد

13/05/2019

كان في مليون طريقة تدمر بيها حياتك بس إنت اللي اختارت ال IT

رمضان كريم

14/04/2019

السلام عليكم و رحمة الله و بركاته
تحية لكل متابعين الصفحة والله وحشتونا انتظروا مفاجئة كبري بإذن الله مقدمة من شركة سايت