What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Sunday 9am - 5pm

FIKRA APPS, 42 شارع 108 حدائق المعادي القاهرة, مصر, Cairo (2026)

15/07/2019

مهما كان تخصصك 😎📲😁

10/07/2019

العصر بتاعنا هو عصر المتاجر الالكترونية
خلينا نقولك خطوات انشاء متجر الكتروني متكامل و ناجح خطوة بخطوة

1. لازم في البداية يكون عندك منتج مميز او مجموعة منتجات المستخدمين محتاجينها سواء من صنعك او منتج بتستورده
2. حدد سعر منتجاتك . ودي مرحلة صعبة لان لو اسعارك قليلة مش هايكون ليك ربح كافي ولو سعرك عالي هاتخسر كتير من المبيعات
فعلشان تحسب اسعار المنتجات اللي تحطها في المتجر الالكتروني بتاعك حط في اعتبارك الاتي :
• تكلفة مواد تصنيع منتجك.
• استضافة الويب لموقع المتجر الإلكتروني.
• الضرائب.
• الشحن.
• النسبة المئوية المقتطعة لإسلوب الدفع زي بطاقات الائتمان أو Paypal.
• تكاليف التسويق والإعلانات الإضافية.
وقارن اسعار منتجاتك باسعار منتجات منافسيك علشان تبقي في المعقول والمتوسط

3. خيارات وتكاليف الشحن .. لو بتبيع منتج هاتوصله ازاي للمستخدمين ؟ ... لازم تعمل حساب الشحن ولازم تعرف ان نسبة الشحن ممكن تكسبك عميل او تخسرك عميل
ممكن ننصحك انك تخلي سعر الشحن بشكل من الاشكال دي :
• ميزة الشحن المجاني.
• شحن مجاني مع زيادة لأسعار منتجاتك بشكل بسيط لتغطية التكلفة.
• شحن مجاني لبعض المنتجات بحجم معين.
• رسوم شحن ثابتة.

4. اختر اسم النطاق والعلامة التجارية .. فكر في اسم يكون واجهة ليك الناس تذكره لبعض وهما بيتكلموا عن منتجاتك او المتجر بتاعك

6. ابدأ بناء الموقع او التطبيق او الاتنين علي حسب احتياجاتك بس لازم يكون فيهم :
• صفحة رئيسية تعرض فيها المنتجات وعمليات البيع الأسبوعية
• صفحة فيها وصف مختصر للمتجر والمنتجات اللي بيتعامل معاها المستخدم.
• صفحة للتواصل أو لخدمة العملاء.
• مدونة تنشر فيها آخر التطورات والأخبار وبعض المقالات المفيدة.

7. اعمل مايسمي حساب التاجر
المستخدمين اللي هايشتروا المنتجات بتاعتك ممكن يدفعوا بالبطاقات الائتمانية او عند الاستلام .. فانت محتاج تعمل حساب تاجر علشان تستقبل الفلوس اللي دفعوا عن طريق بطاقات الائتمان
وفي اكتر من خيار تختار منهم اللي يناسبك تتعامل معاهم زي Chase و PayPal (شركات كبيرة) … او شركات اصغر زي BluePay وPaySimple.

8. حاول تحصل على شهادة SS .. ودي شهادة امان المعلومات الخاصة بالمستخدمين في الموقع وبتشوفها في المواقع الكبيرة علي شكل قفل أخضر جنب اللينكات اللي بتفتحها علي المتصفحات وضرورية لو المستخدمين بيدخلوا بيانات الدفع الخاصة بيهم علشان يضمنوا انهم بيتاعملوا مع موقع آمن مش هايسرق معلوماتهم

9. ابدأ البيع وبالتوفيق 👌😉😁

05/07/2019

من سابقة اعمالنا :

تطبيق El-Maroud User هو تطبيق مخصص لمطعم المعروض يمكن المستخدمين من استعراض المنيو الخاص بالمطعم وطلب الوجبات المفضلة لهم من خلال سلة المشتريات وارسال الطلب ومتابعة حالات الطلب حتي يتم توصليه اليهم.

