Mostafa Alazhariy - graphic designer

29/08/2021

من كام يوم نزلت دورة دارت بالـ null-safety للدارت لحسن فليح
المرادي بشارك معاكم دورة فلاتر بكوبون مجاني على يوديمي للي حابب يتعلم flutter

31/07/2021

لو انت مبرمج يبقى المنشور دا ليك
شايف القلبين دول؟
= آه
طيب أنهى أوضح؟!
= اللى تحت!
تفتكر ليه؟!
= علشان الصورة جودتها عالية وحجمها كبير عن التانية
نص إجابتك صح!
= ازاى؟
تعرف ان الصورتين نفس المقاسات؟ بس واحدة بتبكسل والتانية لو راجل بكسلها!
= مش فاهم!
يعنى الصورة اللى فوق لو كبرتها لحد معين البكسلات هتبان معاك أما الصورة التانية مهما تكبر حجمها جودتها مش هتتغير (Scalable)
=بجد؟! ازاى دا؟!
تعالى اقولك..
السلام عليكم
هكلمكم النهاردة ان شاء الله عن امتداد ملفات يمكن كنا بنشوفه صدفة واحنا بنصدر الملفات فى الإليستريتور بس محدش كان يعرف الامتداد دا بتاع ايه أو بيستخدم ف إيه؟!
تعرف ان الsvg اتعمل مخصوص عشان البرمجة؟!
طب تعرف انه بيتكتب بلغة اسمها xml ؟!
امتداد svg هو امتداد قابل للتعديل بيشتغل بنظام الفيكتور وبيعتمد على وصف الصورة بكود برمجى بلغة XML بتعتمد على إحداثيات وألوان للمسارات والمساحات.
وبتعتبر الصيغة دى ممتازة لمواقع الويب والتطبيقات علشان بتحافظ على الشعار أو الأيقونات من غير أى فقدان فى الجودة وبدقة عرض عالية مع أى تغيير فى الحجم
لو عايز تعرف أكتر عن امتداد الـsvg وازاى بيستخدم فى البرمجة وإيه مميزاته والفرق بينه وبين الصيغ العادية اللى بنتعامل بيها زى png وjpg ومقارنة بينه وبين الpng زى اللى واضح ف الصورة، وهنكتب الكود مع بعض
دا غير ان فى ميزة انا شايفها مهمة لأى مبرمج خصوصا مبرمج التطبيقات يعنى الميزة دى كفيلة ان المبرمج يستغنى عن الpng (فى صور معينة مش كل الصور) ويستعمل svg ف أى كود يكتبه بسبب الميزة دى
كل حاجة هتلاقوها فى الفيديو الأخير على قناتى https://youtu.be/JkByuHBlQUM

08/03/2021

07/03/2021

Flutter 2 💥

جوجل أعلنت من حوالى 3 سنين عن لغة البرمجة Flutter اللى تقدر من خلالها تبرمج تطبيقات تشتغل على الأندرويد والـios بكود برمجى واحد وكمان فيها ميزات عن لغة Java بتميز تطبيقات flutter عنها وكمان انا شايف انها بقت مطلوبة فى السوق دلوقتى وأظن السبب فى كده انها سهل تكتب بيها كود واحد وتعمل تطبيق يشتغل على أندرويد وios فالشركات بتوفر وبتجيب مبرمج واحد بيبرمج بفلاتر ويعملها تطبيق للأندرويد والios

دلوقتى بقى جوجل نزلت إصدار أحدث من لغة Flutter بحيث انها تعمل تطبيقات أندرويد وios وكمان تطبيقات الويب وتطبيقات سطح المكتب 😃

يعنى بلغة برمجة واحدة تقدر تكتب كود برمجى وتعلم تطبيقات تشتغل على خمس أنظمة تشغيل (أندرويد وios وويندوز وماك ولينكس)
دا غير تطبيقات الويب اللى بتشتغل على جوجل كروم أو فايرفوكس أو سفاري أو إيدج

وممكن كمان تضمن Flutter 2 في السيارات وأجهزة التلفزيون والأجهزة المنزلية الذكيةواللى بدوره هيوفر انتشار أكبر للغة

يعنى من الآخر كده جوجل يا جماعة بتحاول تحقق الحلم اللى بنحلم بيه وهو اننا نكتب تعليمات برمجية مرة واحدة بس ونشغلها فى كل مكان ومع القدرة على الوصول ل6 منصات فى وقت واحد وده من خلال الإصدار الجديد من لغة Flutter 💙

09/02/2021

مرحباً بك فى صفحتى المتواضعة 💙
💡 هل تعلم أن الفيسبوك لا يتعامل مع الصفحات العامة كما يتعامل مع الصفحات الشخصية وخصوصاً نسبة وصول المنشورات، حيث يقلل نسبة الوصول (الريتش) ويضيق نسبة الوصول ليجبر صاحب الصفحة على عمل إعلان ممول
👈 لذلك إذا كنت تريد متابعة منشورات الصفحة فسارع بتفعيل ((المشاهدة أولاً)) حتى تصلك منشورات الصفحة.

18/01/2021

القرآن الكريم كامل بصيغة .ai للإليستريتور مجاناً
إذا كنت ممن يستخدمون آيات من القرآن الكريم فى العديد من التصميمات فيمكنك الآن بكل سهولة استخدام الآيات القرآنية فى تصميمك بصيغة فيكتور
الملف يحتوى على القرآن الكريم كاملاً بحجم 444 ميجابايت فقط
- رابط التحميل: https://dm.qurancomplex.gov.sa/hafsdownload/

*للعلم أنا ناقل للمعلومة وأردت أن أشاركها معكم ولست أنا من صممها
وهذه الصفحة أشارك فيها كل شىء يخص مجال التصميم عموماً، فإذا كنت مهتماً بالتصميم الجرافيكى قم بعمل "مشاهدة أولاً" للصفحة لتصلك منشوراتنا فى المستقبل

- القائمين على المشروع وكل التفاصيل هتلاقوها فى الموقع الأصلى بعد الضغط على الرابط المباشر
والدال على الخير كفاعله

18/01/2021

أنا مصطفى الأزهرى مصمم جرافيك متخصص فى تصميم الشعارات والهويات البصرية
أعشق التصميم الجرافيكى وأسعى لأن أكون مخرجاً فنياً مبدعاً فى عملى
سأقوم هنا بنشر كل شىء يتعلق بالتصميم الجرافيكى من أعمال شخصية وتغذية بصرية ومواقع مفيدة لكل مصمم واقتباسات وكتب وغيرها من الأشياء المتعلقة بمجال التصميم الجرافيكى

لذا إذا كنت مهتماً بالتصميم الجرافيكى فتفضل بمتابعة الصفحة 💙

12/04/2020

نبدأ فى فقرة التغذية البصرية بمجموعة شعارات مصممة بالنسبة الذهبية.
لو لاحظت تفاعل هيكون فى كل يوم ان شاء الله مجموعة تصميمات للتغذية البصرية وهحاول اذكر المصدر أو اسم المصمم مع التصميمات، ولو عايزين تصميمات أكتر وشعارات بالنسبة الذهبية قولولى بالتعليقات.