https://www.facebook.com/348139611976569/

Tech Geek, Cairo (2026)

31/03/2016

معانا تجربه النهارده تجربه شاب مصري اسمو عمرو محمد
تعالو نعرف عمل ايه عمرو بقي :D
ابتدي مشوار انه يكون Android Application Developer من 3 سنين تقريبا
هو في كلية هندسة .. واخد منحة من جوجل السنة اللي فاتت في ال Android Development ودخل مسابقة Moborobo وطلع المركز الاول (Y)
عمل تطبيق اسمو كوميكس مصري رقم 6 في تصنيف التطبيقات المجانيه علي متجر Play
فايده التطبيق انه مجمع كل بوستات صفحات الكوميكس اللي علي الفيس بوك في مكان واحد تقدر تشوفها وتعملها داونلود :D
وكمان محطوتلك تمبلت للكوميك فاضية تقدر انت تعمل كوميك منه
ياريت ندعم الراجل ده

31/03/2016

موضوعنا النهارده عن الهاكر :D
مبدائيا كده يا جماعه ده كتاب حمايه من الهاكر انصحكم بتحميله
http://goo.gl/Dzbdpd
ده كتاب عن فنون وخدع الهاكر
http://goo.gl/KKH1Qs
ودي دوره حلوه اوووي في الهاكنج الاخلاقي
http://goo.gl/9GBK7f
وده الكتاب ملخص الدوره
http://goo.gl/NZlfuL
واللينك الاخير ده ياجماعه فيه معظم برامج وادوات الهاكنج
https://goo.gl/shKovh

28/03/2016

*الايفون الشفاف ...

من حوالي سنتين كده او اكتر شويه فيه كذا موقع وكذا شركه اعلنوا عن شكل الايفون الجديد فيه شركات قالوا عليه هيبقي ايفون 5 وفيه مواقع تانيه قالوا عليه ايفون 6 لان ساعتها كان احدث ايفون في لسوق كان ايفون 4 المهم ان المواقع دي قدرت تعمل ضجه كبيره اوي في السوق والناس كلها اتكلمت عن شكل الايفون الجديد ده والكل مندهش ازاي الموبايل شفاف كده ومش باين فيه الاجهزه اللي جواه و ياتري فين الحجات الي جواه مختفيه ازاي وبدات الاسئله تكتر والمواقع تنشر وناس كتير تتابع الموضوع وقعدوا مستنين الايفون ده ينزل السوق عشان الكل يجري يشتريه بس ولا واحد من الناس دي فكر ان المواقع والاعلانات اللي اتعملت دي كلها خدعه ومفيش ايفون شفاف أصلا وكانوا بيعملوا كده نوع من أنواع الشهره مش اكتر وانهم يكسبوا مشاهدات اكتر للفيديوهات اللي كانت بتنزل علي الايفون ده واللي وصلت لملايين وكلها في الاخر طلعت دوشه علي الفاضي ومفيش حاجه اسمها ايفون شفاف ..
فنصيحه مننا بلاش تهتم بالحاجه اللي ليها إعلانات جامده والناس كلها بتتكلم عليها الا لما تفكر بعقلك الأول هل الشركه الرئيسيه هيا اللي منزله الإعلانات دي او مثلا مسؤول كبير هو اللي طلع وقال الكلام ده وقبل ماتشوف كلام الناس فكر الأول بعقلك وشوف هل فعلا الكلام ده ممكن يبقا حقيقه
الكلام ده مش في الإعلانات بس او أي حاجه بتباع لا لو انت عايز تتعلم حاجه من علي الانترنت لازم تكون متاكد من مصدقيه الموقع او المكان اللي هتجيب منه المعلومه اللي انت عايزها عشان متفضلش تلم معلومات وفي الاخر تطلع معلومات غلط وملهاش لازمه

26/03/2016

فتوي الماركتنج ...
معروف فى كل مجال دائما بوجود واحد دايما بـيـفـتى ويقول اعمل كده واوعى تعمل كده وهو اساسا عارف انه مش فاهم حاجة

علشان كده احنا قررنا اننا نحافظ على مجالنا من الفتايين من خلال تقديمنا لـفتوى الماركتينج

وفتوى النهاردة بتقول ( يا عم ولا خطة ولا بتنجان خلينا نشتغل وكلوا هيبقي تمام )