25/06/2019

ليه الشركات والمؤسسات بتعمل موقع خاص بيهم مع ان عندهم صفحات علي السوشيال ميديا !؟

في حالة تطور التكنولوجيا اللي العالم فيها حاليآ لو ظهر قدامك اي مشكلة او سؤال معين اوعايز تدور علي حاجة معينة اول حاجة بتعملها انك بتفتح جوجل وبتسيرش عليها وبتلاقي الحاجة اللي بتدور عليها بسهولة

ده خلي معظم المتاجر واصحاب المشاريع يبدأوا يتجهوا للمواقع علشان يعرضوا عليها خدماتهم ويوصلوا للعملاء اللي محتاجينهم بشكل اسرع

معروف ان اي شركة او مؤسسة عندها موقع ده بيزود جانب ثقة عند بعض العملاء وبيزود مصداقية الشركة او المؤسسة بشكل عام وبيعرفهم ان الشركة دي حجمها كبير

الموقع هايخلي سوق الشركات اوسع مش مجرد سوق محلي وبالتالي مبيعاتهم وارباحهم بتزيد

بعض العملاء معندهمش وقت ينزلوا يزورا مقر الشركة او المشروع التجاري اللي نفسهم يروحوه فبيدوروا علي الحل الاسهل انهم يشوفوا المقر علي الانترنت ويتواصلوا معاهم اونلاين

الموقع هو بروفايل خاص بالشركة بالوان الشركة بتصميمات الشركة بشكل يسوق ليها اكتر ويريح عملائها

زمان كانت الشركات بتعمل اعلانات في الجرائد والمجلات دلوقتي بمجرد مابقي عندهم موقع خاص بيهم بقوا يعملوا اعلان للموقع ويوصلوا لآلاف العملاء بشكل اسهل

لو لسة معندكش موقع كلمنا واعرف اكتر عن عروضنا 💻😉

24/06/2019

اي عميل بيفكر يعمل ابلكيشن موبيل بيهمه ٣ حاجات : الجودة ، السعر ، مدة التنفيذ .

وعلشان احنا بنقدم ال ٣ فعلا بشكل تنافسي واحترافي
هانعرفكم ازاي بنحدد الوقت المتوقع لتنفيذ اي تطبيق 📲

اولا. تصميم التطبيق بمعايير ال UI&UX علي حسب دماغ عملائنا وافكارهم والتفاصيل المطلوبة في الابلكيشن وعرض التصميم علي العميل لو حابب يغير فيه كمان بنراعي ان التصميم يكون متناسب مع كل احجام الشاشات المختلفة ده هايتطلب بعض الوقت لكنه ضروري علشان نضمن سهولة الاستخدام لكل المستخدمين ، والمرحلة الخاصة بالتصميم عموما بتتراوح مابين ٥ ايام ل ١٥ يوم

ثانيآ. البرمجة والخطوة دي بتاخد اغلب الوقت لان تحويل التصميم من مجرد تصميم علي صور لابلكيشن حقيقي بإتقان وبجودة عالية ده بيحتاج شوية وقت لكن متقلقش بيكون وقت معقول مش بيفتح معانا في شهور زي بعض الشركات ولا بيكون قليل لدرجة تقلق منها ، والمرحلة دي بتتراوح مابين ٣٠ يوم ل ٦٠ يوم حسب تفاصيل التطبيق

ثالثآ. المراجعة والتست بنراجع فيها علي كل نقطة في التطبيق وبنتأكد من انها زي التصميم ولا لا ، وشغالة زي الفل ولا لا ، والمرحلة دي بتتراوح مابين ٣ ايام ل ٥ يوم

رابعأ. حل الاخطاء الناتجة عن المراجعة ودي النقطة الاخيرة بنحل فيها كل المشاكل اللي طلعت في مرحلة التست والمرحلة دي بتتراوح مابين ٣ ايام ل ٥ يوم

