22/08/2016
تجربتي مع
اسوأ خدمة صيانة صيانة ميتسوبيشي.. اتراج معايا بقالها سنتين كنت من اول الناس اللي اشتروها.. روحت الصيانة في الاول اشتكي من الفرامل انها بقت ضعيفة قالواي ده عيب فيها تيجي تتنضف كل فترة وخلاص كده... من رمضان اللي فات وعلامة D بتنور روحت التوكيل قالي لا ده الكهربا مش واصله كويس وظبطوها اتكرر الموضوع كذا مرة وبعدين ظبطت.. من اسبوعين العربية لما بتهدي بتقطع وتقف روحت التوكيل في قالي دي طرمبة بنزين من غير ما يكشف عليها ولا يحطها على اي جهاز.. وقالي هاتتكلف 4000 ج تغيير الطرمبة خدها وطلبت كشف على الفتيس روحت فرع العبور قالي العيب ده عيب فتيس الكهربا مش واصلة كويس الكلام ده كان الاربع 10 اغسطس قالولي سيبوهالنا وهنفك ضفيرة الفتيس ونشوف ونرد عليكوا بكرة... ماردوش غير لما كلمناهم قالولنا الفتيس كله لازم يتفك وهانبعت للفرع الرئيسي في ابو رواش ونشوف هانعمل ايه ونبلغكوا... من يومها لحد امبارح ماحدش راح وكل يوم نتصل ونعمل شكوى ماحدش بيرد علينا امبارح راح حد يبص عليها من الفرع الرئيسي وقال هايبلغنا النهاردة بالتقرير.. وفضلوا طول اليوم ماحدش رد غير من 10 دقايق تقريبا قال لازم ترجع العربية على ونش احنا اللي ناخدها من فرع العبور لفرع المعادي عشان يتكشف عليها على جهاز ويبعتوا تقارير لليابان!!! 12 يوم مرمطة من غير عربية ولا حد يرد علينا ولا يعبرنا وفي الاخر مش عارفين يعملوا حاجة وهايبعتوا يسألوا في اليابان... اذا كانوا في مصر فضلوا 12 يوم على ماحد رد علينا... اومال هانقعد قد ايه على رد اليابان... ومانعرفش اصلا هي فيها ايه وهاتتصلح ولا لأ.... أسوأ صيانة على الإطلاق مانصحش اي حد يشتري اتراج... والاحسن تبعد عن متسوبيشي اصلا..