في ناس لما بتبدء في مشروعها الجديد علي الانترنت بتدور علي ناس تساعدها في بداية المشروع ويطلب منهم خطة للعمل يردوا علية ( ان الموضوع مش محتاج خطط ولا حاجة انت مشروعك هايل والناس علي النت عايزينوا خلينا بس نتوكل وكلوا هيبقي تمام )

ونكتشف بعد كدة ان المشروع مبيحققش اي نتائج و بيؤدي في النهاية لأغلاق المشروع وصاحب المشروع يقول انا غلطان اني فكرت اعمل حاجة اونلاين

الناس اللي بالشكل دة متتعاملش معاهم ولازم اي مشروع اونلاين يكون لية خطة كاملة مرتبطة بوقت معين بداية من تحديد او وضع الهدف من المشروع وتحليل المنافسين وما هو الجديد الذي سنضيفة في السوق حتي الوصول الي ميزانيات العمل وطريقة واسلوب ظهور المشروع اونلاين وما هي الخطط البديلة في حالة التعثر في بعض الافكار .

23/03/2016

خلي بالكو من نقطه معينه
كل الناس الي هتبدأ تحديث اجهزتها ل ios 9.3 ( ايفون )
هيطلب منك تأكيد ميل icloud
يعني لازم تكون فاكر الايميل والباسورد خلي بالكو يعني الي ناسي الايميل او الباسورد يفضل عالتحديث القديم

22/03/2016

لو عندك مشكله في جهازك بطئ او بيهنج فا العمليه دي هي الي بتسبب في البطئ فيها عمليه windows Modules installer
أحد العمليات الخاصة بنظام ويندوز والمسببة في مشكلة تهنيج جهاز الكمبيوتر بعد خاصية البحث/كورتانا في ويندوز 10 هي عملية Windows Modules Installer الي تعمل في الخلفية فلما بتبدأ العملية دي بالعمل فتستهلك حوالي 15٪ من سرعة المعالج بتاع جهازك فبتقرب من 100٪ من سرعة القرص الصلب،فبتاثر بشكل ملحوظ في بطئ جهازك خاصة الاجهزة ضعيفة الامكانيات فربما تؤدي إلي تشنج الكمبيوتر تماماً، ولكن ما أهمية هذه العملية ومرتبطة بآيه من ادوات النظام؟ فدا هو الي انا هوضحه من خلال خلامي معاكم بالإضافة إلي طريقتين لإيقاف هذه العملية نهائياً او إصلاح مشكلة الاستهلاك العالي لمكونات الجهاز من اجل تسريع الكمبيوتر.

مبداياً هذه العملية مرتبطة بتحديثات نظام الويندوز فعندما تبدأ عملية Windows update الخاصة بالتحديثات يصاحبها مباشرة عملية WMI ووظيفتها البحث عن التحديثات المتوفرة وتثبيتها علي جهازك، فتبدأ مع بداية البحث عن التحديثات وتنتهي بمجرد الانتهاء من تثبيت التحديث، ولا يقتصر عملها فقط مع تحديثات مايكروسوفت للويندوز بل ومع تحديث اي تطبيق في ويندوز 8 ، 8.1 ، 10، مع ملاحظه فتح مدير المهام Task Manager ومحاولة عمل End Task لهذه العملية مش هتقدر تحقق دا إطلاقاً وهتستمر في إستهلاك مكونات الجهاز تدريجياً ، لكن في طريقتين نصلح بيهم المشكله دي

الطريقة الاولي نستخدم فيها اداة الصيانةونصلح مشكله التحديثات في ويندوز فربما تقوم بحل مشكلة عملية التحديث وتتسبب في جعل عملية WMI تستهلك قدر كبير من المعالج والرامات والهاردكمان، هذه الاداة مدمجة بالفعل في النظام وللوصول إليها اذهاب إلي لوحة التحكم Control Panel ثم تبدأ تبحث عن الأمن والصيانة Security and Maintenance وبعد ماتلقيها وتخش عليها إليها تضغط علي خيار Troubleshooting وهستظهر ليك مجموعة من ادوات الصيانة الي بتاثر في حل المشاكل الفنية لنظام ويندوز ومن بينها System and Securitنضغط عليها نفتحها وبعدها ننتظر قليلاً حتي يستعرض لنا الادوات الخاصة بالنظام والحماية نضغط منهم علي Windows Update، نضغط علي Advanced ثم النقر علي خيار Run as administrator.