خامسآ. الاعتماد والتسليم بنسلم التطبيق كامل ومعتمد ومتراجع عليه كذا مرة

يعني لو هانعمل تطبيق بجودة عاليا الوقت المتوسط والجيد بالنسبالنا بيتراوح مابين شهر ونص الي شهرين عمل

بالتوفيق في اختيارك 👌😃😉

19/06/2019

قبل ماتتعاقد مع شركتنا او مع اي شركة برمجيات علشان تنفذ فكرة تطبيق خاصة بيك محتاج تعرف شوية حاجات :

اعرف حجم السوق اللي هاتنافس فيه وهل هايكون في طلب علي المنتج اللي بتقدمه ولا لا

اعرف مين المنافسين ليك وايه الفرق بينك وبينهم وهل المستخدمين هايقتنعوا بالفكرة زي مانت مقتنع بيها ولا لا

لو بتدور علي مستثمرين فالمستثمرين يهمهم السوق المتوقع للفكرة بتاعتك اكتر مايهمهم السوق الحالي هايكون عامل ازاي ومدي الربح اللي هايعود عليهم من فكرتك

لازم تبقي ناقد لفكرتك وتدور علي نقاط ضعفها وايه اللي يخلي المستخدمين يبطلوا يستخدموها وتحاول تدور علي حلول للمشاكل اللي هاتفكر فيها

خد رأي كل اللي حواليك في فكرتك بدون مجاملات من حد واسمع كويس اللي هاينتقد الفكرة ممكن يبقي رأيه صح وممكن يبقي عايز يحبطك بس جمع الافكار وادرس تاني الفكرة مع نفسك بعد ماتاخد رأيهم

سيرش علي جوجل ممكن تلاقي فكرتك موجودة بالظبط ومتطبقة فعلا بس متطبقة بشكل مختلف فتقرر انك تكمل فيها بشكل مختلف او توقف

لو لاقيت فكرة مشابهة دور علي نقاط ضعف حقيقية فيها وحلها في فكرتك وشوف اراء الناس السلبية فيها واتعلم منها

وان شاء الله فكرتك تنجح 👌😉

04/06/2019

كل سنة وانتم طيبين وبخير🎈 .. نتمني لكم عيد سعيد ❤️🥳🎉🎊

02/06/2019

من سابقة اعمالنا : تطبيق SalesMan
تطبيق SalesMan تطبيق يساعد مندوبين المبيعات علي تسجيل المقابلات وتحديد اماكنهم وتقييم كل مقابلة وحفظ تفاصيلها واستعراضها من اي هاتف اخر من قبل الادارة

24/05/2019

يعني ايه ابلكيشن ويب فيو وليه مش بننصحك بيه ؟
الويب فيو هو عبارة عن عرض صفحات الموقع داخل ابلكيشن .. يعني زي ماتكون فاتح الموقع بتاعك علي متصفح من موبيلك بس في اطار ابلكيشن ليه اسم وايقون .

الويب فيو تقريبآ ملهوش مميزات غير انه اسمه ابلكيشن وان سعره رخيص جدآ ومناسب في بعض المواقع المعينة

لكن عيوبه كتير منها :
1. انه موقع مش ابلكيشن حقيقي

2. انك لو مش متصل بالانترنت مش هايظهرلك اي حاجة في الابلكيشن

3. مش هاتقدر تشوف الخرائط بشكل سهل عليه

4. بطيئ جدآ بالمقارنة بالابلكيشن العادي

5. هاتواجه تضيقات من شركة جوجل وابل لما تيجي ترفعه علي المتاجر وبذات ان ابل الفترة اللي فاتت بطلت توافق علي نشر اي تطبيق ويب فيو علي الاستور بتاعهم

6. مش هايكون سهل في الاستخدام لان واجهة المستخدم مصممة من البداية لموقع مش لابلكيشن

7. لو في اي مشكلة في الموقع هاتظهر في الابلكيشن لانه زي ماوضحنا انه موقع في الاول والاخر

