21/05/2019
لو انت مستخدم لهاتف من شركة واوي Huawei ، عندي ليك خبر مش حلو. اما لو انت عينك على موبايل جديد من واوي او مستني ال Mate اللي جاي، فكر تاني واتقل كدا لان جوجل سحبت ترخيص اندوريد من واوي! لو موبايلك مش واوي اقرا برضو لان الموضوع مهم.
الحكومة الامريكية اصدرت قرار بمنع بيع هواتف شركة واوي الصينية من فترة على اراضيها ومؤخرا منعت حتى تعامل الشركات الامريكية اللي ليها مصالح مع واوي. من ضمن الشركات دي انتل وكوالكوم وجوجل. انتل وكوالكوم كانو بيزودا اجهزة هواوي المختلفة بالبروسيسور (المعالجات) وجوجل طبعا هى المالكة لنظام تشغيل اندوريد اللي واوي بتعتمد عليه منذ طفرتها القوية في سوق الهواتف الذكية.
دا معناه ايه؟ التقارير بتقول ان بعض التطبيقات الخاصة بجوجل زي جوجل فوتوز ويوتيوب و جي ميل هيتم وقفهم على اجهزة واوي الجديدة واحتمال كمان يتم منع جوجل مابس (تطبيق الخرائط) واصدار اندوريد القادم (اندرويد كيو Android Q) مش هيكون متاح ومش هيعرف مستخدمي واوي التحديث له.
المدير التنفيذي لشركة واوي رين جانجفي صرح انهم كانو متوقعين حاجة زي كدا في ظل رئاسة واحد زي ترامب وكانو عاملين حسابهم واشتغلو لسنين على تطوير نظام تشغيل خاص بهم لاستخدامه في حالة منع اندوريد عنهم وان نجح النظام دا هيكون اول نظام تشغيل من شركة كبيرة يناطح في نظامي اندوريد وأي او اس ios المهيمنين على السوق. و جانجفي كمان طمن مستخدمي واوي ان في بدائل للشركات الامريكية دي و ان كله هيبقى "تمام"
بالرغم من دا، في تقارير بتقول ان واوي مش هتبدأ دلوقتي في استخدام نظام تشغيلها الخاص لانه لسا مش جاهز ودلوقتي بعد سحب ترخيص اندوريد منها ف مجبرة على استخدام نسخة اندويد المجانية المتاحة للكل (ذات المصدر المفتوح Open Source) المعروفه اختصارا ب AOSP لكن زي ما قلنا دا هيحرمها من بعض التطبيقات اللي بتطورها جوجل زي جي ميل ويوتيوب وغيرهم.
اخيرا وليس اخرا، جوجل صرحت من ساعات ان جوجل بلاي هيفضل شغال وتقدر تنزل تطبيقات منه على هواتف واوي الحالية.
الحرب الاقتصادية الامريكية على الصين واضحة وضوح الشمس ومصير واوي دلوقتي غير معروف...