سيتم إعادة تشغيل الاداة مرة آخري، نضغط الآن علي زر Next وبعدها ننتظر لحظهوهتاخد العمليه دي بعض الوقت، حتى يعرض لك التقرير النهائي وهل بالفعل هناك مشكلة ولا لا، و بعد الانتهاء ان يخبرك بوجود بعض المشكلة وهو سيقوم بإصلاحها ، وإذا كنت تواجه مشكلة الاستهلاك المرتفع من قبل عملية WMIفلازم يظهر تم حل مشكلة، حيث بذلك اصبحت العملية تستهلك قدر متوسط من موارد الجهاز وتم تسريع الكمبيوتر وينصح بعمل إعادة تشغيل للجهاز بعد الضغط علي Close.

الطريقة الثانية هي التي يُمكن أن تلجأ ليها عندماتفشل من حل المشكلة بواسطة الطريقة الاولي او إنها لا تؤثر بنتيجة إيجابية في التغلب علي مشكلة الاستهلاك العالي لموارد الحاسوب بسبب عملية WMI الخاصة بتحديثات ويندوز، لكن هذه الطريقة هي التي ستؤثر حتماً حيث سنقوم بعمل إيقاف إجباري لتلك العملية مما نجعلها غير قادرة علي العمل مجدداً إلا عند السماح لها بالبداية، فخطوات الطريقة هي الذهاب إلي لوحة التحكم Control Panel ثم تبدأ تبحث عن Administrative Tools وبعد الدخول إليها نضغط علي Services وستظهر لك نافذة بها خدمات نظام الويندوز وتستطيع من خلالها التحكم في تلك الخدمات، حسناً سنقوم بالضغط علي Windows Update وبعد تحديدها اضغط علي زر Stop Service ، وبالتالي تم إيقاف خدمة التحديثات، ثانياً تقوم بتحديد Windows Modules Installer ثم تضغط Stop Service مرة آخري وبالتالي تم حل المشكلة والجهاز سيصبح سريع.

21/03/2016

قوتك في اعلانك :D
تفكتر ليه قوتك فى اعلانك !؟
و ايه الي يخليك تعمل اعلان ؟!

- لان في الفتره الاخيره العالم كله اصبح بتطور التكنولوجيا ووسائل الاتصال المختلفه عبارة عن قرية صغيرة

وبأعلاناتك المختلفه علي جميع وسائل الدعايا والاعلان هتقدر توصل في اسرع وقت لاكتر فئه مستهدفه لمنتجك وهيسعدك للوصول الي شريحتك المستهدفه كمان في كل انحاء العالم

وعشان كده الاعلانات دلوقتي هي وسيله التسويق الاولي والاقوي للمنتجات والخدمات المختلفه في العالم حتى لو هتعمل محتوى جيد على الانترنت لازم له اعلان علشان يظهر المحتوى الجيد ده

- باختصار انت محتاج للاعلان فى كل الاوقات

وعشان كده الاعلانات في الفتره الاخيره اصبحت هي الوسيله التسويقه الاولي والاقوي للترويج لمنتجك او لشركتك ...