علشان كدة بننصحك ماتعملش ابلكيشن ويب فيو الا لو كنت محتاجه بالشكل ده

22/05/2019

Native App vs Hybrid App

هنتكلم في البوست ده عن الفرق بين مصطلحين مهمين جدا في سوق تطبيقات الموبايل
وهما Native Apps & Hybrid Apps
وليه احنا في فكرة اّبس بنشتغل Native

معني مصطلح Native App
هو ان التطبيقات بتتعمل بلغات البرمجة الرسميه لنظام التشغيل الخاص بالموبايل وبما إننا عندنا نظامين تشغيلين في السوق وهما
Android من شركة Google وبيتم عمل التطبيق فيه بلغة Java او Kotlin
و IOS من شركة Apple وبيتم عمل التطبيق فيه بلغة Swift او Objective C

بينما ال Hybird Apps
هو اني بكتب بلغة برمجة واحدة زي ال JavaScript وبحصل علي تطبيق يشتغل علي نظامي Android و IOS

بمجرد تعريف المصطلحين هيجي في بالك علي طول ان ال Hybird Apps افضل من ال Native
وده حقيقي لكن في بعض النقاط زي التكلفة وسرعة تنفيذ التطبيق
بس ده كله بيجي على حساب حاجات مهمة جدا زي
- سرعة وسلاسة التطبيق ودي اهم نقطة بتميز ال Native apps عن ال Hybird
- سهولة التعامل مع الخدمات الاساسية لنظام التشغيل
- سهولة التعامل مع التطبيقات الاخرى المثبته علي نفس الموبايل
- بعض تطبيقات ال Hybird قد يتم رفضها علي المتجر وبالاخص متجر Apple لو مكانتش فيها معايير مهمة جدا بتحددها الشركة والمشكلة دي غير موجودة في ال Native apps

وبما إننا في فكرة اّبس بيكون عندنا اداء وسرعة التطبيق في المقام الاول بنشتغل Native
وبالنسبة للتكلفة وسرعة التنفيذ الي من مميزات تطبيقات ال Hybrid ف اتطمن عشان احنا اسعارنا مش هتلاقيها في اي مكان تاني مقارنة بالجودة الي هنقدمهالك كمان هتستلم التطبيق في نفس المدة الي ممكن تستلم فيها تطبيق Hybrid ودة لان فريق ال Android وال Ios بيشتغلو بالتوازي علي المشروع بتاعك

17/05/2019

يعني ايه UI و UX وليه بنطبقهم في فكرة اّبس ؟

الـ UX هي اختصار لكلمة User Experience وترجمتها بالعربية تجربة المستخدم والمصطلح ده بيعني تفاعلات المستخدم مع التطبيق او بمعنى اخر هو الطريقة الي بيشتغل بيها التطبيق وبيفسر ازاي يلبي احتياجات المستخدم بحيث يكون التطبيق واضح وسهل ومريح للمستخدمين.

أما الـ UI هي اختصار لكلمة User Interface وترجمتها بالعربيه واجهه المستخدم
ببساطه ال UI هو كل المكونات الموجودة في صفحات التطبيق زي أزرار التحكم والألوان وكل العناصر المرئيه والحاجات دي لما بتتجمع في الاخر بتكون صورة التطبيق الي بتميزه عن اي تطبيق تاني وبتديله الشكل والاحساس المميز لفكرة التطبيق.

في فكرة اّبس احنا بنهتم جدا بالـ UI & UX لإن فكرتك مهما كانت قويه مش هتقدر تعرضها وتوصلها للمستخدمين بتوعك إلا لو كانت بصورة جميلة ومميزه ومريحيه اثناء استخدامها

تواصل معانا عشان تعرف معلومات أكتر.

FIKRA APPS

15/07/2019

10/07/2019

05/07/2019

25/06/2019

24/06/2019

19/06/2019

04/06/2019

02/06/2019

24/05/2019

22/05/2019

17/05/2019

Address

Opening Hours

Website

Alerts

Shortcuts

Share

Category

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Sunday	9am - 5pm