21/03/2016

* ازاي تبدا سوشيال ميديا ماركتنج ؟
عاوز تحترف سوشيال ميديا من غير ما تفهم تسويق؟ يبقى إنت بالظبط عاوز تحترف السواقة من غير ما تعرف قواعد وإشارات المرور ومن غير ما تعرف ميكانيكا العربية، إنت ماشى وخلاص لا بتعرف تقف إمتى وتمشى إمتى، ولا بتعرف لو عطلت تعمل إيه؟
لازم تفهم تسويق قبل ما تشتغل فى السوشيال ميديا، دول شويه نقط لازم تفهمهم علشان تبقى عارف لمحه بسيطه عن التسويق:
” إنت مش بتاع فيس بوك وتويتر ” ” إنت مش بتاع فيس بوك وتويتر ” ” إنت مش بتاع فيس بوك وتويتر “
حط الجملة دى قدام عينيك، هتسألنى أمّال أنا بتاع ايه؟ إنت بتاع تسويق “”، التسويق ده شيئ شامل وكبير أوى بيندرج تحت مِنّه حاجات كتير منهم التسويق الإلكترونى، وده برضو شيئ كبير أوى هنتكلم عنه بعدين ويندرج تحت منه حاجات كتير منها السوشيال ميديا، وهى دى الحدوته بتاعتنا.
* إيه بقى هو التسويق حضرتك؟
هو علم يعمل على تقديم قيمة وإضافة للسوق المستهدف لإشباع إحتياجات السوق والمستهلك … فهمت حاجة؟ أفهمك، ربنا كرمك وبقى معاك فلوس وعاوز تفتح مصنع شيبسى، جميل بس فى 100 مصنع شيبسى وطعمهم شبه بعض كلهم والعبوات واحدة، هنا يظهر دور التسويق، يقترح عليك ان تنزل بعبوة ب 50 قرش ويستهدف بيها أولياء أمور الأطفال الصغيرة فى المناطق الشعبية اللى بتروح المدرسة وعاوزة معاها شيبسى وعصير وسندوتشات ومصروف (هيجيبوا منين؟) فإنت بتقدم قيمة للسوق وبتقدم إضافة للمستهلك وبتوجد لنفسك مكان فى السوق.
* 3- بس كده هو ده التسويق؟
لأ طبعاً، التسويق بيبدأ دوره قبل ما حتى ما تفكر فى المنتج، يعنى تخيل مثلاً قررت تعمل معرض عربيات مرسيدس فى شبرا . هييجى هنا بقى بتوع التسويق ويضربوك بالنار ونرتاح منك، دور التسويق يبدأ قبل ظهور المنتج، هوا اللى بيحددلك السوق يسمح بظهور المنتج بخصائصه اللى إنت عاوزها ولّا لأ.
* التسويق كمان هيتدخل فى خصائص المنتج وفقاً لرغبات السوق
يعنى مثلا هتعمل مصنع كشّافات نور، التسويق يقولّك إعمل كشّافات نور جيّدة الصنع والخامات وبتنوّر أطول وقت ممكن وبطاريه شحن عالية المستوى، فممكن تعترض وتقول كده التكلفة هتبقى عالية والسعر مش هيبقى منافس للكشّافات الصينى، فالتسويق يتدخّل ويقولّك السوق متعطش لده محتاج كشاف يقعد ساعتين كاملين ويشحن فى نص ساعه (إسمع كلامه تكسب).
* التسويق بيبقى ليه دور قبل عملية نزول المنتج السوق
هو اللى هيحدد الاعلانات تنزل الأول ثم المنتج ينزل السوق والناس كلها بتسئل عليه وعرفاه ومنتظراه ولّا المنتج ينزل السوق ويبقى قدّام كل الناس ثم تبدأ الإعلانات تطمّن الناس للمنتج.
التسويق بيبقى ليه دور اثناء عملية البيع
بيكون ليه رأى فى شكل العبوة، وبيبقى ليه دور فى العروض اللى ممكن تتعمل لتجار الجملة علشان يحصل ترويج منهم للمنتج زى ما “بيبسى” بتوزع ثلاجات على محلات البقالة، وبيبقى ليه دور فى العروض الترويجية للمستهلك زى إنّك تشترى عبوتين تاخد الثالثه هدية (هات الثالثة بقى علشان مصر) .
* التسويق دوره كمان بيستمر لبعد عملية البيع
عن طريق إستغلال خدمات ما بعد البيع، زى مثلا توشيبا معروفة إنها أحسن خدمة عملاء فى مصر، فى ناس ممكن تشترى منتج توشيبا حتى لو مش احسن علشان خدمة العملاء بتاعتهم، والتسويق بيقيس رأى الناس فى المنتج والسلبيات اللى واجهتهم وبيعمل على تحسينها زى ما حصل مع عصير “راني”، عمل حملة إعلانية لمّا وسّع الفتحة اللى كانت بتمنع الفاكهه من المرور منها وكان بيعالج شيئ سلبى مش عاجب الناس اللى بتشرب المنتج وإستفاد من ده بحملة حسست الناس إن الشركة متابعة حتى مشاعرهم وهما هيموتوا على قطعه انانس 1ملى فى 1 ملى.
* هو التسويق ده سوبر مان يعنى؟
لأ خالص، التسويق بس بيعتمد على شيئ مهم جداً إسمه الأبحاث التسويقية، عن طريق متابعة وتحليل شريحة من المستهلكين وتحديد رغباتهم بشكل دقيق والعمل على إشباعها، وكما قال الشاعر ” عاوز نوكيا روح لرايه “.
* الشريحة المستهدفه كمان مره الشريحه المستهدفه
دى بقى اللى لازم تتحدد بشكل كبير جداً، تحدد الفئة العمرية والجنس والميول والإطار الثقافي، وكل معلومه تقدر تجمعها عنهم علشان لما تخاطبهم فى حملتك الإعلانية تخاطبهم باللغة اللى بيحبوها وتحسسهم إنك حاسس بيهم وبتخاطب عواطفهم ومشاعرهم زى حملة كوكاكولا بتاعة الإسم على الكان، هو كان بيخاطب الشباب وعاوز يخللى الشباب تشرب كوكاكولا لإن معروف إن الشباب النسبة الأكبر بتشرب بيبسى وبتحب إعلانات كوكاكولا، وقدر ينجح فى ده ومبيعاته زادت والناس بقت تقف بالطابور قدّام الثلاجة تدور على إسمها.

21/03/2016

وعدتكم بموضوع جميل ومفيد
كتير مننا بيحاول ينزل روم لجهازو لاكن مش بيلاقي الموقع المنااسب
او مش بيكون واثق فجوده الموقع او سلامه الروم
انا جايبلكم النهارده الاحسن فالرومات زي ما بنقول صفوه الصفوه
اول موقع معانا موقع : سام سوني
samsony.net/
الموقع التاني : The unlocker
http://theunlockr.com/roms/android-roms/
الموقع التالت الغني عن التعريف : sammobile
www.sammobile.com
طريقه تسطيب الروم
عن طريق برنامجين الاول Odin او Flash Tool
الاشهر والاحسن لمعظم الاجهزه Odin
لاجهزه السوني وال HTC هنستخدم برنامج FLash Tool
طريقه تفليش الروم لاي جهاز انتظروها مني فالموضوع القادم

20/03/2016

انتظروا مني موضوع جدييييد يخص نظام الاندرويد
مفجأه 👍👍
متأكد انو هيعجب ناس كتير

20/03/2016

لتشغيل أنترنت الكمبيوتر - علي الاندرويد ..
يتم توصيل جهاز الاندرويد بالكمبيوتر عن طريق وصلة الـ USB
ثم . من جهاز الأندرويد :
- Settings-->More-->USB Internet
ثم يتم إختيار نظام الكمبيوتر لديكـ (الويندوز)
و من على الكمبيوتر :
Control Panel --> Network & Internet -->Network Connections
كليك يمين علي كارت الشبكة لديك :
Properties --> Sharing
و علم علي المربعين الموجودين أمامكـ
وثم يتم إختيار شبكة الانترنت التي تعمل عليها :D

20/03/2016

موضوعنا دلوقتي تحت مسمي ( اصحوا ليغفلوكوا )
في اخر كام سنه فاتت ظهرتلنا حاجه جديده في مجال الماركتينج واللي هيا التسويق الشبكي ....
يعني ايه التسويق الشبكي ده ؟؟؟ Network Marketing
التسويق الشبكي هو مشروع بيقدر يعطيك الفرصه انك تحقق اكبر مكسب او ارباح عاليه اعلي من اي شغل او وظيفه او اي اتجاره عامه ..
بس الحقيقه ان اغلب الناس اللي بتخش المجال ده بيكتشفوا بعد كده انها نصبايه وللاسف بيعرف بعد مابيكون اتنصب عليها في مبلغ وقدره !! .
وده مش راي انا انت حضرتك لو جيت تبحث ع الانترنت هتلاقي امثله كتيره تاكد كلامي ده واكبر دليل اللي حصل في شركه pre paid lega
لما لاحظ الناس المشتركين مع الشركه دي ان بيبدلوهم بناس تانيه بحجه انهم لو استمروا زياده عن كده نسبه الخسائر بتاعتهم هتزيد اكتر ماهيا زايده اصلا :D
وهنا بقا يبقا متصدق اللي ييجي يقولك ان التسويق الشبكي هو المستقبل واعرف انهم هيغفلوك ويطردووك من غير ما تحس وطبعا انت مش هتقدر تعملهم حاجه عشان اصلا انت مش ماسك عليهم حاجه غير كلام ...
واول ماتسمع الكلمتين اللي اهقولهم دول من اي حد اعرف انه قايل الكلاام ده ل100 واحد قبلك وجاي يقولهم في وشك ويضحك عليك زيهم
• اول حاجه : التسويق الشبكي هو أسلوب جديد للحياة يوفر السعادة والإكتفاء وتحقيق الذات (Happiness and Fulfillment ) وهو وسيلة للوصول لكل الأشياء الجميلة في الحياة الحقيقة ويرسملك ضحكه ممله ع وشه ده اعرف انه بعد كده لما تيجي تقوله تقوله فين السعاده والاكتفاء هيقولك روح شوفهم عند your mother
• تاني حاجه : لما حد يقولك انك لما تدخل team الشركه بتاعتنا هتحس بروحنيات وتعاون وناس تساعدك وتحبلك الخير وههتديك خبرات وهتعلي الtarget بتاعك ..الخ..الخ
اعرف انك اول ماهتدخل الteam هتلاقي نص اللي فيه متخانقين مع بعض ومش بيكلموا بعض ومحدش بيساعد حد بسبب ان كل واحد عايز يكون هو اعلي واحد بيجيب عملاء كتير عشان ياخد فلوس اكتر من الباقي ويحاول يمشي اللي معاه عشان يبقا هو الموجود وبس !! وهو اصلا ميعرفش ان مفيش فلوس في الاخر بردو .
* تالت حاجه : اللي يقولك ان التسويق الشبكي شغله مش صعب وانك سهل جدا تجيب عملاء فيه زي اهلك واصحابك وقرايبك هما اللي هيفضلوا يدعموك طول عمرك ...
وده اكبر غلطه انت هتعملها لسبب بسيط جدا انت لما تروح تتكلم مع صاحبك اللي كان في ابتدائي معاك وفجاه كده انت افتكرته وتروح تكلمه تقوله انه يدخل معاك في الشركه دي اكيد اول حاجه هتيجي في باله مش انك جاي لمصلحته لا اللي هييجي في باله انك جاي لمصلحتك انت ! ماهو بالعقل كده مستحيل هتفتكر واحد صاحبك مش بتتكلموا زياده عن 7 سنين ووفجاه كده تروحله تقوله يدخل معاك في مشروع زي ده من غير ضمانات !!
وده معناه انك بتدمر علاقتك بالناس اللي حواليك او كانت حواليك قبل كده !
• رابع حاجه : اللي يقولك ان التسويق الشبكي مش محتاج وقت خالص وانك ممكن تشتغل في وقت فراغك ومش محتاج اي وقت منك وانه مش هيعطلك ع اي شغل ليك تاني ... ساعتها قوم اديله ع وشه عشان دي اكبر كدبه -_-
الحقيقه بقا ان الدراسات في المجال ده اثبتت ان ملايين من الناس اللي بتدخل اي مجال عشان تجيب منه فلوس لازم يبقا عندهم التزام وجهد ووقت كبير جدا عشان يكون عندهم المغامره والتحمل زياده انهم لازم يكونو كدابين عشان يعرفوا يدخلوا الناس معاهم ..
• خامس حاجه : اللي قولك ان التسويق الشبكي مش نموذج هرمي عشان فيه منتج بيتباع ...
كدااب تقدر تقولي لو انت دخلت معاهم ومجبتش ناس تحتك هتقدر تاخد فلووس ؟!! لا طبعا لان الاساس فيه هو زياده عدد الاشخاص اسفل العميل ! وده كان اخر مثال ع اكاذيب واقاويل الشركات الشبكيه اللي ملوثين سمعه التسويق عامه
مستنين تعليقك :D

Tech Geek

31/03/2016

31/03/2016

28/03/2016

26/03/2016

23/03/2016

22/03/2016

21/03/2016

21/03/2016

21/03/2016

20/03/2016

20/03/2016

20/03/2016

Address

Website

Alerts

Shortcuts

Share

Category